Сензорни соби, но и повеќе стручен кадар за основните училишта во Кисела Вода

ОдМЦМС 13/03/202307/06/2024

Дефектолозите и психолозите од основните училишта во општина Кисела Вода побараа подобар пристап во работата со децата со попреченост, зголемување на стручниот кадар и дополнителна обука за да одговорат на потребите за поинклузивно образование.

Центарот за младински активизам Крик на 21 февруари 2023 година во просториите на Општина Кисела Вода организираше тркалезна маса со наслов: „Инклузија и олеснување на образовниот процес на лицата со попреченост“ на која учествуваа дефектолози и психолози од шест основни училишта во општината, претставници на граѓанските организации Крик и Леад, советници на општината и лица со попреченост. Учесниците зборуваа за сензорните соби и пристапноста на училиштата за децата со попреченост, но поголем фокус беше ставен на подготовката на наставниот кадар и нивните предизвици во секојдневната работа со децата со попреченост.

На настанот, ЦМА Крик ја потсети актуелната локална власт на предизборното ветување на градоначалникот за изградба на сензорни соби во основните училишта на општината. Советникот во кабинетот на Градоначалникот, Сашо Јовановски, истакна дека општината нема многу надлежности во образованието, но сепак работат во подобрување на условите во основните училишта. „Опремени и пуштени во употреба се три сензорни соби, а се работи на ставање во употреба на уште две сензорни соби во уште две основни училишта“, рече тој. Во дискусијата, стручниот кадар од училиштата „Рајко Жинзифов“, „Круме Кепески“, „Кирил Пејчиновиќ“, „Св. Климент Охридски“, „Кузман Шапкарев“ и „Партеније Зографски“ се пожали на исцрпеност и побара подобро, системско организирање на нивната работа, поголем број вработени во инклузивниот тим и обука.

Имајќи ги предвид надлежностите, дискусиите повеќе се однесуваа на Министерството за образование и наука отколку на оние на општината. ЦМА Крик истите ќе ги има предвид при следните настани од проектот, и тоа стенд ап настанот „Ексклузивна инклузивност“ и „Дојди на пикник“.

Одржувањето на тркалезната маса беше овозможено со проектот „Поддршка на изборните реформи во Северна Македонија“ на Владата на Швајцарија кој го спроведува Меѓународната фондација за изборни системи (ИФЕС), а грантовите ги администрира Македонскиот центар за меѓународна соработка (МЦМС).

МЦМС ја започна новата антикорупциска програма
21/01/202622/01/2026
Македонскиот центар за меѓународна соработка (МЦМС) го започна спроведувањето на програмата „Градење општество отпорно на корупција“, која ќе се реализира во периодот од 1 јануари 2026 до 30 јуни 2028 година со финансиска поддршка од Делегацијата на ЕУ во Северна Македонија.
Потврда на долгогодишното македонско-холандско пријателство
20/01/202621/01/2026
Македонската развојна фондација за претпријатија (МРФП) и Македонскиот центар за меѓународна соработка (МЦМС) на 16 јануари 2026 година беа домаќини на Н.Е. Узлем Џанел (Özlem Canel), Амбасадорка на Кралството Холандија во Република Северна Македонија и Иван Илиев, советник за економија и трговија во Амбасадата.
„Денес беше убава прилика за освежување на долгото пријателство меѓу МРФП и Амбасадата на Кралството Холандија“, истакна Лазар Неданоски, извршен директор на МРФП.На средбата, која помина во пријатна и отворена атмосфера, директорот на МЦМС, Александар Кржаловски, потсети на почетоците на соработката со Холандија и на клучните поединци кои придонеле за развојот на организацијата. МЦМС како организација е основана во 1993 година, како потфат на домашни иницијативи поддржани од Холандската меѓуцрковна помош (ХМП) и агенциите на Светскиот совет на црквите (ССЦ). Пет години подоцна, во 1998 година, МЦМС ја основаше Македонската развојна фондација за претпријатија (МРФП), фокусирана на развој на малите претпријатија, преку пристап до финансиски услуги и промоција на претприемништво.
Директорот на МРФП, Неданоски, даде хронолошки приказ на развојот на Фондацијата, нагласувајќи дека поддршката од Кралството Холандија била од клучно значење во првите години од нејзиното работење. Според него, таа поддршка не била важна само од финансиски аспект, туку имала значително влијание и врз организацискиот развој на МРФП, како и врз пошироката заедница мултиплицирајќи го ефектот во развојот на институциите, организациите и нивните лидери.
Амбасадорката Џанел изрази задоволство што поддршката од Кралството Холандија резултирала со одржливи организации кои успешно работат и го пренесуваат своето искуство на други организации и институции. На средбата беше разговарано и за можностите за идна соработка.
Презентиран Индексот на политички интегритет
19/01/202621/01/2026
На 27 ноември 2025 година во Клубот на пратеници се одржа презентацијата на првиот Индекс за политички интегритет (ИПИ) во земјата – инструмент создаден да ја измери, поттикне и промовира културата на интегритет во политичкиот и јавниот живот. Настанот беше проследен од голем број претставници на институции, медиуми, граѓански организации. Во своето…
Bure-Cycle: Од отпад до иновативен велосипедски паркинг
18/01/202620/01/2026
Во светот каде ресурсите се ограничени, а отпадот се зголемува, секоја мала идеја за реупотреба има големо значење. Еко Логик со својот проект Bure-Cycle го покажува токму тоа – како старите метални буриња можат да добијат нов живот и да станат функционални, визуелно привлечни и одржливи велосипедски паркинзи за јавни простори. Иницијативата се роди од […]
Младите уметници го освојуваат јавниот простор: PATS – Уметност за активизам и општествени промени
18/01/202620/01/2026
Европскиот проект „Младите уметници го освојуваат јавниот простор – PATS“ (Performance Artists Take The Streets – PATS) официјално започнува со јасна и силна мисија: да им овозможи на младите уметници нови простори, алатки и можности за креативно изразување и општествен ангажман. Уметноста како глас на промената PATS е проект финансиран преку Erasmus+ програмата на Европската […]
Високите цени ја истиснаа корупцијата од првото место, но таа и понатаму е меѓу најголемите општествени предизвици
14/01/202615/01/2026
За разлика од 2021 и 2023 година, кога корупцијата беше препознаена како најголем општествен проблем, во 2025 година граѓаните на прво место ги издвојуваат високите цени (46,6%), додека корупцијата е веднаш зад нив (40,1%). Ова укажува дека инфлацијата, растечките трошоци за живот и намалената куповна моќ ја зголемуваат економската несигурност, но и дека корупцијата останува еден од клучните општествени предизвици.