Започна летната турнеја за мониторинг и мотивација на Цивика мобилитас
Тимот на Цивика мобилитас кон крајот на јули започна со серија посети на своите своите грантисти чии проекти се спроведуваат во моментов или веќе завршиле, а чиј број e 208 организации.
Целта на оваа турнеја е одблиску да се види работата на организациите, да се слушнат нивните искуства од проектите како и да дадат препораки кои во иднина можат да и послужат на програмата за нејзино усовршување.
„Разговорот и споделувањето искуства на лице место овозможува да се добијат многу повеќе информации од оние што се презентирани во формалните извештаи. Во нив не е возможно да допреме до човечкиот фактор, подемите и падовите за време на проектот, мотивацијата за работа и преминувањето на препреките,“ – објасни Петруш Тоинес, интернационален тим лидер на Цивика мобилитас.
Посветениот тим на програмата верува дека ова е одличен начин обичните луѓе да разберат за што се залагаат организациите, кои се нивните постигнувања и како тие секојдневно ги менуваат животите на илјадниците граѓани во чие име се борат. За таа цел, оваа турнеја ќе резултира со бројни патувачки приказни кои ќе ѕирнат зад кулисите и ќе ги откријат темелите на граѓанското општество.
Разновидноста на програмата дава можност да се споделат стории од најразлични сфери на животот, од заштита на животната средина до работнички права. „Наше е тие да излезат на виделина, а граѓаните се оние кои се надеваме ќе ги поттикнеме уште пожестоко да се борат за своите права,“ – велат од Цивика.
![[Aggregator] Downloaded image for imported item #47405](https://civicamobilitas.mk/wp-content/uploads/2026/04/Kumanovo-23.04_1-768x576.jpg)
