Untitled Design (16)

ОТВОРЕН ПОВИК за избор на локални еко амбасадори од Општина Прилеп

ОдСтаница ПЕТ

Здружение СТАНИЦА ПЕТ во рамки на проектот „Еко иницијатива: граѓаните и локалната власт во акција за заштита на животната средина!“ објавува:

ОТВОРЕН ПОВИК

 за избор на локални еко амбасадори

Овој повик има за цел избор на 4 локални активисти – еко амбасадори од Општина Прилеп, кои ќе бидат дел од обука за мониторинг и комуникација со локалните власти и ќе служат како посредници меѓу граѓаните и институциите.

За проектот:

Општа цел: Зголемување на граѓанското учество во процесите на заштита на животната средина преку развој на активизам во заедниците и подобрување на транспарентноста и комуникацијата со властите.

  • Краткорочна цел 1: Поттикнување и развој на еколошкиот активизам во локалните заедници преку едукација и ангажирање на граѓаните.
  • Краткорочна цел 2: Зајакнување на двонасочната комуникација помеѓу граѓаните и властите преку дигитални и интерактивни алатки.
  • Краткорочна цел 3: Подобрување на транспарентноста на властите преку достапност на информации за јавните расходи и активности за заштита на животната средина.

За повикот – избор на локални еко амбасадори

Во месец септември 2025 година ќе се организира тридневна обука за избраните активисти, со цел тие да стекнат практични знаења и вештини за:

  • граѓанско застапување и комуникација со локалната власт,
  • разбирање на локалните и националните еколошки политики,
  • организирање јавни акции и информирање на граѓаните,
  • ефективно посредување помеѓу потребите на заедницата и одлуките на локалната власт.

Обуката ќе се реализира преку интерактивни сесии, симулации и работа на реални примери, под менторство на искусен експерт.

По завршувањето на обуката, избраните еко амбасадори ќе бидат активно вклучени во проектни активности во текот на наредните осум месеци (октомври 2025 – мај 2026).
Како подготвени и препознаени претставници на граѓаните, тие ќе имаат клучна улога во:

  • подигање на јавната свест за еколошки прашања,
  • иницирање и спроведување локални иницијативи,
  • обезбедување континуирана комуникација меѓу институциите и заедницата.

Кој може да се пријави?

Право на пријавување имаат сите заинтересирани граѓани кои:

  • имаат интерес и познавање на еколошки теми,
  • поседуваат искуство во теренски активизам и работа со заедницата,
  • се мотивирани да го застапуваат јавниот интерес,
  • сакаат да придонесат за подобра комуникација меѓу институциите и граѓаните.

Посебно ги охрабруваме младите, жените и граѓаните од маргинализирани заедници да се пријават.

Што добивате?

Како избран еко амбасадор ќе имате можност:

  • да стекнете нови вештини и знаења за застапување,
  • да бидете препознаен претставник на вашата заедница,
  • да иницирате локални иницијативи и активности,
  • активно да придонесувате за подобра животна средина и јавна свест.

Како да се пријавите?

Испратете кратка биографија (CV) и мотивациско писмо (до 1 страница) на е-маил: stanicapet@gmail.com  со назнака „Пријава за еко амбасадор“ најдоцна до 03.09.2025.

За дополнителни информации обратете се на: 076/278-753.

*Активноста е во рамки на проектот „Еко иницијатива: граѓаните и локалната власт во акција за заштита на животната средина!“, имплементиран од Здружение СТАНИЦА ПЕТ, во рамки на програмата за подгрантирање на проектот „Добро владеење во животната средина на Зелена Агенда за Западен Балкан”, имплементиран од Центарот за правни истражувања и анализи, Македонското здружение на млади правници и Фронт 21/42, а е финансиски поддржан од Европската унија.

This post was originally published on this site

Продолжи со читање

  • МЦМС ја започна новата антикорупциска програма

    Македонскиот центар за меѓународна соработка (МЦМС) го започна спроведувањето на програмата „Градење општество отпорно на корупција“, која ќе се реализира во периодот од 1 јануари 2026 до 30 јуни 2028 година со финансиска поддршка од Делегацијата на ЕУ во Северна Македонија.

