Здружение Специјална Олимпијада – Македонија Скопје
Вкупен буџет: 3.955.935 МКД
Времетраење: 24 месеци
КРАТОК ОПИС НА ОРГАНИЗАЦИЈАТА
Специјална олимпијада Македoнија е невладина организација која ги сервисира потребите на лицата со пречки во развојот, со цел нивна социјализација и интеграција во заедницата преку спорт и рекреација. Формирана е во 2003 година под акредитација на Специјална олимпијада, но, во 2010 година е пререгистрирана во земјата. Инаку глобалната организација на Специјална олимпијада е основана од Јунис Кенеди Шрајвер во 1968 година и денес брои 5.7 милиони атлети и партнери во 174 земји ширум светот.
Под мотото „Дозволи ми да победам, а ако не можам, дозволи ми да бидам храбар во обидот“ организацијата во земјата ја остварува својата мисија, а тоа е да овозможи спортски натпревари и тренинзи во различни олимписки спортови за деца и возрасни со интелектуална попреченост, давајќи им постојани можности да ја развијат физичката кондиција, да покажат храброст, искусат радост и да учествуваат во споделување на вештини, знаења и пријателства со нивните семејства и останатите атлети на Специјална олимпијада и заедницата.
КОНСТИТУЕНТИ
Лица со интелектуална попреченост, нивните семејства и општата јавност.
РЕЗУЛТАТИ
- Интензивирана соработка и зголемување на број на ангажирани лица;
- Зголемена инволвираност на волонтери;
- Зголемена инволвираност на семејства на лица со посебни потреби;
- Зголемена инволвираност на граѓански организации;
- Зголемена инволвираност на бизнис заедницата;
- Градење на регионална мрежа на СОМ центри во РСМ;
- Географско распространување на СОМ на територијата на РСМ;
- Зајакнување на организцијата;
- Самоодржива организација.
