Проширување на дигиталната демократија: Од е-услуги до граѓанска технологија и учество на граѓаните

И покрај зголемените инвестиции во дигиталната трансформација, граѓанските организации низ регионот и понатаму укажуваат на јазот помеѓу достапноста на дигиталните јавни услуги и нивната реална употреба од страна на граѓаните.

Во Северна Македонија, ограничената информираност и ниската употреба на националната платформа за е-услуги (www.uslugi.gov.mk) беа идентификувани како клучен предизвик. Слични загрижености беа споделени и во други земји, каде што дигиталната писменост и јавното информирање сè уште се недоволни за да се обезбеди инклузивен пристап до алатките за дигитално управување.

Учесниците од Турција истакнаа важна перспектива за улогата на пристапноста до податоци и институционалната транспарентност во овозможувањето на ефективен граѓански ангажман. Тие, исто така ја нагласија важноста на соработката меѓу граѓанските актери и заедничките комуникациски канали за зголемување на видливоста, размената на податоци и јавната информираност. Во продолжение на дискусиите беа опфатени можности за натамошна соработка, заедничко планирање на застапувачки активности и насочена поддршка за пристап до парламентарни и политички податоци со цел зајакнување на истражувачките и застапувачките напори.

Во сите региони, учесниците нагласија дека дигиталната трансформација мора да оди подалеку од инфраструктурата и платформите. Таа, исто така треба да ги зајакне граѓаните преку образование, инклузија и пристапни алатки кои овозможуваат значајно учество во процесите на донесување одлуки.

Групата се согласи да ја продолжи соработката преку заеднички иницијативи, усогласени застапувачки активности и координирани напори за зајакнување на дигиталната демократија низ регионот.

Оваа вест е објавена како дел од проектот „Регионален механизам за поддршка на Источна Европа и Централна Азија (EECA)“, спроведен од Фондација Метаморфозис и ТехСуп, во партнерство со ЦИВИКУС и во рамки на Иницијативата за дигитална демократија (ДДИ) која ги опфаќа земјите од Глобалниот Југ.