Здружение ЕКО ПРАВДА Валандово
Вкупен буџет: 306.100 МКД
Времетраење: 15.11.2019 – 15.7.2020
Конституенти
Граѓанските организации кои работат на заштита на животната средина, општата јавност, државни институции.
За проектот поддржан од Цивика мобилитас
Климатски Набљудувач – COP25 Watch
За што е потребна акцијата
Глобалните лидери, шефови на држави и граѓанското општество од целиот свет се собираат на 25-та Конференција Conference of the Parties – COP25) на Рамковната Конвенција на Обединетите Нации за климатски промени од 2 до 13 декември 2019 година да дискутираат, да се организираат и да донесат планови за акција кои ќе бидат социјално-економски праведни и итно имплементирани. Овие преговори се одвиваат на годишно ниво од 1992 година со многу мал напредок и многу мало медиумско покривање.
ЦЕЛИ И РЕЗУЛТАТИ
Општа цел: Опремување на осум граѓански организации со потребните алатки и методологии за следење, анализирање и комуникација на прашања и политики поврзани со климатските промени на локално, национално и меѓународно ниво, што пак ќе доведе до ефикасен дијалог со локалните и националните власти.
Специфични цели:
- Да се деконструираат, анализираат и комуницираат резултатите и активностите на климатските преговорите на ООН за македонскиот граѓански сектор;
- Да им станат достапни алатки и методологии за следење, анализирање и комуникација на клучните членови на осум граѓански организации во осумте региони во државата;
- Да им овозможат на клучните членови на осум граѓански организации во осумте региони во државата информации и вештини за ефективно преговарање со локалните и националните власти во врска со климатски политики.
Резултати
- Да се развие и пополни со климатски анализи веб-страната во врска со претстојните преговори за климатски промени на ООН (COP25);
- Осум граѓански организации во осумте региони во државата да се опремат со алатки и методологии за следење, анализирање и комуникација на проблемите поврзани со климатските промени на локално, национално и меѓународно ниво;
- Осум граѓански организации во осумте региони во државата да се опремат со информации и вештини за ефективно преговарање со локалните и националните власти во врска со климатски политики.
Активности
- Поставување и промовирање на Климатски Набљудувач веб-страната за известување за претстојните преговори за климатски промени на ООН;
- Пополнување на веб-страната со дневни анализи и активности за време на климатските преговори на ООН;
- Организирање на осум работилници со осум граѓански организации во секој од планските региони на РСМ, каде учесниците ќе бидат обучени да ги следат и да придонесуваат кон локалните и националните климатски политики, како и да ги следат истите на меѓународно ниво.