CMGGA

Хелсиншкиот комитет за човекови права спроведува мониторинг на постапувањето на Комисијата за спречување и заштита од дискриминација (КСЗД) при заштитата од дискриминација на жените од маргинализирани заедници.

Овој мониторинг е во рамките на проектот „Еднаквост сега – Зајакнување на маргинализираните заедници за социјална инклузија и недискриминација“, финансиран од Цивика мобилитас, кој го имплементира во партнертство со ХОПС- Опции за здрав живот и Коалиција Маргини.

Инфографикот го опфаќа периодот од 1 јули до 30 септември 2024 година.

Учениците од ОУ Димитар Поп Георгиев – Беровски од општина Ѓорче Петров учествуваа во уште една интерактивна работилница во Био-технолошката лабораторија на СУГС „Марија Кири – Склодовска“ – Скопје, како дел од проектот „Граѓански активизам за остварување на циркуларна економија во управувањето со органски отпад“.

Учениците од VII до IX одделение, заедно со своите наставници по природни науки, имаа можност преку демонстративни експерименти да научат како органскиот отпад од домаќинствата може да се преработи во корисни производи за фармацијата, козметиката и прехранбената индустрија. Работилницата им овозможи на младите да се запознаат со концептите на циркуларна економија и зелено претприемништво, охрабрувајќи ги да размислуваат за одржливи решенија и можности за нивниот иден професионален развој.

Овој едукативен настан беше инспирација за учениците да размислуваат како отпадот може да стане ресурс и да се искористи во создавање на одржлива зелена иднина. Преку практични активности, тие стекнаа нови вештини и знаења за одговорно управување со отпадот, што ќе придонесе за развивање на еколошка свест и активен граѓански ангажман.

Проектот „Граѓански активизам за остварување на циркуларна економија во управувањето со органски отпад“ е финансиски поддржан од Владата на Швајцарија преку програмата Цивика Мобилитас и се спроведува од Центар за ресурси во животна средина (РЕЦ) – Северна Македонија во партнерство со Еко Логик и Флорозон Центар за еколошка демократија.

Во месец декември 2024 година, успешно се одржаа три тематски предавања на тема „Превенција за подобро здравје“, како дел од проектот „Нејзин глас – нејзина моќ: зајакнување на маргинализираните жени и девојки во Пелагонија“ , со цел да се подигне свесноста на локалното население за важноста на здравствената превенција и промоција на здрави животни навики.
Предавањата беа насочени кон различни аспекти на здравјето, вклучувајќи превенција на хронични болести, значењето на здравата исхрана и физичката активност, како и важноста на менталното здравје. Предавањата беа одржани дирекно во заедниците во општините Прилеп, Кривогаштани и Долнени. Најмалку 90 лица граѓани од различни возрасти и социјални групи беа опфатени со активностите кои имаа за цел да го едуцираат локалното население за превентивните мерки кои можат да придонесат за подобрување на здравјето, промоција на здрави животни навики кои вклучуваат правилна исхрана, редовна физичка активност и управување со стрес.
На предавањето беше ставен фокус на превенцијата на најчестите хронични болести. Присутните беа информирани за знaчењето на редовни здравствени прегледи (скрининг), како и на правилно управување со ризичните фактори како што се пушење и нездрава исхрана. Беше истакнато значењето на правилната исхрана и редовната физичка активност за превенција на болести. Објаснети беа основите на здрава исхрана, како и важноста на физичката активност за одржување на здравјето. Особено внимание беше посветено на менталното здравје и техниките за справување со стрес.
Поради сѐ поголемото внимание на здравствени теми, предавањето беше изразито добро прифатено од учесниците. Учесниците покажаа активно интересирање за превентивни мерки и побараа дополнителни информации за здрави навики.
Спроведените предавања за превенција на здравјето во месец декември беа успешно реализирани и покажаа висок степен на ангажман од страна на локалното население. Овие активности не само што ја зголемија свесноста за важноста на здравствената превенција, туку и ги мотивираа учесниците да преземат конкретни чекори за подобрување на своето здравје.
„Нејзин глас – нејзина моќ: зајакнување на маргинализираните жени и девојки во Пелагонија“  е проект на Центарот за граѓанска иницијатива – Прилеп што се спроведува во партнерство со Здружението за правна едукација и транспарентност СТАНИЦА ПЕТ од Прилеп и Мултиетнчничко здружение за сите воздрасти од с. Црнилиште, Долнени. Проектот е подржан од Владата на Швајцарија преку Цивика мобилитас.

Преку едукација и ресурси, создаваме одржливи модели на организирање на заедницата за унапредување на родовата еднаквост во регионот.
Во рамки на проектот „Нејзин глас – нејзина моќ: зајакнување на маргинализираните жени и девојки во Пелагонија“, во месец декември беше успешно реализирана Школа за родова еднаквост. На школата за родова еднаквост зедоа учество 20 лица од Пелагонискиот регион, кои беа избрани со цел да се обучат и едуцираат на теми поврзани со родовата еднаквост, правата на жените и девојките и начини за активно учество во нивното  зајакнување.
Целта на школата беше да се создаде мрежа на родови промотори кои ќе продолжат да работат на имплементацијата на проектот во своите заедници и кои ќе придонесат за подигнување на свесноста за родовата еднаквост и важноста на оснажување на жените и девојките во Пелагонија.
Школата беше спроведена преку интерактивни работилници, предавања, групни дискусии и студии на случаи. Програмата ги опфати темите на основи на родовата еднаквост преку кои учесниците учеа за основни теоретски концепти, како што се род, пол, родова улога и родови стереотипи. Учениците научија како да разликуваат родова дискриминација од други видови нееднаквости, специфичните предизвици со кои се соочуваат жените и девојките во Пелагонија, како што се ограничените можности за вработување, недостатокот на образовни ресурси, како и социокултурните бариери. Учесниците научија како да се организираат и да влијаат на своите заедници преку кампањи, јавни говори и иницијативи за промена на ставовите и законодавството во врска со родовата еднаквост. Истите се стекнаа со вештини за идентификување и решавање на проблемите на жените во своите локални заедници.
Реализацијата на Школата за родова еднаквост претставува значаен чекор кон зајакнување на жените и девојките во Пелагонија, како и нивно активно вклучување во процесот на промена на свеста и ставовите во нивните заедници. Со оваа школа, проектот не само што обезбедува неопходна едукација и ресурси за учесниците, туку и создава трајни влијанија преку формирањето на мрежа од промотори на родова еднаквост која ќе продолжи да работи на унапредување на родовата еднаквост во регионот.
„Нејзин глас – нејзина моќ: зајакнување на маргинализираните жени и девојки во Пелагонија“  е проект на Центарот за граѓанска иницијатива – Прилеп што се спроведува во партнерство со Здружението за правна едукација и транспарентност СТАНИЦА ПЕТ од Прилеп и Мултиетнчничко здружение за сите воздрасти од с. Црнилиште, Долнени. Проектот е подржан од Владата на Швајцарија преку Цивика мобилитас.

Истражување на перцепциите на младите на возраст од 15-29 години за причините и состојбата со миграцијата на младите од Полошкиот регион.

Целиот извештај може да го најдете на следниот линк:

Hulumtim i perceptimeve të të rinjve të moshës 15-29 vjeç për arsyet dhe situatën me migrimin e të rinjve nga rajoni i Pollogut.

Raportin e plotë mund ta gjeni në linkun e mëposhtëm:

Денес нашите партнери, Здружението Иницијатива на невработени интелектуалци „ИНИ“ од Виница, претставувано од претседателот Тодор Цонев и Миле Петков, градоначалник на Општина Виница, потпишаа Меморандум за соработка во рамките на проектот „Преку женски активизам и иницијативи до родово-инклузивни и одговорни општини“. Овој проект го спроведуваме заедно со Здружението ЕХО Едукативно хуманитарна организација и Здружението Иницијатива на невработени интелектуалци. Со ова партнерство започнуваме важен чекор кон реализација на проектот, кој нуди практични решенија за трансформативни промени во заедницата.

Меморандумот има за цел:

1. Проценка на актуелните приоритети и потреби на жените и девојките во локалната заедница; 

2. Мобилизација на жени и девојки во креирање на родово сензитивни политики и програми во заедницата; 

3. Поддршка во организацијата на 1 локален Форум на заедницата, како и учество на претставници/чки од општинската администрација во реализација на останатите активности поврзани со презентација и одредување на приоритети за подготовка на родово буџетски иницијативи;

4. Учество на регионална конференција;

5. Поддршка при мобилизација и создавање на јадро на женски активистки – лидерки, меѓу кои и жени активистки од партиите и раководителки од општинската администрација;

6. Активно вклучување на вработените во општината во активности/работилници за родово одговорно буџетирање;

7. Вклучување на жените и девојките од заедницата во креирање на општинските програми и проекти;

8. Поддршка во мобилизација на жените и девојките од заедницата за учество на отворените денови за промоција на активностите на проектот и родово одговорното буџетирање;

9. Залагање и застапување за реализација на родово – буџетски иницијативи, предложени од проектниот тим.

Заеднички градиме поправедна и инклузивна заедница! 

Проектот „Преку женски активизам и иницијативи до родово-инклузивни и одговорни општини“ е финансиски поддржан од  Владата на Швајцарија преку Цивика мобилитас. Цивика мобилитас е проект на Владата на Швајцарија за поддршка на граѓанското општество во Северна Македонија, која ја спроведуваат Македонскиот центар за меѓународна соработка (МЦМС), НИРАС од Данска и ФЦГ од Шведска. Целта на програмата е општествените промени во Северна Македонија кои се водени од силен граѓански сектор, од активни граѓани и добра соработка со властите што резултира со проширен граѓански простор, поодржливи граѓански организации и потранспарентно, отчетно и општествено инклузивно владеење на централно и локално ниво. Мислењата кои се изразени овде не нужно ги одразуваат ставовите на Швајцарската Влада, Цивика мобилитас или организациите што ја спроведуваат.

www.glasentekstilec.mk | www.eho-org.mk | www.ini.org.mk

Во рамки на проектот „Граѓански активизам за остварување на циркуларна економија во управувањето со органски отпад“, што се спроведува од страна на Центарот за ресурси во животна средина (РЕЦ) – Северна Македонија, во партнерство со ЕкоЛогик и Флорозон Центар за еколошка демократија, на 6 декември 2024 година се одржа 3-та еднодневна работилници на тема „Техники за трансформација на биоотпадот”, овој пат со учество на основното училиште ООУ “Војдан Чернодрински” од Општина Карпош.

Учениците учеа за циркуларна економија и нејзиното значење за поздрава животна средина. Учениците беа прашани дали знаат дека од лушпата од јаболкото се добива пектин и што може понатаму со него да се произведува? Откако ја завршија подготовка на пектинот,се пристапи кон подготовка на состојки за добивање на растителни масла. Низ работата, учениците се запознаа и со постапката за добивање на биодизел, што беше потполно ново искуство за нив.

Добивме навистина интересни реакции од учениците во моментот кога успешно ќе ги завршеа експериментите, и со свои очи да го видат резултатот од тоа што го
работеле. Тие се разновидни, некои се восхитуваат, некои се радуваат а пак некои фотографираат со телефоните.

Поминавме уште еден убав работен ден со активности од кои никој не остана
рамнодушен, ниту ние ниту учениците!

Проектот е поддржан од Владата на Швајцарија и Амбасадата на Швајцарија во Македонија (Embassy of Switzerland in North Macedonia) преку Цивика мобилитас.

На 4 и 5 декември 2024 година во Скопје, се одржа средба за вмрежување на Цивика мобилитас, на која учествуваа над 90 претставници од 58 граѓански организации.
Промо Идеа Струмица заедно со партнерите во спроведувањето на проектот „Младинска мрежа за финансиска писменост на Југоистокот“ финансиран преку програмата Цивика Мобилитас, учествуваа на средбата за вмрежување и се вклучија во дискусиите за унапредување и развој на граѓанскиот сектор.
Паралелно со средбата за вмрежување учесниците поминаа низ процесот на политичко-економска анализа. Дел од работата започна уште пред самата сесија, кога граѓанските организации ја започнаа анализата на актерите кои се клучни за спроведувањето на нивните проекти.
Проектните партнери дефинираа и нови актери кои се клучни за спроведувањето на проектот, што ќе бидат инкорпорирани во идните активности.

