ЕПИ

Конференција: Спогодбата за стабилизација и асоцијација МК-ЕУ – дваесет години и натаму

ОдИнститут за европска политика

Институтот за европска политика организира конференција „Спогодбата за стабилизација и асоцијација МК-ЕУ – дваесет години и натаму“ на 28 април во 10 часот на платформата Зум.

Конференцијата се одржува по повод 20-та годишнина од потпишувањето на ССА меѓу Република Македонија и ЕУ (9 април 2001 година).

Истовремено, Институтот за европска политика (ЕПИ) ја одбележува десетгодишнината од своето постоење. Првата активност на ЕПИ пред десет години беше токму Конференцијата по повод десетгодишнината од потпишувањето на ССА.

Во поновата македонска историја многу значајни настани се случиле во првите години од децениите. Така, оваа година нашата држава одбележува и 30 години од независноста и 20 години од потпишувањето на Охридскиот рамковен договор. Конечно, пред една година нашата држава, сега како Северна Македонија стана и членка на НАТО.

Република Македонија беше државата која прва во регионот склучи Спогодба за стабилизација и асоцијација и држава од регионот која е најдолго кандидат – веќе 16 години. И покрај промената на името со цел членство во НАТО и ЕУ, ЕУ не ги отвори преговорите со нашата држава, како што беше очекувано, поради неоснованата блокада од страна на Бугарија иако беше воспоставена и  нова и посложена методологија на пристапувањето.

Во меѓувреме се појавија иницијативи за други форми на здружување на државите од регионот со ЕУ како алтернатива на членството – од типот на Европска економска област, коишто беа одбиени од страна на лидерите во регионот, но и од пошироката јавност, инсистирајќи  на членство.  Сепак, не беше отворена поширока расправа околу овие идеи.

ССА останува правната основа за односите меѓу Северна Македонија и ЕУ. Времената спогодба за трговија и трговски прашања стапи во сила во јуни 2001 година, додека ССА стапи во сила на 1 април 2004 година. Институционалната рамка воспоставена со ССА останува главната институционална рамка на односите меѓу нашата држава и ЕУ.

Во вакви услови, а особено во светло на успорениот и посложен процес на пристапување, како и  „новите идеи“ за алтернативи за членството станува поактуелно да се навратиме на ССА и да ги валоризираме нејзините придобивки и можности.

Токму затоа целта на Конференцијата е:

  • да ги анализира придобивките, но и неискористените можности и потенцијали на ССА во односите со ЕУ и
  • да укаже на идните насоки за спроведување на Спогодбата.

Агенда

Регистрирајте се за настанот

Oдбрани анализи на ЕПИ посветени на Спогодбата за стабилизација и асоцијација:

The post Конференција: Спогодбата за стабилизација и асоцијација МК-ЕУ – дваесет години и натаму appeared first on EPI.

Продолжи со читање

  • Метаморфозис го одбележува Меѓународниот ден за универзален пристап до информации – 28 септември преку промоција на резултати од Индексот на отвореност на извршната власт

    Според Индексот на отвореност за 2024 година, исто како и претходната година, Владата на Северна Македонија е најотворена институција меѓу групите од извршната власт, министерства и органи на државната управа, исполнувајќи 77,32 % од критериумите. Во споредба со претходната година има забележано пад од минимален 1 отсто, кој се повторува втора година по ред. Фондација […]
    The post Метаморфозис го одбележува Меѓународниот ден за универзален пристап до информации – 28 септември преку промоција на резултати од Индексот на отвореност на извршната власт first appeared on Metamorphosis.

  • Програма за Текстилијада #9

    📢 ТЕКСТИЛИЈАДА 9 – Штип03–04 октомври 2025 📅 Петок, 03.10.2025 10:00 – Отворање на „Текстилијада 9“ – Откривање на мурал „Иднината

  • МЛАДИТЕ УЧЕА КАКО ДА ВРШАТ МОНИТОРИНГ НА РЕЧНИТЕ КОРИТА

    Младите од Општина Карпош, Општина Зелениково и Општина Ѓорче Петров, учеа како да вршат мониторинг на речните корита.

    Вчера, во Домот на култура во општина Ѓорче Петров се одржа едукативен настан посветен на мониторинг на водните текови, во организација на граѓанските организации Resource Environmental Center – REC North Macedonia, Center for Environmental Democracy – Florozon и Еко Логик.

    Настанот е дел од проектот „Брза проценка на водотеците на Западен Балкан – Фаза 2“, поддржан од U.S. Forest Service and Department of Defense EUCOM and Forest Service International Foundation.

    Настанот започна во 09:30 часот со едукативна сесија, по што следеше практична теренска вежба на реката Лепенец. Таму младите учесници и претставници од општините имаа можност директно да ја применат СВАП методологијата (Stream Visual Assessment Protocol) и да научат како се проценува состојбата на едно речно корито. Дополнително, беа идентификувани и жешки точки долж реката Лепенец.

    Целта на овој настан беше да ги запознае младите и претставниците од општините со современи методи за проценка на квалитетот на водните текови, да ги зајакне капацитетите на локалните чинители – институции, граѓански организации и експерти, како и да поттикне поширока јавна дискусија за заштита и одржливо управување со водните ресурси.

    Настанот беше наменет за млади на возраст од 15 до 30 години како и за претсавници од општините од општините Карпош, Зелениково и Ѓорче Петров, кои преку интерактивна едукација и теренска работа стекнаа нови знаења и вештини за мониторинг и заштита на речните корита.

  • Младите од општина Карпош, општина Зелениково и општина Ѓорче Петров,  учеа како да вршат мониторинг на речните корита

    Скопје, 24 септември 2025 година Вчера, во Домот на култура во општина Ѓорче Петров се одржа едукативен настан посветен на мониторинг на водните текови, во организација на граѓанските организации Центар за ресурси во животната средина (РЕЦ) – Северна Македонија, ФЛОРОЗОН – Центар за еколошка демократија и Еко Логик. Настанот е дел од проектот „Брза проценка […]

  • Локалната самоуправа сè уште далеку од вистинска отвореност – просекот порасна на 40%

    Фондација Метаморфозис и Рурална Коалиција ги претставија наодите од Процената на доброто владеење во единиците на локалната самоуправа во Република Северна Македонија изготвена преку Индексот на отвореност за 2025 година на тематскиот форум „Отворена општина – активна заедница“. Процената претставува длабинска анализа на работата на локалната самоуправа која дава резиме на вкупните перформанси на локалната […]
    The post Локалната самоуправа сè уште далеку од вистинска отвореност – просекот порасна на 40% first appeared on Metamorphosis.

  • Пријави се за коучинг сесија за справување со родово базирано сајбер насилство во Штип

    Иницијатива за европска перспектива во партнерство со ГО Заеднички вредности а во рамки на проектот Младите жени против онлајн насилство, започнува спроведување на групни коучинг сесии во 4 градови низ земјата (Скопје, Куманово, Штип, Струмица).  ✨ Што добиваш?🔹 Специјално развиена програма за коучинг🔹 Мултисекторско учење: правници, психолози и експерти за сајбер-безбедност Повикот…

Адресар на граѓански организации

Ресурси од граѓански организации

Магазин „Граѓаните за промена“

Вести од граѓански организации

Граѓански стории

Граѓански импулс

Civica Mobilitas Community

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор