ЦЕНТАР ЗА ДОБРО ВЛАДЕЕЊЕ И ИНТЕГРИТЕТ – ХАБ, СКОПЈЕ
Вкупен буџет: 330.000 МКД
Времетраење: 4 месеци
КОНСТИТУЕНТИ
Главни конституенти во овој проект се: Градоначалникот на Општина Карпош и општинската администрација; општинскиот Штаб за заштита и спасување; жителите на општината; месните заедници; граѓанските организации, верските групи и организации; политичките партии и други организирани групи како и волонтерите.
ЗА ПРОЕКТОТ ПОДДРЖАН ОД ЦИВИКА МОБИЛИТАС
Општинска стратегија за заштита од Ковид-19 и други пандемски закани – Поддршка за општинскиот штаб за заштита и спасување
ЗА ШТО Е ПОТРЕБНА АКЦИЈАТА
За справување со заканите од ширење на КОВИД-19 секоја општина формираше и активираше Општински кризен штаб за заштита и спасување. Овие штабови ги раководи градоначалникот, а во нив членуваат претставници на релевантни општински институции. Со овој проект ќе се преземат мерки за заштита на населението и специфични активности со кои ќе се овозможи успешно спроведување на одлуките на Владата и Комисијата за заштита од заразни болести. При Владата постои и Главен кризен штаб за справување со здравствената криза предизвикана од КОВИД-19 кој предлага активности за справување со кризата. Надлежностите на општинските штабови се сведуваа на комуникација и спроведување на препораките и уредбите кои ги добиваат од Владата. Сепак, надлежностите на овие штабови се многу пошироки и истите можат и треба да преземаат проактивни мерки специфични за состојбата на нивната територија.
Предложената интервенција ќе помогне за зголемување на капацитетите за планирање и организирање на членовите на општинскиот кризен штаб. Покрај тоа, ќе се идентификуваат начини за поефикасно комуницирање и фасилитирање на граѓанско учество. Крајната цел ќе биде воспоставување на систем за комуникација и организација на локално ниво кој ќе овозможи граѓанско самоорганизирање и делегирање на дел од надлежностите на општината кон месните заедници и други локални влијателни групи. Со еден збор, подобро и поефикасно организирање ќе овозможи оптимална употреба на ограничените ресурси на општината и нивно насочување кон локациите со најголема изложеност.
ЦЕЛИ И РЕЗУЛТАТИ
Општа цел: Ефикасна заштита на населениот при здравствени закани – според примерот на КОВИД-19.
Специфична цели:
- Изработка на стратегија за справување со здравствени закани (КОВИД-19);
- Градење на капацитетите на членовите на општинскиот штаб за заштита и спасување;
- Изработка на план за ефикасно информирање на граѓаните во кризни комуникации.
РЕЗУЛТАТИ
- Изработена Стратегија за справување со здравствени закани (КОВИД -19);
- Идентификувани и мапирани ризици од ширење на пандемијата на КОВИД -19 во општина Карпош;
- Список на можни алтернативни локални активности за спречување на ширење на заразата;
- Подобрени вештини на членовите на штабот за заштита и спасување;
- Подобрена комуникација на општинскиот штаб за заштита и спасување;
- Листа на планирани активности предложени до општината;
- Создавање на мрежа на активни волонтери.
АКТИВНОСТИ
- Анализа на работата на општинскиот кризен штаб и запознавање со неговите капацитети;
- Анализа на капацитетите и потреба за обука на членовите на општинскиот кризен штаб за заштита и спасување;
- Анализа и мапирање на ризици од ширење на КОВИД -19 специфични за општината;
- Изработка на список на ризици и можни алтернативни решенија;
- Изработка на листа со предложени активности и доставување до општината;
- Изработка на стратегија за справување со здравствени закани (КОВИД -19) и спречување други заразни болести.
