Започнавме со инсталирање на инструментите за мониторинг на квалитетот на воздухот во југозападниот регион

Во рамки на проектот „Граѓанска мрежа за чист воздух во Југозападниот регион“, поддржан од Швајцарската Влада преку програмата Цивика мобилитас, Здружение на еколози „Натура“ – Струга, во партнерство со Извидничкиот одред „Мирко Милески“ – Кичево, го започна процесот на поставување и инсталирање на инструменти за мониторинг на квалитетот на воздухот во општините од југозападниот регион.

Активностите се реализираат во:
• Струга
• Охрид
• Вевчани
• Дебар
• Кичево

Во рамки на проектот ќе бидат поставени современи инструменти за мерење на параметрите на квалитетот на воздухот, кои ќе овозможат континуиран мониторинг и јавен пристап до измерените податоци во реално време.

Избраните локации за поставување на инструментите се во близина на:
• училишта,
• градинки,
• болници,
• јавни институции,
• како и во центрите на градовите и општините.

Целта на оваа активност е зголемување на транспарентноста и јавното информирање поврзано со загадувањето на воздухот, како и подигнување на свеста кај граѓаните за значењето на заштитата на животната средина и јавното здравје.

Преку онлајн платформата www.klimerko.org, граѓаните ќе имаат можност во секој момент да ја следат состојбата со квалитетот на воздухот во општините од југозападниот регион и да се информираат за параметрите на загаденоста на воздухот во реално време.

Овој проект претставува значаен чекор кон создавање граѓанска мрежа за мониторинг на воздухот, придонесувајќи за вклучување на заедницата, институциите и граѓаните во заштитата на животната средина и креирањето подобри политики за почист воздух.

Содржината на оваа објава е единствена одговорност на Здружение на еколозите „Натура“ – Струга и на ниту еден начин не може да се смета дека ги одразува гледиштата на Владата на Швајцарија, Цивика мобилитас или организациите што ја спроведуваат.

#CHinMK#CivicaMobilitas

Civica MobilitasEmbassy of Switzerland in North MacedoniaИзвиднички одред “Мирко Милески” / Scout group “Mirko Mileski”

Оваа вест изворно е објавена на веб-страната на Здружение на еколози „Натура“