Seldi Training Preparation Of Project Budget Final.png

Одржани обуки за апликанти на Програмата за мали грантови на СЕЛДИ

ОдМакедонски центар за меѓународна соработка 06/11/202416/12/2024

Тимот на Македонскиот центар за меѓународна соработка (МЦМС) организираше обуки за подготовка на целосни проектни апликации и за подготовка на проектни буџети за организациите кои беа селектирани и поканети да достават целосна апликација на регионалниот Повик за предлог проекти за Програмата за мали грантови на СЕЛДИ „Финансиска поддршка за грасрут и младински граѓански организации кои ги вклучуваат граѓаните“.

Целта на обуките беше да се поддржат граѓанските организации во подготовката на силни проектни предлози и зајакнување на нивните капацитети не само за овој повик, туку и за идни професионални подвизи. Обуките се одржаа на 24 и 29 октомври 2024 година на платформата ЗООМ, а учествуваа повеќе од 60 претставници на организациите селектирани во оваа фаза. На обуките учесниците имаа можност да дознаат повеќе за фазите на проектен циклус, разработување на проектни идеи, дефинирање на логика на интервенција и индикатори, како и совети за пишување на добри предлог проекти. На обуката учесниците можеа да добијат и конкретни инструкции како да се пополни форматот за целосна апликација за конкретниот повик. Обуките беа интерактивни, со можност за работа во групи и работа на конкретни примери. Учесниците на обуките имаа можност да поставуваат прашања и да се вклучат во дискусии поврзани со темите на обуката. Обуките ги водеше Сунчица Саздовска, експерт за проектен менаџмент. Видеото од обуката одржана на 24 октомври е достапно на ОВОЈ ЛИНК, додека видео од обуката од 29 октомври е достапна на ОВОЈ ЛИНК.

На 31 октомври Јасмина Ристовска, координаторка на програмата Регионална мрежа за антикорупција, одржа обука за подготовка на предлог буџети. На обуката учествуваа 27 преставници, кои можеа да добијат информации и инструкции за општите принципи на договорите за грантови финансирани од Европската Унија, правилата дефинирано со Упатството за апликанти за Програмата за мали грантови на СЕЛДИ, како и појаснувања за структурата на буџетот и неговите компоненти. Дополнително на обуката се споделија и детални насоки и примери како правилно да се подготви буџетот и сите негови делови. Видеото од обуката одржана на 31 октомври е достапно на ОВОЈ ЛИНК, додека презентацијата може да се превземе на ОВОЈ ЛИНК.

Повикот за предлог проекти беше објавен на 17 јуни, а крајниот рок за поднесување на концепти беше 1 август 2024 година, 16.00 часот по средноевропско време (ЦЕТ). Во дадениот рок пристигнаа 74 концепти од организации од регионот, а по спроведеното оценување од страна на комисијата за оценка, 43 предлози беа првично селектирани и организациите беа поканети да достават целосни апликации најдоцна до 15 ноември 2024 година, 16.00 часот по средноевропско време (ЦЕТ).

Учеството на организациите во овие обуки на никаков начин нема да влијае на процесот на евалуација на целосните апликации. МЦМС ја организираше обуката во име на Мрежата за лидерство и интегритет во Југоисточна Европа (СЕЛДИ).

Согласно правилата на повикот, организациите имаа можност да достават прашања за оваа фаза во повикот најдоцна до 1 ноември 2024. Преземи ги одговорите на прашањата пристигнати во предвидениот рок.

Програмата за мали грантови на СЕЛДИ има за цел да го зајакне придонесот на граѓанските организации од целните земји во борбата против корупцијата и нивното вклучување во циклусот на застапување и влијание на политиките на СЕЛДИ, преку финансиска поддршка на граѓанските организации, вклучувајќи и грасрут и младинските организации, активни против корупцијата.

Програмата е дел од проектот „Граѓанско општество за добро владеење и антикорупција во Југоисточна Европа: Градење на капацитети за застапување врз база на докази, влијание врз политики и граѓански ангажман (СЕЛДИ.нет)“, финансиран од Европската Унија.

This post was originally published on this site

МЦМС ја започна новата антикорупциска програма
21/01/202622/01/2026
Македонскиот центар за меѓународна соработка (МЦМС) го започна спроведувањето на програмата „Градење општество отпорно на корупција“, која ќе се реализира во периодот од 1 јануари 2026 до 30 јуни 2028 година со финансиска поддршка од Делегацијата на ЕУ во Северна Македонија.
Потврда на долгогодишното македонско-холандско пријателство
20/01/202621/01/2026
Македонската развојна фондација за претпријатија (МРФП) и Македонскиот центар за меѓународна соработка (МЦМС) на 16 јануари 2026 година беа домаќини на Н.Е. Узлем Џанел (Özlem Canel), Амбасадорка на Кралството Холандија во Република Северна Македонија и Иван Илиев, советник за економија и трговија во Амбасадата.
„Денес беше убава прилика за освежување на долгото пријателство меѓу МРФП и Амбасадата на Кралството Холандија“, истакна Лазар Неданоски, извршен директор на МРФП.На средбата, која помина во пријатна и отворена атмосфера, директорот на МЦМС, Александар Кржаловски, потсети на почетоците на соработката со Холандија и на клучните поединци кои придонеле за развојот на организацијата. МЦМС како организација е основана во 1993 година, како потфат на домашни иницијативи поддржани од Холандската меѓуцрковна помош (ХМП) и агенциите на Светскиот совет на црквите (ССЦ). Пет години подоцна, во 1998 година, МЦМС ја основаше Македонската развојна фондација за претпријатија (МРФП), фокусирана на развој на малите претпријатија, преку пристап до финансиски услуги и промоција на претприемништво.
Директорот на МРФП, Неданоски, даде хронолошки приказ на развојот на Фондацијата, нагласувајќи дека поддршката од Кралството Холандија била од клучно значење во првите години од нејзиното работење. Според него, таа поддршка не била важна само од финансиски аспект, туку имала значително влијание и врз организацискиот развој на МРФП, како и врз пошироката заедница мултиплицирајќи го ефектот во развојот на институциите, организациите и нивните лидери.
Амбасадорката Џанел изрази задоволство што поддршката од Кралството Холандија резултирала со одржливи организации кои успешно работат и го пренесуваат своето искуство на други организации и институции. На средбата беше разговарано и за можностите за идна соработка.
Презентиран Индексот на политички интегритет
19/01/202621/01/2026
На 27 ноември 2025 година во Клубот на пратеници се одржа презентацијата на првиот Индекс за политички интегритет (ИПИ) во земјата – инструмент создаден да ја измери, поттикне и промовира културата на интегритет во политичкиот и јавниот живот. Настанот беше проследен од голем број претставници на институции, медиуми, граѓански организации. Во своето…
Bure-Cycle: Од отпад до иновативен велосипедски паркинг
18/01/202620/01/2026
Во светот каде ресурсите се ограничени, а отпадот се зголемува, секоја мала идеја за реупотреба има големо значење. Еко Логик со својот проект Bure-Cycle го покажува токму тоа – како старите метални буриња можат да добијат нов живот и да станат функционални, визуелно привлечни и одржливи велосипедски паркинзи за јавни простори. Иницијативата се роди од […]
Младите уметници го освојуваат јавниот простор: PATS – Уметност за активизам и општествени промени
18/01/202620/01/2026
Европскиот проект „Младите уметници го освојуваат јавниот простор – PATS“ (Performance Artists Take The Streets – PATS) официјално започнува со јасна и силна мисија: да им овозможи на младите уметници нови простори, алатки и можности за креативно изразување и општествен ангажман. Уметноста како глас на промената PATS е проект финансиран преку Erasmus+ програмата на Европската […]
Високите цени ја истиснаа корупцијата од првото место, но таа и понатаму е меѓу најголемите општествени предизвици
14/01/202615/01/2026
За разлика од 2021 и 2023 година, кога корупцијата беше препознаена како најголем општествен проблем, во 2025 година граѓаните на прво место ги издвојуваат високите цени (46,6%), додека корупцијата е веднаш зад нив (40,1%). Ова укажува дека инфлацијата, растечките трошоци за живот и намалената куповна моќ ја зголемуваат економската несигурност, но и дека корупцијата останува еден од клучните општествени предизвици.