![[Aggregator] Downloaded image for imported item #43140](https://civicamobilitas.mk/wp-content/uploads/2025/12/606906702_1332749212226848_6336693370308891540_n.jpg)
Кабинетите по хемија како мали лаборатории за иновации и одржливост
Кога училниците по хемија се претвораат во мали лаборатории, а учениците во вистински иноватори, учењето добива ново значење. На 25 ноември 2025 година, тимот реализираше интерактивна работилница за повторна употреба и пренамена на био-отпадот во ООУ „Партенија Зографски“, во општина Кисела Вода. Активноста беше дел од настаните на отворено со караванот за демонстрирање експерименти во училиштата.
Работилницата беше организирана со минимален теоретски дел и силен фокус на практичната работа. Учениците самостојно експериментираа, дискутираа и истражуваа како секојдневниот отпад, како отпадните масла и лушпите од компири, може да се пренамени и да стане вредна суровина. Преку ваков пристап, тие се запознаа со концептите на циркуларната економија и со можностите науката да понуди конкретни решенија за еколошките предизвици.
Овие настани, реализирани во рамките на караванот за демонстрирање експерименти во училиштата, се дел од проектот „Граѓански активизам за остварување на циркуларна економија во управувањето со органски отпад“. Проектот го спроведува Resource Environmental Center – REC North Macedonia, во партнерство со Еко Логик и Center for Environmental Democracy – Florozon.
Проектот е поддржан од Владата на Швајцарија преку програмата Civica Mobilitas. Преку вакви активности, учениците не само што стекнуваат нови знаења, туку и се охрабруваат критички да размислуваат, да експериментираат и активно да придонесуваат кон поодржлива иднина.
Оваа вест изворно е објавена на веб-страната на Здружение на граѓани за заштита и унапредување на животната средина "ECO - LOGIC"
![[Aggregator] Downloaded image for imported item #52397](https://civicamobilitas.mk/wp-content/uploads/2026/10/reg5-1024x576-1-768x432.jpg)