Во рамките на проектот „Граѓански активизам за остварување на циркуларна економија во управувањето со органски отпад“ спроведуван од Центар за ресурси во животна средина (РЕЦ) – Северна Македонија во партнерство со Еко Логик и Флорозон Центар за еколошка демократија започнавме со одржување на еднодневните Работилници на тема „ Техники за трансформација на биоотпадот ” со основните училишта од Скопје. На 26 ноември и 28 ноември се одржаа 2 работилници со основните училишта ООУ “Димо Хаџи Димов” од Општина Карпош и ООУ “Св. Климент Охридски” од Кисела Вода.
Главната цел на овие работилници е да се подигне свеста на младите дека сите ние придонесуваме за заштита на животната средина и да ги научиме што значи циркуларна економија преку реупотребата на био отпад. Преку нив сакаме да го доближиме концептот на циркуларна економија како начин за остварување на одржлив развој, преку едноставни техники на учење и примена на знаења во пракса, со што ќе придонесат за создавање на идни активни граѓани, образувани во областа на одржливиот развој и циркуларната економија, со цел да остварат придобивки во средината во којашто живеат, творат и се развиваат.
Општата цел на проектот „Граѓански активизам за остварување на циркуларна економија во управувањето со органски отпад“ спроведуван од Центар за ресурси во животна средина (РЕЦ) – Северна Македонија во партнерство со Еко Логик и Флорозон Центар за еколошка демократија е стекнување на практични знаења за одржливо управување со органски отпад од страна на ученици од училиштата во Општина Карпош, Кисела Вода и Ѓорче Петров, како и од страна на пошироката јавност од Скопскиот плански регион, со цел постигнување на циркуларна економија и остварување на придобивки за одржлив развој.  Проектот е поддржан од Владата на Швајцарија и Амбасадата на Швајцарија во Македонија Embassy of Switzerland in North Macedonia преку Цивика мобилитас Civica Mobilitas.

На почетокот на развивање на проектната идеа пристапивме кон 3 Општини Карпош,
Ѓорче Петров и Кисела Вода за да добиеме поддршка за реализација на активностите од проектот. Сите три Општини се согласија да ни бидат партнери и ни ја дадоа нивната подршка, затоа учениците доаѓаат од основните училишта во овие Општини.

Работиме со групи со ученици мешани од различни одделенија, а со тоа и различна возраст и предзнаења, првичните реакции беа многу разновидни. Голем дел од учениците за прв пат се среќаваа со ваков тип на настава па нормално е на почеток да беа малку срамежливи и по малку скептични. Меѓутоа, како се одвиваа активностите за време на работилниците, најголемиот дел од нив се вклопуваат во работната атмосфера и им беше интересно да бидат „мали научници“.Интересни им беа споредбите на она што се работи во лабораториски услови со тоа што знаат дека се случува во природата или пак она што го гледаат во секојдневниот живот. Со тоа, не само што учат нови работи, туку и ги поврзуваат нивните знаења и согледувања со она што е тема на работилниците, односно, преработката на биоотпад и заштедата на природни суровини.
Особено се интересни реакциите на учениците во моментот кога успешно ќе го завршат експериментот и ќе можат со сопствени очи да го видат резултатот од она што го работеле. Тие реакции се разновидни, некои се восхитуваат, некои се радуваат а пак некои фотографираат со телефоните.

Веројатно најголемиот предизвик за време на работилниците за учениците е недостатокот на предзнаења кај некои од нив. Тоа пред сѐ се должи на тоа што голем дел од учениците кои учествуват на нашите работилници се од 7-мо одделение, па сеуште на училиште немаат учено за одреден дел од работите како основа на она што го работиме. Секако, овој предизвик нашите едукатори го решаваат така што нивото на материјата која се работи се прилагодува на присутните ученици.
 
На работилниците не учат само учениците туку и ние и едукаторите! Стекнатите знаења  од овие работилници ќе  ги искористиме за да се подобри процесот на едукација. Кога се работи со деца, свежи идеи и нови моменти никогаш не недостигаат. Дури и со релативно мал број на работилници одржани во однос на вкупниот планиран број, може да се забележи дека постигнуваме сѐ подобри резултати во експериментите, повеќе ангажирани ученици но и подобрување од наша страна. Тоа значи дека учиме и напредуваме. Овие стекнати знаења ќе ни помогнат да станеме уште подобри во ова поле, да организираме уште повеќе вакви настани и да опфатиме што е можно повеќе деца со вон-училишна едукација која ќе придонесе до создавање на генерации кои ќе имаат висока свест за потребата од зачувувањето и заштитувањето на животната средина.
#CivicaMobilitas, #CHinMK,  Цивика мобилитас   (civicamobilitas.mk)

На 22.10.2024 год. ЈП Депонија Дрисла и Resource Environmental Center (REC)- North Macedonia потпишаа Меморандум за соработка, со што го зацврстуваат заедничкото делување во полето на искуствено учење за одржлив развој, така што во рамки на проектот “Граѓански активизам за остварување на циркуларна економија во управувањето со органски отпад”, што…