Фондација Метаморфозис учествуваше на вториот Европски форум за образование за дигитално граѓанство во Стразбур

Претставници од Фондација Метаморфозис учествуваа на вториот Европски форум за образование за дигитално граѓанство, кој се одржува од 27-29 мај 2026 година во Палатата на Европа во Стразбур, Франција. Настанот обедини креатори на политики, едукатори, истражувачи, претставници на граѓанското општество и дигитални експерти од цела Европа, кои дискутираа за иднината на образованието за дигитално граѓанство и демократското учество во дигиталната ера.

Организиран од Совет на Европа, Форумот беше посветен на оценување на постигнувањата од Европската година 2025 и придонесот кон развој на престојниот Патоказ и Акциски план за образование за дигитално граѓанство за периодот 2027–2031. Дискусиите опфатија теми како што се дигитална писменост, вештачка интелигенција и образование, онлајн благосостојба, демократско учество, човекови права во дигиталниот простор, како и иновативни пристапи во наставата и учењето.

Нашиот извршен директор, Бардил Јашари, учествуваше како говорник на сесијата „Зајакнување на демократијата преку активно учество“.

Форумот претставуваше значајна можност за вмрежување, размена на знаења и зајакнување на меѓународната соработка во областа на дигиталните права, образованието и демократската отпорност.

Настанот, исто така, ја истакна важноста од соработката меѓу институциите, организациите на граѓанското општество, едукаторите и креаторите на политики во создавањето инклузивни дигитални средини за идните генерации, кои ќе бидат засновани врз човекови права.

Оваа вест изворно е објавена на веб-страната на Метаморфозис