Соработки, обуки и заеднички чекори напред
На 30 јануари 2025 година, во Јавна соба се одржа втората физичка средба на членките на македонската мрежа на Фондацијата Ана Линд. Средбата започна со состанок кој го модерираше Симона Славкова прокетниот координатор на мрежата. На овој состанок ги дискутиравме сите активности и постигнувања во изминатите месеци, како и можностите што се отвораат за наредниот период.
Во духот на зајакнување на мрежата, заеднички заклучивме дека е неопходно да се продлабочи меѓусебната поддршка и соработка, особено меѓу организациите со слични или исти области на делување. За таа цел, се разгледаа идеи за повеќе заеднички настани, партнерства и обуки кои не само што ќе ја зацврстат мрежата, туку и ќе ги продлабочат релациите меѓу членкитe.
По состанокот, членките имаа можност да учествуваат во обуката посветена на една од приоритетните тематски области на мрежата- локална демократија и граѓанско учество. Обуката ја одржа Ивана Велкова, вршител на должност директор на АЛДА за Балканот, која преку практични примери од работата на АЛДА ги запозна членките со клучните механизми и алатки за градење одржливи демократски процеси на локално ниво.
Оваа средба беше уште еден значаен чекор во развојот на мрежата и во градењето посилни партнерства. Во текот на наредниот период следуваат многу нови средби, настани и иницијативи кои ќе ја збогатат мрежата со уште повеќе инспиративни приказни и добри практики.
![[Aggregator] Downloaded image for imported item #52397](https://civicamobilitas.mk/wp-content/uploads/2026/10/reg5-1024x576-1-768x432.jpg)
