[Aggregator] Downloaded image for imported item #42643

Човековите права се наша секојдневна неопходност

ОдЗдружение ХЕЛСИНШКИ КОМИТЕТ ЗА ЧОВЕКОВИ ПРАВА НА РЕПУБЛИКА МАКЕДОНИЈА Скопје

Хелсиншкиот комитет за човекови права се приклучува кон глобалните заложби по повод Меѓународниот ден на човековите права – 10 Декември, кој годинава се одбележува под мотото „Наша секојдневна неопходност“. Темата  нагласува дека човековите права се фундаментални, позитивни и достижни аспекти од секојдневниот живот – како што се домот, храната и мирот – со цел луѓето повторно да се поврзат со нивните основни принципи во време на глобални предизвици.

На денешен ден во 1948 година, Генералното собрание на Обединетите нации ја усвои Универзалната декларација за човековите права, документ што во изминатите 77 години стана темел на современиот систем за заштита и унапредување на човековите права, со посебен фокус на ранливите и маргинализирани групи. Сепак, глобалните кризи како војната во Украина, хуманитарната катастрофа во Палестина, бројните вооружени конфликти ширум светот,  глобалното засилувањето на антидемократските идеологии  дополнително го отежнуваат остварувањето на основните човекови права. Најсилно се погодени оние кои веќе живеат на општествените маргини: сиромашните, ранливите и дискриминираните заедници.

Во Северна Македонија, овие глобални предизвици добиваат и домашни, уште понагласени облици. Долгогодишната структурна дискриминација останува сериозен проблем и најизразено ги погодува ромската заедница, лицата со попреченост, ЛГБТИ луѓето, жените, лицата сместени во затворени институции.

Истовремено, сведочиме дека антиродовите движења директно се спротивставуваат на основните вредности на човековите права и го поттикнуваат ширењето на поделби во општеството. Политичката нестабилност, пак, ги пренасочува институционалните ресурси од клучните области како што се човековите права, родовата еднаквост и социјалната правда.

Особено загрижува фактот што институциите сè уште не постапуваат ефикасно во случаите на говор на омраза, а кривичните дела сторени од омраза врз маргинализираните заедници често остануваат целосно игнорирани. Ова дополнително ја продлабочува општествената поларизација и создава средина во која исчезнува разликата меѓу вистината и дезинформациите, со тешки последици по солидарноста и културата на јавна комуникација.

Хелсиншкиот комитет за човекови права повикува на засилени институционални мерки против дискриминацијата, активно спречување и санкционирање на говорот и делата од омраза, заштита на демократските стандарди и основните слободи и вложување во политики што создаваат инклузивно и солидарно општество.

Во време на сè поголеми кризи и неизвесност, денешниот ден нè потсетува на заедничката обврска – да не отстапуваме од визијата за подобар, поправеден и похуман свет. Човековите права, достоинството и еднаквоста мора да останат темел врз кој се гради секоја демократска и стабилна држава.

 

The post Човековите права се наша секојдневна неопходност appeared first on Хелсиншки комитет за човекови права.

This post was originally published on this site

Продолжи со читање

  • МЦМС ја започна новата антикорупциска програма

    Македонскиот центар за меѓународна соработка (МЦМС) го започна спроведувањето на програмата „Градење општество отпорно на корупција“, која ќе се реализира во периодот од 1 јануари 2026 до 30 јуни 2028 година со финансиска поддршка од Делегацијата на ЕУ во Северна Македонија.

  • Потврда на долгогодишното македонско-холандско пријателство

    Македонската развојна фондација за претпријатија (МРФП) и Македонскиот центар за меѓународна соработка (МЦМС) на 16 јануари 2026 година беа домаќини на Н.Е. Узлем Џанел (Özlem Canel), Амбасадорка на Кралството Холандија во Република Северна Македонија и Иван Илиев, советник за економија и трговија во Амбасадата.

    „Денес беше убава прилика за освежување на долгото пријателство меѓу МРФП и Амбасадата на Кралството Холандија“, истакна Лазар Неданоски, извршен директор на МРФП.На средбата, која помина во пријатна и отворена атмосфера, директорот на МЦМС, Александар Кржаловски, потсети на почетоците на соработката со Холандија и на клучните поединци кои придонеле за развојот на организацијата. МЦМС како организација е основана во 1993 година, како потфат на домашни иницијативи поддржани од Холандската меѓуцрковна помош (ХМП) и агенциите на Светскиот совет на црквите (ССЦ). Пет години подоцна, во 1998 година, МЦМС ја основаше Македонската развојна фондација за претпријатија (МРФП), фокусирана на развој на малите претпријатија, преку пристап до финансиски услуги и промоција на претприемништво.

    Директорот на МРФП, Неданоски, даде хронолошки приказ на развојот на Фондацијата, нагласувајќи дека поддршката од Кралството Холандија била од клучно значење во првите години од нејзиното работење. Според него, таа поддршка не била важна само од финансиски аспект, туку имала значително влијание и врз организацискиот развој на МРФП, како и врз пошироката заедница мултиплицирајќи го ефектот во развојот на институциите, организациите и нивните лидери.
    Амбасадорката Џанел изрази задоволство што поддршката од Кралството Холандија резултирала со одржливи организации кои успешно работат и го пренесуваат своето искуство на други организации и институции. На средбата беше разговарано и за можностите за идна соработка.
     

  • Презентиран Индексот на политички интегритет

    На 27 ноември 2025 година во Клубот на пратеници се одржа презентацијата на првиот Индекс за политички интегритет (ИПИ) во земјата – инструмент создаден да ја измери, поттикне и промовира културата на интегритет во политичкиот и јавниот живот. Настанот беше проследен од голем број претставници на институции, медиуми, граѓански организации. Во своето…

  • Bure-Cycle: Од отпад до иновативен велосипедски паркинг

    Во светот каде ресурсите се ограничени, а отпадот се зголемува, секоја мала идеја за реупотреба има големо значење. Еко Логик со својот проект Bure-Cycle го покажува токму тоа – како старите метални буриња можат да добијат нов живот и да станат функционални, визуелно привлечни и одржливи велосипедски паркинзи за јавни простори. Иницијативата се роди од […]

  • Младите уметници го освојуваат јавниот простор: PATS – Уметност за активизам и општествени промени

    Европскиот проект „Младите уметници го освојуваат јавниот простор – PATS“ (Performance Artists Take The Streets – PATS) официјално започнува со јасна и силна мисија: да им овозможи на младите уметници нови простори, алатки и можности за креативно изразување и општествен ангажман. Уметноста како глас на промената PATS е проект финансиран преку Erasmus+ програмата на Европската […]

  • Високите цени ја истиснаа корупцијата од првото место, но таа и понатаму е меѓу најголемите општествени предизвици

    За разлика од 2021 и 2023 година, кога корупцијата беше препознаена како најголем општествен проблем, во 2025 година граѓаните на прво место ги издвојуваат високите цени (46,6%), додека корупцијата е веднаш зад нив (40,1%). Ова укажува дека инфлацијата, растечките трошоци за живот и намалената куповна моќ ја зголемуваат економската несигурност, но и дека корупцијата останува еден од клучните општествени предизвици.

Адресар на граѓански организации

Ресурси од граѓански организации

Магазин „Граѓаните за промена“

Вести од граѓански организации

Граѓански стории

Граѓански импулс

Civica Mobilitas Community

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор