Европската комисија го објави третиот Годишен извештај за владеење на правото
Европската комисија го објави третиот по ред Годишен извештај за владеењето на правото. Оваа година ставен е акцент на важноста на почитувањето на демократските вредности, човековите права и владеењето на правото, во контекст на случувањата во рамки на руската инвазија на Украина.
Како и претходните две години, се следат четирите клучни области: правосуден систем, антикорупциска рамка, слобода и плурализам на медиуми и останати институционални прашања поврзани со кочници и рамнотежа, а новина годинава се препораките насочени поединечно за секоја земја-членка, со цел поттикнување на земјите да продолжат со планираните реформи и да се идентификуваат проблемите кои треба да се адресираат.
Реформите во правосудниот систем кои се однесуваат на зајакнување на независноста на судиите, ефикасност и квалитетот на правдата, понатамошна дигитализација на судските системи и олеснување на пристап до правда беа спроведени од страна на многу земји-членки, но сепак останува загриженост во дел од нив во однос на судската незавиност и автономност на обвинителските услуги.
Европската унија останува една од најмалку корумпираните региони во светот, но се уште корупцијата останува загрижувачко прашање за граѓаните на ЕУ бидејќи 68% од нив сметаат дека корупцијата е многу проширена во нивната земја.
Како новина во овогодишниот извештај, се разгледуваат јавните радиодифузери и нивната значајна улога за општеството и демократијата, од која произлегува потребата за заштита на нивната независност, соодветно финансирање и ослободување од политички притисок.
За прв пат, со овој извештај се разгледува имплементирањето на пресудите на Европскиот суд за човекови права од страна на земјите-членки.
За останатите наводи од Извештајот, подетално прочитајте на следниот линк:
https://ec.europa.eu/info/sites/default/files/1_1_194062_communication_rol_en.pdf
Овие и многу други прашања, ќе бидат адресирани во рамки чешкото претседателство на Советот на Европската унија, кое започна на 1 јули годинава, а за кое беше објавено дека ќе биде фокусирано на следните пет приоритетни области:
- Управување со бегалската криза и повоено закрепнување на Украина
- Енергетска безбедност
- Зајакнување на европските одбранбени способности и безбедноста на сајбер просторот
- Стратешка отпорност на европската економија
![[Aggregator] Downloaded image for imported item #51760](https://civicamobilitas.mk/wp-content/uploads/2026/10/viber_image_2026-10-01_17-18-23-732-e1791386995528_mcms-768x512.jpg)
![[Aggregator] Downloaded image for imported item #51688](https://civicamobilitas.mk/wp-content/uploads/2026/10/840133774_17959130763235552_502814887244435070_n-768x512.jpg)
![[Aggregator] Downloaded image for imported item #51690](https://civicamobilitas.mk/wp-content/uploads/2026/10/835640454_10243132301386325_6319941414456541047_n-768x358.jpg)
