20170703 Fokus vesti

Градиме партнерство со бизнис заедницата за подобар локален развој

ОдCivica Mobilitas

Фондација за локален развој и демократија Фокус  одржа работен состанок со претставници на бизнис заедницата во Велес. Тие имаа можност да слушнат за нејзината мисија и визија, за проектите кои ги реализирала во изминатиот период од нејзиното постоење како и за плановите и проектните идеи што има намера да ги реализира во иднина.

Финансискиот менаџер Димче Велев и извршната директорка Убавка Јаневска, побараа поддршка и соработка од бизнис секторот во Велес за заедничко аплицирање на проектни идеи и реализирање активности за добротo на целата заедница.

Пред дел од бизнисмените беа презентирани две проектни идеи, едната со работен наслов „Сончева Македонија“ и другата за обновување на познатиот велешки еснаф што постоел во минатото и во него членувале истакнати личности и занаетчии.

Претставниците на бизнис заедницата дадоа несебична поддршка за проектните идеи на Фокус, дополнувајќи ги со нови и конкретни иницијативи. Управителот на градежната фирма „Афион“, Аце Коцевски, изјави дека за реализирање на проектите неопходна е соработката со државните институции и посочи да се земат предвид винскиот, селскиот и езерскиот туризам.

Билјана Саздова, член на Комисијата за надзор на Фондација Фокус даде предлози кои треба да обезбедат подобра промоција на фирмите, а со користењето на добар маркетиншки пристап да се привлечат поголем број на гости и посетители од државата за манифестации кои традиционално се организираат во Велес.

Претставниците на компаниите истакнаа дека во изминатиот период немале меѓусебна соработка и не се одржувале средби од овој вид, по што го прифатија предлогот на Фондација Фокус за вмрежување и формирање на Конзорциум. Ова е особено важно за подготвените проектни апликации кои ќе бидат испратени кај донатори за обезбедување на финансиски средства наменети за подобрување на условите за живот на граѓаните во локалната заедница.

Фондација за локален развој и демократија Фокус  е корисник на институционален грант од Цивика мобилитас. За повеќе информации посетете го нивниот профил.

Продолжи со читање

  • МЦМС ја започна новата антикорупциска програма

    Македонскиот центар за меѓународна соработка (МЦМС) го започна спроведувањето на програмата „Градење општество отпорно на корупција“, која ќе се реализира во периодот од 1 јануари 2026 до 30 јуни 2028 година со финансиска поддршка од Делегацијата на ЕУ во Северна Македонија.

  • Потврда на долгогодишното македонско-холандско пријателство

    Македонската развојна фондација за претпријатија (МРФП) и Македонскиот центар за меѓународна соработка (МЦМС) на 16 јануари 2026 година беа домаќини на Н.Е. Узлем Џанел (Özlem Canel), Амбасадорка на Кралството Холандија во Република Северна Македонија и Иван Илиев, советник за економија и трговија во Амбасадата.

    „Денес беше убава прилика за освежување на долгото пријателство меѓу МРФП и Амбасадата на Кралството Холандија“, истакна Лазар Неданоски, извршен директор на МРФП.На средбата, која помина во пријатна и отворена атмосфера, директорот на МЦМС, Александар Кржаловски, потсети на почетоците на соработката со Холандија и на клучните поединци кои придонеле за развојот на организацијата. МЦМС како организација е основана во 1993 година, како потфат на домашни иницијативи поддржани од Холандската меѓуцрковна помош (ХМП) и агенциите на Светскиот совет на црквите (ССЦ). Пет години подоцна, во 1998 година, МЦМС ја основаше Македонската развојна фондација за претпријатија (МРФП), фокусирана на развој на малите претпријатија, преку пристап до финансиски услуги и промоција на претприемништво.

    Директорот на МРФП, Неданоски, даде хронолошки приказ на развојот на Фондацијата, нагласувајќи дека поддршката од Кралството Холандија била од клучно значење во првите години од нејзиното работење. Според него, таа поддршка не била важна само од финансиски аспект, туку имала значително влијание и врз организацискиот развој на МРФП, како и врз пошироката заедница мултиплицирајќи го ефектот во развојот на институциите, организациите и нивните лидери.
    Амбасадорката Џанел изрази задоволство што поддршката од Кралството Холандија резултирала со одржливи организации кои успешно работат и го пренесуваат своето искуство на други организации и институции. На средбата беше разговарано и за можностите за идна соработка.
     

  • Презентиран Индексот на политички интегритет

    На 27 ноември 2025 година во Клубот на пратеници се одржа презентацијата на првиот Индекс за политички интегритет (ИПИ) во земјата – инструмент создаден да ја измери, поттикне и промовира културата на интегритет во политичкиот и јавниот живот. Настанот беше проследен од голем број претставници на институции, медиуми, граѓански организации. Во своето…

  • Bure-Cycle: Од отпад до иновативен велосипедски паркинг

    Во светот каде ресурсите се ограничени, а отпадот се зголемува, секоја мала идеја за реупотреба има големо значење. Еко Логик со својот проект Bure-Cycle го покажува токму тоа – како старите метални буриња можат да добијат нов живот и да станат функционални, визуелно привлечни и одржливи велосипедски паркинзи за јавни простори. Иницијативата се роди од […]

  • Младите уметници го освојуваат јавниот простор: PATS – Уметност за активизам и општествени промени

    Европскиот проект „Младите уметници го освојуваат јавниот простор – PATS“ (Performance Artists Take The Streets – PATS) официјално започнува со јасна и силна мисија: да им овозможи на младите уметници нови простори, алатки и можности за креативно изразување и општествен ангажман. Уметноста како глас на промената PATS е проект финансиран преку Erasmus+ програмата на Европската […]

  • Високите цени ја истиснаа корупцијата од првото место, но таа и понатаму е меѓу најголемите општествени предизвици

    За разлика од 2021 и 2023 година, кога корупцијата беше препознаена како најголем општествен проблем, во 2025 година граѓаните на прво место ги издвојуваат високите цени (46,6%), додека корупцијата е веднаш зад нив (40,1%). Ова укажува дека инфлацијата, растечките трошоци за живот и намалената куповна моќ ја зголемуваат економската несигурност, но и дека корупцијата останува еден од клучните општествени предизвици.

Адресар на граѓански организации

Ресурси од граѓански организации

Магазин „Граѓаните за промена“

Вести од граѓански организации

Граѓански стории

Граѓански импулс

Civica Mobilitas Community

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор