Организирање на професионална пракса во јавниот и бизнис секторот за 30 жени од етничките заедници од Скопје, Куманово, Штип, Битола и Тетово

Организирање на професионална пракса во јавниот и бизнис секторот за 30 жени од етничките заедници од Скопје, Куманово, Штип, Битола и Тетово

ОдANTIKO

ЖГИ АНТИКО од 08.05.2017 до 20.07.2017 година организира  професионална пракса во рамките на проектот ,,Вклучување на жени од етничките заедници во пазарот на трудот“. Во текот на месец  мај, јуни и јули 30 млади жени (по 6 од секоја општина) од Скопје, Куманово, Штип, Битола и Тетово, стекнуваат практично искуство по завршувањето на 3 месечниот циклус на обуки каде се мотивираа и добија теоретски знаења и вештини за активно вклучување во пазарот на трудот. Целта на индивидуалната професионална пракса е зголемување на знаењата и капацитетите на целните групи, да станат поконкурентни на пазарот на трудот. Оваа активност е неизмерно важна за жените, токму поради стекнувањето на практично искуство во работна средина, кое ќе им овозможи зголемување на нивните работни навики, искуство, знаење и вештини во области каде што се определиле да работат, а уште поважно е тоа што оваа активност отвара поголеми можности за нивно идно вработување. Охрабрува фактот што сите учеснички и работодавачите каде тие ја спроведуваат праксата добро соработуваат и се задоволни од оваа соработка. Најавуваат и можности тие да ја продолжат соработака преку вработување или понатамошно ангажирање. Изборот за областа каде ќе ја реализираат праксата им беше препуштен на самите учеснички.

Организации и правни субјекти во горе наведените општини, кои претходно беа таргетирани и со нив беа потпишани соодветни договори се следните:

Куманово:

ФРИЗЕРСКИ САЛОН–РЕСИ – две практикантки;

ФРИЗЕРСКИ САЛОН–ЛЕЈДИ СТИЛ – една практикантка;

ФРИЗЕРСКИ САЛОН–ЊУ ФЕШН – една практикантка;

ФРИЗЕРСКИ САЛОН–ФИОНА – две практикантки.

Штип:

ФРИЗЕРСКИ САЛОН–КОНТЕСА – две практикантки;

 ЈЗУ ЗДРАВСТВЕН–ДОМ Панче КАРАЃОЗОВ – две практикантки;

ФЗОМ ПЕ ШТИП – две практикантки.

Битола:

МКЦ–БИТОЛА – една практикантка;

БАИРСКА СВЕТЛИНА – две практикантки;

ФРИЗЕРСКИ САЛОН–КСЕНИКС – една практикантка;

ФРИЗЕРСКИ САЛОН–ВИОЛА ФИТ – една практикантка;

ФРИЗЕРСКО СТУДИО ЛА БЕЛА – една практикантка.

Тетово:

АЛБИМЕДИКА БИОХЕМИСКА ЛАБ – една практикантка;

ФРИЗЕРСКИ САЛОН–ДИАМОНД–БЕАУТИ – една практикантка;

КОЗМЕТИЧКИ САЛОН–МАКСИМУС-БХС – една практикантка;

НЕТИНГ ШКОЛА ЗА ЈАЗИЦИ – една практикантка;

ОТВОРЕН ГРЃАНСКИ УНИВЕРЗИТЕТ ЗА Д.У. ТЕТОВО – една практикантка;

СТАРТЕР ФОН ФОН–ТЕТОВО – една практикантка.

Скопје:

ПЗУ ДОКТОР МАЕР – една практикантка;

НВО ИРИЗ – една практикантка;   

ПЗУ ИНТЕРГИН БИОХЕМИСКА ЛАБОРАТОРИЈА – две практикантки;

НВО РОМАВЕРЗИТАС – една практикантка; 

АПТЕКА РУНОЛИСТ – една практикантка.

Сите практикантки континуирано се посетуваат од проектниот тим на АНТИКО. На следните линкови можете да пристапите до фотографии од спроведените посети на практикантките на лице место.

Фотографии од посети во Тетово

Фотографии од посети во Скопје

Фотографии од посети во Штип

Фотографии од посети во Куманово

Фотографии од посети во Битола

Активностите се спроведуваат во рамките на проектот „Вклучување на жени од етничките заедници на пазарот на трудот“ поддржан од Европската Унија, а имплементиран од ЖГИ АНТИКО-Скопје и CARE Германија/Луксембург е.В.

ЖГИ АНТИКО е корисник на институционален грант на #civicamobilitas

Продолжи со читање

  • Елаборат за четириесетите – XL Средби на извидници Велес 2026

    Почитувани извидници, извидничкиот одред “Димитар Влахов” од Велес одбележувајќи ја седмата деценија на постоење на извидништвото во Велес и Денот на Државноста на Македонија, Ве поканува на традиционалните XL Средби на извидници 2026. Во периодот од 1975 до 2026 година, успевaме да организираме четириесет Средби на извидници од кои последните…

  • Ново регионално партнерство: Здружението започнува проект поддржан од Western Balkans Fund и Европската Унија

     Со голема чест и задоволство споделуваме дека Здружение на лица со церебрална парализа и други попречености е добитник на грант од Фондот за Западен Балкан (Western Balkans Fund), кофинансиран од Европската Унија! На 24 и 25 јуни 2026 година во Тирана, Албанија, присуствувавме на дводневната партнерска работилница и свечената церемонија…

  • Успешно реализирана XXVI Вардарска регата “Гемиџии 2026“

    Иако регатата се одвива по 26-ти пат, ова е трета година во која пловидбата заврши во Солун, идентично како онаа на велешките трговци во минатото. Чамците растоварени, пловењето успешно завршено, се сумираат впечатоците од Вардарска регата „Гемиџии“ која по 26-ти пат ја оживеа традицијата и патшествието на велешките трговци во…

  • Од отпад до производ: Како био-отпадот станува дел од нашето секојдневие

    Био-отпадот претставува органски отпад кој потекнува од домаќинствата, пазарите, градините и прехранбената индустрија. Во оваа категорија спаѓаат остатоци од овошје и зеленчук, талог од кафе, лушпи од јајца, лисја и трева.
    Иако најчесто се третира како отпад, био-отпадот претставува вреден ресурс. Во контекст на циркуларната економија, тој се користи како суровина за создавање нови материјали, енергија и производи што повторно се враќаат во економскиот циклус.

    https://unsplash.com/photos/person-holding-eco-not-ego-signage-_kB9NKpErH4
    Во традиционалниот модел, био-отпадот најчесто завршува на депонии, каде што при разградување без кислород се создава метан – силен стакленички гас кој придонесува за климатските промени. Во циркуларниот пристап, истиот отпад се третира како ресурс и се трансформира во компост, биоматеријали, природни ѓубрива и иновативни производи. На овој начин се намалува количината на отпад, се намалуваат емисиите и се поттикнува развој на зелени технологии и локални бизниси.
    Овој пристап е тесно поврзан со пораката „Eco, not ego“, која потсетува дека одржливите избори ја ставаат еколошката одговорност пред краткорочната индивидуална удобност. Со тоа, био-отпадот се гледа не како проблем, туку како почеток на нов циклус на вредност, обновување и одржлив развој.

    Примери на продукти изработени од био-отпад

    Биопластика и дизајн-предмети од талог од кафе – Coffeefrom (Италија): Италијанскиот стартап Coffeefrom го претвора искористениот талог од кафе во биопластика и композитни материјали кои се користат за дизајнерски производи, пакување и индустриска примена, покажувајќи дека дури и секојдневниот отпад може да добие нова вредност.

    (Извор: EU-Startups, август 2025 – eu-startups.com | Renewable Matter – renewablematter.eu)

    Биоразградливо пакување од мицелиум и земјоделски отпад – Grown.bio (Холандија): Компанијата Grown.bio користи мицелиум и земјоделски отпад за производство на целосно биоразградливи пакувања и изолациски материјали кои нудат одржлива алтернатива на пластиката и стиропорот.

    (Извор: European Circular Economy Stakeholder Platform – circulareconomy.europa.eu | Saladplate, октомври 2025 – saladplate.com)

    Еко-кожа од манго отпад – Fruitleather Rotterdam (Холандија): Fruitleather Rotterdam го рециклира отпадот од манго што не ги исполнува пазарните стандарди и го претвора во издржлив вегански материјал кој се користи за изработка на чанти, паричници и други модни производи.

    (Извор: Plant Based News, мај 2025 – plantbasednews.org | Nature Biotechnology, 2025 – nature.com)

    Фото:https://unsplash.com/photos/a-pile-of-garbage-sitting-on-top-of-a-grass-covered-field-pprCuLQopHw
    Овие примери покажуваат дека отпадот не мора да биде проблем кој треба да се отстрани. Со соодветна креативност, технологија и визија, тој може да стане вреден ресурс кој создава нови производи, нови работни места и помало влијание врз природата.
    Циркуларната економија нè учи дека секој материјал има потенцијал за нов живот. Наместо да гледаме на био-отпадот како нешто без вредност, можеме да го препознаеме како можност за иновации и одржлив развој. Токму во оваа промена на перспективата лежи клучот кон поодржлива иднина.
     
    Оваа статија е подготвена во рамките на проектот „Граѓански активизам за остварување на циркуларна економија во управувањето со органски отпад“, спроведуван од Центарот за ресурси во животна средина (РЕЦ) – Северна Македонија, Еко Логик и Флорозон – Центар за еколошка демократија, со поддршка од Владата на Швајцарија преку Цивика мобилитас.
    Содржината на оваа статија е единствена одговорност на Центар за ресурси во животна средина (РЕЦ) – Северна Македонија, Еко Логик и Флорозон – Центар за еколошка демократија и на ниту еден начин не може да се смета дека ги одразува гледиштата на Владата на Швајцарија, Цивика мобилитас или организациите што ја спроведуваат.
    Автори: Јасмина Петровска, Еко Логик и Ана Серафимова, Еко Логик

Адресар на граѓански организации

Ресурси од граѓански организации

Магазин „Граѓаните за промена“

Вести од граѓански организации

Граѓански стории

Граѓански импулс

Civica Mobilitas Community

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор