Доделени три нови мали грантови за граѓанските организации
Објавено: 31/08/2021
Комисијата за избор на грантови ги оцени концептите кои организациите ги поднесоа на повикот за мали акциски грантови на Цивика мобилитас (ЦМ-МАК-02) во периодот од 1 април до 30 јуни 2021.
Беа доставени 66 апликации, од кои три организации добија мал грант, и тоа:
- Здружение на граѓани Центар за животна средина и одржлив развој Богданци со проектот „Воспоставување на механизам за подобрена соработка помеѓу општина Богданци и граѓаните“;
- Здружение за култура и уметност „Арт-Манија“, Куманово со проектот „Доба на неразум“;
- Здружение Центар за иновации и развој „Инос“ Прилеп со проектот „Истражувај на тема „Корона вирус – тест за дигиталното општество“;
Новите грантисти ќе дејствуваат во секторите за развој на граѓанско општество, добро владеење и образование, наука и истражување. Од нив, две акции ќе се спроведуваат во период од четири месеци, а една со времетрање од шест месеци.
Избраните организации се од југоисточниот, североисточниот и пелагонискиот регион во РС Македонија и ќе делуваат на локално, регионално и национално ниво.
Вкупната поддршка на Цивика мобилитас за овие мали акциски грантови е 958.000 МКД.
