6 1 1024x1024

Втора регионална средба на жените од руралните заедници од Кратово, Крива Паланка и Куманово

ОдХуманитарното здружение Мајка Куманово

Во Кратово се одржа Втората регионална средба на жените од руралните заедници од Кратово, Крива Паланка и Куманово, во рамките на проектот „Активни жени“, спроведуван од ХЗ Мајка Куманово, во партнерство со РЦОР Кратово, РЦС Спектар од Крива Паланка и Фондацијата за развој на мали и средни претпријатија Куманово.

Средбата ја истакна видливата трансформација и напредокот на жените од руралните средини кои сѐ повеќе се охрабруваат активно да ги артикулираат своите проблеми, да ги адресираат до локалните власти и да се вклучат во процесите на креирање локални политики. Преку едукација, поддршка и вмрежување, учесничките го зајакнуваат своето знаење, самодоверба и капацитети за застапување.

Учесничките ги презентираа резултатите од досегашните активности во рамки на проектот, со посебен осврт на нивните иницијативи и веќе доставените предлози до општините за буџетските програми за 2026 година. Овие активности претставуваат важен чекор кон поголемо учество на жените во донесувањето одлуки и развојот на заедницата.

Посебно беше нагласена важноста од регионално поврзување и споделување искуства, со цел создавање мрежа на солидарност и заедничко делување. Жените активно спроведуваат локални иницијативи кои придонесуваат за подобрување на инфраструктурата, јавните услуги и животната средина.

Проектот „Активни жени“ продолжува да претставува платформа која го поддржува гласот на жените, охрабрува иницијативи и ја зајакнува улогата на жените во руралните средини.

Оваа средба е во рамки на проектот „Активни жени“. Проектот се спроведува од страна на Хуманитарно Здружение „Мајка“ од Куманово во партнерство со Регионален центар за соработка Спектар / RCC Spectar, Здружение Регионален центар за одржлив развој – Кратово и Фондација за развој на мали и средни претпријатија – Куманово, а финансиран од Embassy of Switzerland in North Macedonia (Владата на Швајцарија) преку програмата Civica Mobilitas.

#CivicaMobilitas#CHinMK#activewomen#активнижени

Оваа вест изворно е објавена на веб-страната на Хуманитарното здружение Мајка Куманово

Продолжи со читање

  • Спортот не е имун на нееднаквост и насилство: потребни се конкретни и системски промени за надминување на пречките

    Со конференцијата „Фер игра: еднаквост и нулта толеранција за родово базирано насилство во спортот“, Македонскиот центар за меѓународна соработка (МЦМС) го заокружи процесот на собирање на податоци кои покажуваат како жените се застапени на позиции на одлучување во спортските организации. Истражувањата укажуваат и на искуствата и препознавањето на различните форми на родово базирано насилство врз жените во спортот, нивото на свесност на спортистките и постоењето, видливоста и користењето на механизмите за заштита. Учесниците на конференцијата отворија широка дискусија која овозможи да се согледаат пречките и бариерите и можните решенија.

  • Говорот на омраза во спортот

    Спортските трибини и натаму остануваат простор каде што се шират навредливи и дискриминаторски пораки, особено на етничка и национална основа. Таквиот говор, особено кога е јавно манифестиран, има потенцијал да предизвика длабоки поделби да ја наруши меѓуетничката кохезија, а има потенцијал да предизвика и злосторства од омраза. Во прилог, нашата колешка Наташа Петковска при гостување […]
    Read More… from Говорот на омраза во спортот
    The post Говорот на омраза во спортот appeared first on Хелсиншки комитет за човекови права.

  • Ограничени ефекти од обидот за регулација на онлајн медиумите

    „Порталите конечно ќе се препознаат како медиуми“. „Конечно и порталите влегуваат во закон“. „Владата со измени на закон ќе ги професионализира онлајн медиумите“. Ова се дел од новинарските наслови со кои се најавија измените на Законот за медиуми, со кои требаше да се регулира медиумскиот простор во Северна Македонија кога се во прашање онлајн медиумите. […]

  • ВИ во редакциите – новинарство што се менува  

    Од печатарска машина до интернетот, преку весниците што се печатеа од денес за утре до интернет-порталите што пренесуваат настани во моментот кога се случуваат – технологијата постојано го преобликува начинот на кој се собираат, се објавуваат и се консумираат вестите. Вештачката интелигенција (ВИ) е последната новина што ја трансформира работата во редакциите, давајќи му шанса […]

Адресар на граѓански организации

Ресурси од граѓански организации

Магазин „Граѓаните за промена“

Вести од граѓански организации

Граѓански стории

Граѓански импулс

Civica Mobilitas Community

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор