Повик за нови членови на Управниор одбор на МОФ

Врз основа на член 19 и 27 од Статутот на Младинскиот образовен форум, како и врз основа на одлука на Претседателот на Младински образовен форум донесена на 01.10.2026 година, на 01.10.2026 се распишува

ПОВИК
за нови членови на Управниот одбор

Повикот се распишува за избор на нов состав на Управниот одбор на Младински образовен форум (МОФ). Повикот се распишува поради истек на мандатот на моменталните членови на одборот.

Согласно член 23 од Статутот на МОФ, Мандатот на Управниот одбор трае две (2) години, со можност истите да бидат избрани неограничен број мандати.

Управниот одбор на МОФ претставува управен орган на Собранието на МОФ. Управниот одбор брои седум (7) членови. Мнозинството членови на Управниот одбор се избираат од редот на членовите на МОФ, кои биле активни во Здружението, најмалку една година пред изборот и кои ги исполнуваат критериумите за избор предвидени со Деловникот на управниот одбор. Член на Управниот одбор може да биде и надворешно лице.

За член на УО не може да биде избран Извршниот директор, Претседателот, Административниот директор како и програмските и проектните координатори, кои се покануваат на седниците на Управниот одбор, со право да даваат предлози и да учествуваат во дискусиите по точките на дневен ред, но без право на глас.

Според член 24 од Статутот на МОФ, Управниот одбор може да:

• Распишува конкурс за избор на Извршниот директор на Здружението, го избира од пријавените кандидати на конкурсот кои ги исполнуваат условите предвидени со актите на Здружението, со мнозинство од вкупниот број на членови ан УО и го разрешува;
• Распишува конкурс, го избира и разрешува Административниот директор;
• Распишува конкурс за Претседател на Здружението;
• Распишува конкурс за избор на Програмскиот директор на Здружението и го избира од пријавените кандидати на конкурсот кои ги исполнуваат условите предвидени со актите на Здружението, со мнозинство од вкупниот број на членови ан УО и го разрешува;
• Помеѓу две Собранија, одлучува за здружувањето и разделувањето од друго здружение и за зачленување во сојузи и меѓународни организации;
• Ги спроведува статутарните и програмските задачи на Здружението, како и одлуките и заклучоците на Собранието;
• Донесува и реализира годишна програма за својата работа;
• Разработува и предлага стратешки насоки за развој на организацијата на Собранието;
• Разгледува, се вклучува во пишување и ја верификува одлуката при аплицирање на проектни и други ангажмани;
• Го разгледува Годишниот извештај за работата на МОФ и дава свое мислење пред да виде доставен до Собранието на МОФ на усвојување;
• Предлага измени и дополнувања на Статутот;
• Усвојува одлуки и заклучоци кои се однесуваат на политиката на раководење со МОФ, а по предлог на Извршниот директор, Претседателот, Програмскиот директор и програмските координатори на МОФ;
• Го разгледува и усвојува Годишниот извештај за работењето на Извршниот директор;
• Донесува соодветни правилници;
• Свикува седници на Собранието и подготвува материјали;
• Распишува конкурси за избор и донесува одлука за избор на координатори на програми и центри на МОФ;
• Одлучува по поплаки и жалби на вработените поврзани со работниот однос;
• Донесува одлуки за набавка и отуѓување на основните средства;
• На секои шест месеци врши оценка и евалуација на работата на Извршниот директор, Претседателот, Административниот директор, Програмскиот директор, како и на програмските координатори;
• Врши избор на најдобри понуди на стоки, услуги и работи за потребите на МОФ, чија вредност е поголема од две илјади (2.000) евра во денарска противвредност, врз основа на три (3) понуди;
• Ја следи транспарентноста и демократското функционирање на МОФ и
• Врши други работи.

Сите заинтересирани кандидати треба да испратат кратка биографија (CV) и мотивациско писмо на info@mof.org.mk со назнака „Апликација за Управен одбор“ најдоцна до 25 октомври 2026 година до 23:59 часот.

За сите дополнителни прашања, може да се обратите на risto_saveski@mof.org.mk или на 078/421-567 .