CMGGA

Минатата недела во рамките на проектот „Преку женски активизам и иницијативи до родово-инклузивни и одговорни општини“, во организација на партнерските организации, се одржаа работилници на тема: „Можности за учество на жените во креирање и спроведување на локалните политики и буџетот на општината“.

Со овие работилници опфативме над 50 жени од различни профили, мажи и носители на одлуки во Општините Штип, Делчево и Виница.

Заедно дискутиравме за:

​ Улогата на жените во граѓанскиот активизам;

​ Формалните и неформални начини на учество во креирање локални политики;

​ Вклученоста во процесите на одлучување и буџетирање;

​ Карактеристиките на локалната заедница и проценка на локалните потреби и приоритети на жените;

​ Планирање и следни чекори за унапредување на женското учество.

Проектот „Преку женски активизам и иницијативи до родово-инклузивни и одговорни општини“ е финансиски поддржан од Владата на Швајцарија преку Цивика мобилитас. Цивика мобилитас е проект на Владата на Швајцарија за поддршка на граѓанското општество во Северна Македонија, која ја спроведуваат Македонскиот центар за меѓународна соработка (МЦМС), НИРАС од Данска и ФЦГ од Шведска. Целта на програмата е општествените промени во Северна Македонија кои се водени од силен граѓански сектор, од активни граѓани и добра соработка со властите што резултира со проширен граѓански простор, поодржливи граѓански организации и потранспарентно, отчетно и општествено инклузивно владеење на централно и локално ниво. Мислењата кои се изразени овде не ги одразуваат нужно ставовите на Швајцарската Влада, Цивика мобилитас или организациите што ја спроведаат.

www.glasentekstilec.mk | www.eho-org.mk | www.ini.org.mk

Постапувајќи согласно одредбите во рамките на проектот „Граѓански активизам за остварување на циркуларна економија во управувањето со органски отпад“ кој се спроведува од Центар за ресурси во животната средина (РЕЦ), во партнерство со Еко Логик и ЦЕД Флорозон-Скопје, со поддршка од Владата на Швајцарија  преку програмата Цивика мобилитас се објавува:

ПОВИК ЗА ПРИБИРАЊЕ НА ПОНУДИ ЗА ИЗРАБОТКА НА МЕДИA ПЛАН ЗА СПРОВЕДУВАЊЕ НА ДИГИТАЛНА КАМПАЊА

Предмет на договорот за услуги

Предмет на договорот е избор на физичко или право лице за подготовка на медиа план, визуелен идентитет за дигитална едукативно-информативна кампања за придобивките и начините за искористување на органскиот отпад.Дигиталните активности треба да таргетираат повисок опфат  реализирани со промотивна кампања за подигнување на јавна свест за штетните влијанија од неконтролираното постапување со органската компонента на отпадот од домаќинства и придобивките од искористувањето на био-отпадот, со примена на дигитални алатки, социјални мрежи и други е-канали.
Дигиталната кампања ќе содржи промоција на едукативно-информативни содржини во форма на: прирачници, инфо-графици, адаптирани достапни видео записи, кратки видео промотивни и дигитални прилози, статии или интервјуа на социјалните и дигиталните медиуми.

Опсег на услугата

Разработка на медиа план за дигитална медиумска кампања;
Развој на креативен концепт и визуелен идентитет за кампањата.
Презентација на драфт медиумски план пред нарачателот и нејзина ревизија според добиени насоки.
Одржување консултативни состаноци со назначено лице од проектниот тим..
Подготовка на краток завршен наративен извештај.

Индикативна временска рамка на спроведување на дигиталната кампања: јули 2025 – август 2026

Содржина на понудите и квалификации за учество:

Понудите, целата кореспонденција и документите поврзани со постапката кои ги разменуваат понудувачот и Нарачателот се пишуваат на македонски јазик со користење на неговото кирилично писмо.

Елементи на понудата кои треба да бидат доставени се:

Кратка предложена методологија и пристап за извршување на активноста;
Финансиска понуда во вкупен износ без ДДВ за правни лица/ за физички лица вкупен бруто износ со вклучен персонален данок;
Портфолио за правни лица/ Кратка биографија за физичко лице;
Тековна состојба или ДРД образец со која се докажува својата професонална дејност во побараните услуги;
Изјава за за непостоење на услови за исклучување на добавувач за извршување на услуги за проектот (за правни лица).