  • Потврда на долгогодишното македонско-холандско пријателство

    Македонската развојна фондација за претпријатија (МРФП) и Македонскиот центар за меѓународна соработка (МЦМС) на 16 јануари 2026 година беа домаќини на Н.Е. Узлем Џанел (Özlem Canel), Амбасадорка на Кралството Холандија во Република Северна Македонија и Иван Илиев, советник за економија и трговија во Амбасадата.

    „Денес беше убава прилика за освежување на долгото пријателство меѓу МРФП и Амбасадата на Кралството Холандија“, истакна Лазар Неданоски, извршен директор на МРФП.На средбата, која помина во пријатна и отворена атмосфера, директорот на МЦМС, Александар Кржаловски, потсети на почетоците на соработката со Холандија и на клучните поединци кои придонеле за развојот на организацијата. МЦМС како организација е основана во 1993 година, како потфат на домашни иницијативи поддржани од Холандската меѓуцрковна помош (ХМП) и агенциите на Светскиот совет на црквите (ССЦ). Пет години подоцна, во 1998 година, МЦМС ја основаше Македонската развојна фондација за претпријатија (МРФП), фокусирана на развој на малите претпријатија, преку пристап до финансиски услуги и промоција на претприемништво.

    Директорот на МРФП, Неданоски, даде хронолошки приказ на развојот на Фондацијата, нагласувајќи дека поддршката од Кралството Холандија била од клучно значење во првите години од нејзиното работење. Според него, таа поддршка не била важна само од финансиски аспект, туку имала значително влијание и врз организацискиот развој на МРФП, како и врз пошироката заедница мултиплицирајќи го ефектот во развојот на институциите, организациите и нивните лидери.
    Амбасадорката Џанел изрази задоволство што поддршката од Кралството Холандија резултирала со одржливи организации кои успешно работат и го пренесуваат своето искуство на други организации и институции. На средбата беше разговарано и за можностите за идна соработка.
     

  • Презентиран Индексот на политички интегритет

    На 27 ноември 2025 година во Клубот на пратеници се одржа презентацијата на првиот Индекс за политички интегритет (ИПИ) во земјата – инструмент создаден да ја измери, поттикне и промовира културата на интегритет во политичкиот и јавниот живот. Настанот беше проследен од голем број претставници на институции, медиуми, граѓански организации. Во своето…

  • Bure-Cycle: Од отпад до иновативен велосипедски паркинг

    Во светот каде ресурсите се ограничени, а отпадот се зголемува, секоја мала идеја за реупотреба има големо значење. Еко Логик со својот проект Bure-Cycle го покажува токму тоа – како старите метални буриња можат да добијат нов живот и да станат функционални, визуелно привлечни и одржливи велосипедски паркинзи за јавни простори. Иницијативата се роди од […]

  • Младите уметници го освојуваат јавниот простор: PATS – Уметност за активизам и општествени промени

    Европскиот проект „Младите уметници го освојуваат јавниот простор – PATS“ (Performance Artists Take The Streets – PATS) официјално започнува со јасна и силна мисија: да им овозможи на младите уметници нови простори, алатки и можности за креативно изразување и општествен ангажман. Уметноста како глас на промената PATS е проект финансиран преку Erasmus+ програмата на Европската […]

  • Високите цени ја истиснаа корупцијата од првото место, но таа и понатаму е меѓу најголемите општествени предизвици

    За разлика од 2021 и 2023 година, кога корупцијата беше препознаена како најголем општествен проблем, во 2025 година граѓаните на прво место ги издвојуваат високите цени (46,6%), додека корупцијата е веднаш зад нив (40,1%). Ова укажува дека инфлацијата, растечките трошоци за живот и намалената куповна моќ ја зголемуваат економската несигурност, но и дека корупцијата останува еден од клучните општествени предизвици.

Адресар на граѓански организации

Ресурси од граѓански организации

Магазин „Граѓаните за промена“

Вести од граѓански организации

Граѓански стории

Граѓански импулс

Civica Mobilitas Community

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор