Здружение – Балкански Институт за Регионална Соработка БИРС
Вкупен буџет: 1.800.000 МКД
Времетраење: 18 месеци
КОНСТИТУЕНТИ
Контитуенти се жителите на населените места на Шар Планина, граѓаните, институциите, експертите, невладини организации кои специфично се грижат за биодиверзитетот на Шар Планина и други општествени фактори кои ја поддржуваат идејата и акцијата за зачувување на еко-рамнотежата во овој масив.
ЗА ПРОЕКТОТ ПОДДРЖАН ОД ЦИВИКА МОБИЛИТАС
ШАР ПЛАНИНА – ПОСЛЕДНА БРАНА ПРОТИВ ЕКОЛОШКА КАТАСТРОФА
ЗА ШТО Е ПОТРЕБНА АКЦИЈАТА
Подигнување на јавната свест за потребата од зачувување на Шар Планина како природно богатство за одржување рамнотежа во целиот еко систем во Република Северна Македонија. Главниот фокус е подигнување на свеста на локалното население и јавноста за заштита на природните ресурси на овој масив.
ЦЕЛИ И РЕЗУЛТАТИ
Општа цел: Подигнување на јавната свест за потребата за зачувување на Шар Планина како природно богатство за одржување на рамнотежата во целиот еко систем во Република Северна Македонија.
Специфична цел/и: Подигнување на свеста кај локалното население како и вклучување на повеќето институционални и општествени чинители за зачувување на природната рамнотежа на Шар Планина, со посебен осврт на нејзината заштита од штети предизивикани од човечки фактор.
РЕЗУЛТАТИ
- Целокупна слика со еколошките нарушувања на Шар Планина, препораки за решавање на овој еколошки проблем како и конкретна слика за степенот на реализација на иницијативата за прогласување на Национален Парк;
- Прикажување на нивото на нарушување на ресурсите на Шар Планина во последните десет години;
- Промоција на Шар Планина како можност за развивање на бизнисот на билна медицина, културниот туризам и други видови рурален и еко туризам.
АКТИВНОСТИ
- Изработка на проширен и детален извештај за состојбата на Шар Планина, преку користење на методи на секундарна анализа, анализа на содржина, анкета и интервју. Извештајот ќе ги детектира реалните проблеми и ќе дава препораки за подобра заштита на овој масив од понатамошните штети;
- Мултимедијална истражувачка сторија за актуелната состојба на Шар Планина, со која подетално ќе се информира јавноста до каде е постапката за прогласување национален парк во која мера се нанесените штети врз природните ресурси и како овој масив може да се претвори во вистинска профитабилна дестинација за културен, рурален и зимски туризам;
- Четири тематски документарни филмови за прикажување на капацитетите на Шар Планина;
- Реализација на четири интервјуа со компетентни лица, експерти и претставници од невладиниот сектор за состојбата и можните перспективи за развој на населените места во Шар Планина;
- Караван за актуелизирање на темата преку средби со жителите на населените места на Шар Планина, со цел подигнување на свеста за зачувување и заштита на овој масив како природно богатство;
- Мини-документарен филм за посетите со караванот во овие населби;
- Завршна конференција со присуство на претставници на државните институции, месни заедници, невладини организации, експерти и останати чинители од оваа сфера.