Потребни квалификации:

Да е физичко лице (експерт по комуникации и ПР активности) или правно лице регистрирано  за вршење на бараната дејност;
Најмалку 5 години искуство во креирање и спроведување на медиумски кампањи;

Секое физичко или правно лице може да учествува само со една понуда.

4.Начин на поднесување на понуди
Понудите мораат да се поднесат најдоцна до 26.05.2025 година до 16 часот на следниве електронски адреси: project@florozon.org.mk и andrijana.ecologic@gmail.com со назнака: „Понуда за подготовка на медиa план“.

Понудата која е поднесена по истекот на крајниот рок за поднесување на понудите нема да се разгледува.

Право на учество

Право да достави понуда има секое заинтересирано физичко и домашно правно лице- понудувач.

Цена на понудата

Цената на понудата се пишува со бројки и букви.

Валута на понудите

Цената на понудата се изразува во денари без вклучен данок на додадена вредност за правни лица. Проектот е ослободен од данок на додадена вредност.
За физички лица понудената цена на понудата треба да биде изразена во бруто износ.

Критериуми за доделување на договор

8.1 Критериуми за доделување на договорот за услуги за промотивна кампања на социјалните медиуми се:

Искуство и портфолио: 40 бодови
Организација и краток пристап (Квалитет и иновативност на стратегијата): 40 бодови
Финансиска понуда: цена 20 бодови

Вкупна оценка: 100 бодови

Нарачателите  го задржуваат правото да ја прифатат или одбијат било која понуда.

Потпишување на договорот

По завршување на изборот за најповолен понудувач, сите понудувачи во постапката ќе бидат известени за одлуката за прифаќање/одбивање на доставената понуда во рок од 7 работни дена. Известувањето е од информативен карактер и не предизвикува правни последици. Апликантите имаат право на приговор во рок од 5 дена.
Нарачателот го задржува правото да побара дополнителни документи од понудувачот. Најуспешниот понудувач ќе биде поканет да склучи договор за извршување на бараните услуги.

Продолжуваме со едукација на тема биоотпад и реупотреба на биоотпад. Дискутиравме со учениците дали знааат како може да се намали отпадот што завршува на ЈП “Дрисла”.
Дали знаете што значи циркуларна економија? – Ги прашавме учениците од ООУ “Лазо Трповски” од Општина Карпош. Ајде да видиме како може да го намалиме биоотпадот – продолживме со експериментите за пренамена на биоотпад во Биoтехнолошката лабораторија.
На 14 маj 2025 год. се одржа работилница со основното училиште ООУ “Лазо Трповски” од Општина Карпош. Учениците и Експетрите заедно правеа биодизел и пектин.
Во рамките на проектот „Граѓански активизам за остварување на циркуларна економија во управувањето со органски отпад“ спроведуван од Центар за ресурси во животна средина (РЕЦ) – Северна Македонија во партнерство со Eco – Logic и Center for Environmental Democracy – Florozon Флорозон Центар за еколошка демократија започнавме со одржување на едноденвните Работилници на тема „Техники за трансформација на биоотпадот” со основните училишта од Скопје.

Проектот е подржан од владата на Швајцарија преку Цивика мобилитас.

Изминатата недела, учениците од ООУ „Владо Тасевски“ – Скопје имаа можност да бидат дел од инспиративна и едукативна работилница, која се одржа во Биотехнолошката лабораторија. Настанот беше организиран во рамки на проектот „Граѓански активизам за остварување на циркуларна економија во управувањето со органски отпад“, кој има за цел да ја зголеми свеста и вклученоста на младите во темите поврзани со одржливо управување со отпадот и заштита на животната средина.На работилницата, учениците активно учествуваа во практична демонстрација на експерименти со биоотпад. Преку интерактивен пристап и работа во мали групи, тие научија како органскиот отпад може да се реупотреби и рециклира, и каква улога има секој поединец во создавање на поодржлива заедница. Наставниците и модераторите ги поттикнаа учениците да размислуваат критички, да поставуваат прашања и да изведуваат заклучоци базирани на набљудување и анализа.Овој настан е дел од поширока иницијатива што го спроведува Центарот за ресурси во животна средина (РЕЦ) – Македонија, во партнерство со организациите Еко Логик и Флорозон – Центар за еколошка демократија. Проектот е финансиски поддржан од Владата на Швајцарија преку програмата Цивика Мобилитас, која има за цел да ги поттикне активното граѓанство и зајакнување на заедниците во Македонија.Зошто е ова важно?Работилницата не само што придонесе кон зголемување на знаењето кај учениците за темите како што се циркуларната економија и управувањето со органски отпад, туку и ги мотивираше да станат активни чинители во процесот на промена. Со вакви иницијативи, младите генерации се охрабруваат да ја преземат одговорноста за животната средина и да бидат дел од решението.Поглед кон иднинатаСо надеж дека вакви иницијативи ќе станат сѐ почести во образовниот систем, веруваме дека учениците од „Владо Тасевски“ ќе продолжат да ја шират пораката за еколошка одговорност и одржливост. Тие се пример за тоа како знаењето, кога е поддржано со практична примена и вистинска мотивација, може да биде двигател на вистински промени.

Хелсиншкиот комитет за човекови права спроведува мониторинг на постапувањето на Комисијата за спречување и заштита од дискриминација (КСЗД) при заштитата од дискриминација на жените од маргинализирани заедници.

Овој мониторинг е во рамките на проектот „Еднаквост сега – Зајакнување на маргинализираните заедници за социјална инклузија и недискриминација“, финансиран од Цивика мобилитас, кој го имплементира во партнертство со ХОПС- Опции за здрав живот и Коалиција Маргини.

Инфографикот го опфаќа периодот од 1 октомври до 31 декември 2024 година.

На денот на Планетата Земја се потсетивме, зошто е важно постојано да делуваме за позитивни промени, да ги учиме младите да бидат подобри, поодговорни и активни. Се потсетивме, дека доколку делуваме сите заедно промените се можни и остварливи!

Денот на Планетата Земја 22 Април, го одбележавме отпочнувајќи ги настаните на отворено со Караванот за демонстрирање на експерименти во училиштата, преку „Работилница за повторна употреба и пренамена на био-отпад за ученици” коишто ќе ги рализираме со ученици од 20 основни училишта од Скопскиот регион.

Започнавме во ООУ “Св. Климент Охридски” кадешто триесетина ученици од основното училиште придружени од 4 волонтери соученици кои им асистираа на нашите Експерти имаа можност да се запознаат со опремата од Биотехнолошката Лабораторија и заедно да изведуваме експеримети за пренамена на органскиот отпад. На овој начин им покажавме на учениците како може да се намали количеството на био отпадот во Македонија кое завршува на депонија.

Со овој настан Центар за ресурси во животната средина (РЕЦ) – Северна Македонија беше дел од глобалната прослава и акции што се спроведуваат со цел да се заштити планетата Земја.

Овие настани на отворено со караванот за демонстрирање на експерименти во училиштата се реализираат во рамките на проектот „Граѓански активизам за остварување на циркуларна економија во управувањето со органски отпад“ спроведуван од Центар за ресурси во животна средина (РЕЦ) – Северна Македонија во партнерство со Eco – Logic и Center for Environmental Democracy – Florozon / Флорозон – Центар за еколошка демократија.

Во рамки на проектот „Граѓански активизам за остварување на циркуларна економија во управувањето со органски отпад“, спроведуван од Центар за ресурси во животна средина (РЕЦ) – Северна Македонија, во партнерство со Еко Логик и Флорозон Центар за еколошка демократија, на 10 април, во средата, се реализираше едукативна работилница во Биотехнолошката лабораторија.Работилницата, која беше организирана за младите истражувачи од ООУ „Партенија Зографски“, им понуди можност за практично учење и истражување на иновациите во областа на одржливо искористување на органски отпад. Учениците се запознаа со некои од најдобрите практики за циркуларна економија, кои вклучуваат:◼️Производство на биодизел – процес кој им овозможува на учениците да се запознаат со важноста на обновливите извори на енергија и како отпадните растителни масла можат да се искористат за производство на еко-пријателски горива.
◼️Екстракција на пектин – учениците научија како се добива пектин, природен полисахарид со примена во прехранбената индустрија и фармацевтските производи.
◼️Изработка на биофилм од кора од компири – оваа активност ја истражува можноста за користење на отпадот од земјоделските производи, како што се кората од компири, за создавање на биоматеријали, кои можат да заменат пластика и други штетни материјали.Преку овие активности, учениците не само што го зајакнаа своето знаење во областа на науката и иновациите, туку и развија критичко размислување и креативност во справувањето со проблемите на животната средина.Активностите на проектот „Граѓански активизам за остварување на циркуларна економија во управувањето со органски отпад“ активно придонесуваат за еколошката свест кај младите генерации. Младите истражувачи покажаа интерес и ентузијазам, кои ќе се рефлектираат во нивниот понатамошен активизам за подобра и одржлива иднина.Проектот е поддржан од Владата на Швајцарија преку програмата Цивика мобилитас, а неговите активности продолжуваат да носат позитивни резултати за развојот на еколошката свест и иновациите во земјата.Зелената иднина е во рацете на младите!

HomeАктивностиПОВИК ЗА ПОДНЕСУВАЊЕ Понуди за простор за  Младински Инфо центар за климатски промени Во Охрид, Струга и Дебар во рамките на Проектот „Да учиме за климатските промени“

Здружението Центар за развој и промоција Промо Идеа, во рамките на проектот „Младинска мрежа за финансиска писменост на Југоистокот“, спроведе истражување со цел проценка на знаењата и вештините за финансии кај младите лица во Југоисточен регион. Ова истражување се базираше на утврдената „Методологија за истражување – Рамка за проценка на знаења и вештини за финансии кај младите лица во Југоисточен регион“.
Методолошкиот пристап во истражувањето опфаќа комбинација од квалитативни и квантитативни методи, вклучувајќи анкети, фокус групи и анализа на податоци. Овој пристап овозможува сеопфатна и објективна проценка на предметот на истражување. Применетата методологија е структуриран инструмент кој обезбедува релевантни и мерливи резултати, овозможувајќи донесување на одлуки врз база на релевантни информации.
Методологијата е достапна за сите граѓански организации, истражувачи и институции кои сакаат да спроведат слични истражувања во областа на финансиската писменост или други сродни теми. Истата може да послужи како основа за идентификација на тековните состојби, креирање соодветни образовни програми и развој на иницијативи.

Покана за понуди за добабувач на Транспорт на учесници на обука од Охрид и Струга за во Дебар и обратноЗдружение Центар за одржлив развој на заедницата Дебар за потреба на проектот„Да учиме за климатските промени„ , на ден 12.03.2025 објавува:Повик за понуди
Добабувач на Транспорт на 22 учесници на обука од Охрид и Струга за во Дебар и обратноПериодот на релаизација: прва недела на месец Март 2025 годинаКреан рок за доставување на понуди: 02 Април 2025 годинаI. Информации за проектот1.1 Наслов на проектотКлиматски промени/Животна средина1.2 Донатор и програмаПроектот е поддржан од Владата на Швајцарија преку Цивика мобилитас1.3 Побарувач на услугаЗдружение Центар за одржлив развој на заедницата Дебар
1.4 Општи информации за задачата12 учесници од Охрид и 12 Учесници од Струга треба да се транспортират до Дебар, во утринските часови, и после завршување на обуката истиот ден да се враќат назад за Охрид и СтругаДавателот на услугата треба да достави понуда за:– Транспорт на 24 лица од Охрид и Струга за во Дебар и враќање истиот денКонтактШуип Марку070306652Contact@cscd.org.mkСодржината на овој повик е единствена одговорност на Здружение Центар за одржлив развој на заедницата Дебар и на ниту еден начин не може да се смета дека ги одразува гледиштата на Владата на Швајцарија, Цивика мобилитас или организациите што ја спроведуваат.

Related

Shuip Marku
Share This Story, Choose Your Platform!