ДЕПОНИИ ШТО ТРУЈАТ

ОдBirc 20/08/2017

Автор: Џумадије Ибрахими

Според податоците на Министерството за животна средина и просторно планирање во Македонија постојат 54 депонии на локално ниво. Но, ниту една од нив со исклучок на депонијата ”Дрисла” во Скопје не ги исполнува европските стандарди за собирање на отпадоците. Постојат и стотици други депонии т.н. диви, кои функционираат надвор од секаков стандард. Сликите што ги следите направени се деновиве во депонијата во Струга што е не повеќе од 200м. далеку од центарот на градот и се протега на површина од 20.000 м2. Пресметувањата зборуваат дека тука се собираат некаде 45.000 м3 отпадоци.

Кренар Лога од Општина Струга вели дека палењето на депонијата имаат политичка заднина.

„Проблемот на Струшката депонија може да се каже дека е од краток рок, во смисла на тоа дека палењето се случило последните три месеци, а ние се сомневаме дека позади овие дејствија стојат криминални групи поврзани со дневната политика. И во нашиот четиригодишен мандат, но и пред тоа, не се случило случај на палење на оваа депонија“, вели тој.

Лога информира дека Општина Струга предвидела средства во Буџетот и година работела со менаџирањето на депонијата, за што „добивала пофалби од страна на ЗЕЛС“.

Но, граѓаните велат дека општината потфрлила со менаџирањето на депонијата.

Проблемот со управувањето со отпадот е присутен и во други општини, како во Кичево, Гостивар и Тетово. Лошата миризба и чадот претставуваат нешто што веќе не го заморува граѓанинот. Решение се бара било од централна или локална власт. За Полошкиот регион излезно решение е депнијата Русино во Гостивар.

Невзат Бејта, претседател на Општина Гостивар, вели дека нема ингеренции да го реши проблемот.

„Регионалната депонија е одредена во Гостивар. Доколку со Законот на сила Министерството за екологија, Владата нема да најдат решение, тогаш јас како Градоначалник на Гостивар како една од поголемите општини, преку нашите пратеници ќе барам измена на Законот и да се даде законска можност самите општини да го решат проблемот на изградба на фабриките за рециклажа на отпадот, со цел еднаш за секогаш да се реши проблемот. Тогаш Законот треба да ги обврзува оние кои нема да градат такви фабрики нивните отпадоци да ги донесат за рециклажа во фабриката во Гостивар за што ќе плаќаат надоместок. Доколку не се плати надоместок отпадоците нека ги држат во нивните населени места“.

Помеѓу двоумењето за алармираното долгорочно решавање на проблемот и заштита на животната средина, со привремените решенија во разните општини, дивите депонии насекаде алармираат дека стратегијата на централно ниво треба да се оживи. Во спротивно изјавите дека интеграцијата во европското семејство претставува стратешки интерес за нас остануваат само зборови кои по секој изборен циклус ги носи ветерот.

За повеќе погледнете ја емисијата во видеото подоле: http://mk.b-irc.org/%D0%B4%D0%B5%D0%BF%D0%BE%D0%BD%D0%B8%D0%B8-%D1%88%D1%82%D0%BE-%D1%82%D1%80%D1%83%D1%98%D0%B0%D1%82/

МЦМС ја започна новата антикорупциска програма
21/01/202622/01/2026
Македонскиот центар за меѓународна соработка (МЦМС) го започна спроведувањето на програмата „Градење општество отпорно на корупција“, која ќе се реализира во периодот од 1 јануари 2026 до 30 јуни 2028 година со финансиска поддршка од Делегацијата на ЕУ во Северна Македонија.
Потврда на долгогодишното македонско-холандско пријателство
20/01/202621/01/2026
Македонската развојна фондација за претпријатија (МРФП) и Македонскиот центар за меѓународна соработка (МЦМС) на 16 јануари 2026 година беа домаќини на Н.Е. Узлем Џанел (Özlem Canel), Амбасадорка на Кралството Холандија во Република Северна Македонија и Иван Илиев, советник за економија и трговија во Амбасадата.
„Денес беше убава прилика за освежување на долгото пријателство меѓу МРФП и Амбасадата на Кралството Холандија“, истакна Лазар Неданоски, извршен директор на МРФП.На средбата, која помина во пријатна и отворена атмосфера, директорот на МЦМС, Александар Кржаловски, потсети на почетоците на соработката со Холандија и на клучните поединци кои придонеле за развојот на организацијата. МЦМС како организација е основана во 1993 година, како потфат на домашни иницијативи поддржани од Холандската меѓуцрковна помош (ХМП) и агенциите на Светскиот совет на црквите (ССЦ). Пет години подоцна, во 1998 година, МЦМС ја основаше Македонската развојна фондација за претпријатија (МРФП), фокусирана на развој на малите претпријатија, преку пристап до финансиски услуги и промоција на претприемништво.
Директорот на МРФП, Неданоски, даде хронолошки приказ на развојот на Фондацијата, нагласувајќи дека поддршката од Кралството Холандија била од клучно значење во првите години од нејзиното работење. Според него, таа поддршка не била важна само од финансиски аспект, туку имала значително влијание и врз организацискиот развој на МРФП, како и врз пошироката заедница мултиплицирајќи го ефектот во развојот на институциите, организациите и нивните лидери.
Амбасадорката Џанел изрази задоволство што поддршката од Кралството Холандија резултирала со одржливи организации кои успешно работат и го пренесуваат своето искуство на други организации и институции. На средбата беше разговарано и за можностите за идна соработка.
Презентиран Индексот на политички интегритет
19/01/202621/01/2026
На 27 ноември 2025 година во Клубот на пратеници се одржа презентацијата на првиот Индекс за политички интегритет (ИПИ) во земјата – инструмент создаден да ја измери, поттикне и промовира културата на интегритет во политичкиот и јавниот живот. Настанот беше проследен од голем број претставници на институции, медиуми, граѓански организации. Во своето…
Bure-Cycle: Од отпад до иновативен велосипедски паркинг
18/01/202620/01/2026
Во светот каде ресурсите се ограничени, а отпадот се зголемува, секоја мала идеја за реупотреба има големо значење. Еко Логик со својот проект Bure-Cycle го покажува токму тоа – како старите метални буриња можат да добијат нов живот и да станат функционални, визуелно привлечни и одржливи велосипедски паркинзи за јавни простори. Иницијативата се роди од […]
Младите уметници го освојуваат јавниот простор: PATS – Уметност за активизам и општествени промени
18/01/202620/01/2026
Европскиот проект „Младите уметници го освојуваат јавниот простор – PATS“ (Performance Artists Take The Streets – PATS) официјално започнува со јасна и силна мисија: да им овозможи на младите уметници нови простори, алатки и можности за креативно изразување и општествен ангажман. Уметноста како глас на промената PATS е проект финансиран преку Erasmus+ програмата на Европската […]
Високите цени ја истиснаа корупцијата од првото место, но таа и понатаму е меѓу најголемите општествени предизвици
14/01/202615/01/2026
За разлика од 2021 и 2023 година, кога корупцијата беше препознаена како најголем општествен проблем, во 2025 година граѓаните на прво место ги издвојуваат високите цени (46,6%), додека корупцијата е веднаш зад нив (40,1%). Ова укажува дека инфлацијата, растечките трошоци за живот и намалената куповна моќ ја зголемуваат економската несигурност, но и дека корупцијата останува еден од клучните општествени предизвици.