Грантистите од програмата „Човековите права во практиката“ се запознаа со процесот на УПП

ОдИнститут за европска политика

Институтот за европска политика (ЕПИ) – Скопје, додели седум грантови од програмата „Човековите права во практиката“ во рамки на проектот „Заедничка акција за човекови права“. Организациите ќе работат на проекти во една од приоритетните области на Универзалниот периодичен преглед на Обединетите нации.

На 17 и 18 јули во Скопје се одржа работилница за организациите Центар за европска граѓанска иницијатива, Легис, Националната мрежа против насилство врз жени и семејно насилство, Двојна надеж, Здружение за сексуални и родови малцинства Квир Центар – Скопје, Здружение Мултикултура и здружението на граѓани Ромаверзитас кои се добитнички на грантовите.

На работилницата на организациите им беа презентирани насоките за административно и финансиско работење, како и правилата за видливост од страна на тимот на ЕПИ. Дополнително, организациите ги презентираа целите и очекуваните резултати од своите проекти.

Освен меѓусебното вмрежување и запознавање со проектите на дводневната работилница се одржаа и предавања и дискусии за подобро запознавање на избраните организации со процесот на подготвување на Универзалниот периодичен преглед и нивната улога во давањето препораки и лобирањето пред релевантните тела.

За подготовката на УПП зборуваа Тања Темелкоска – советничка за човекови права во канцеларијата на Постојниот координатор на Обединетите нации во земјава, Тања Диневска од Министерството за надворешни работи и Игор Јадровски – како експерт со искуство во подготвувањето на препораки за УПП.

Биљана Гинова, УПП експертка на учесниците на работилницата им го разјасни процесот на подгоотвување препораки за УПП и направи поврзување на УПП со ЕУ. Повеќе практични искуства од учество во УПП процесот споделија Елена Кочоска од Полио Плус – движење против хендикеп, Светлана Црвеновска од Македонското здружение на млади правници и Наташа Бошкова од Коалиција Маргини.

Грантистите своите проекти ќе ги спроведуваат во следните осум месеци, а првите месеци ќе ги постветат на подготвување препораки за Универзалниот периодичен преглед на ОН.

Грантовата шема „Човековите права во практиката“ се спроведува во рамките на проектот „Заедничка акција за човекови права“, кој го спроведува ЕПИ, а е финансиран од Европската Унија.

The post Грантистите од програмата „Човековите права во практиката“ се запознаа со процесот на УПП appeared first on EPI.

Продолжи со читање

  • Насилството врз децата не почнува кога ќе стане вест, а превенцијата не треба да започне откако насилството ќе стане вест

    Зад секоја вест за насилство врз дете, стојат дете со нарушено чувство на сигурност, семејство кое живее во страв и неизвесност; и заедница што треба да се запраша дали можела да стори нешто порано. Но, не секое насилство станува вест. Некои деца молчат од страв […]
    The post Насилството врз децата не почнува кога ќе стане вест, а превенцијата не треба да започне откако насилството ќе стане вест appeared first on Myla.

  • Eco Social Voices претставен на YCDF Skopje Local Point: Младите како двигатели на климатските промени

    Климатската акција започнува со младите, нивните идеи и можноста активно да учествуваат во создавањето промени. Во Europe House во Скопје, Еко Логик, во партнерство со Youth Climate Diplomacy Forum (YCDF), го претстави проектот Eco Social Voices на презентацискиот настан посветен на YCDF Skopje Local Point. Настанот беше можност за запознавање со целите, визијата и активностите […]

  • Новинарите ги декодираат институциите на ЕУ, acquis и политиките за проширување

    На 16 и 17 октомври 2026 година, Институтот за европска политика (ЕПИ) го организираше првиот модул за обука во рамките на проектот „Decode the EU – Communicating EU policies together“ во Струмица. Дводневната работилница собра 10 новинари од различни медиуми, со цел да се зајакне аналитичкото известување засновано на докази за процесот на пристапување на […]
    The post Новинарите ги декодираат институциите на ЕУ, acquis и политиките за проширување appeared first on EPI.

  • Извидниците од Велес волонтерски работеа на санирање на конференциската сала во ИЦО – Охрид

    Членовите на извидничкиот одред “Димитар Влахов“ – Велес, Валентин Јанкуловски, Благој Јорданов и Владимир Ивановски-Вуцо во периодот од 16 до 18 октомври 2026 год. во извидничкиот центар “Охрид“ во Охрид работена на санирање на Конференциската сала на ИЦО – Охрид. Со превземените активности од страна на нашите одредски членови ја…

  • Меморандум за разбирање со Британската бизнис-асоцијација

    Силните економии се градат врз силни партнерства. Finance Think и British Business Association in North Macedonia – Британската бизнис-асоцијација во Северна Македонија вчера потпишаа Меморандум за разбирање, поставувајќи основа за поблиска соработка за прашања важни за бизнис-секторот, носителите на политики и општеството. Партнерството ја поврзува широката деловна мрежа на Британската бизнис-асоцијација со економските истражувања и […]
    The post Меморандум за разбирање со Британската бизнис-асоцијација first appeared on Finance Think.
    The post Меморандум за разбирање со Британската бизнис-асоцијација appeared first on Finance Think.

Адресар на граѓански организации

Ресурси од граѓански организации

Магазин „Граѓаните за промена“

Вести од граѓански организации

Граѓански стории

Граѓански импулс

Civica Mobilitas Community

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор