Здружение на граѓани ЛОКОМОТИВА-Центар за нови иницијативи во уметноста и културата Скопје
Објавено: 22/06/2017
Вкупен буџет: 1.994.570 МКД
Времетраење: 01.05.2017 – 30.06.2018
Локомотива е мала организација, но активен учесник во градењето и развојот на демократскиот социо-културен простор во Македонија и регионот на поранешна Југославија. Преку нејзините активности, Локомотива има за цел да овозможи подобар пристап на граѓаните до уметничките и културни настани и проекти и да влијае на развојот и поддршката на современа уметност и култура, како поттик во развојот на демократското општество.
Визија: Локомотива е центар кој овозможува креативна реализација на идеи и критичко промислување, која дејствува како платформа за образование и поддршка на развојот на културата и уметноста заради остварување на прогресивни социо-културни промени во заедницата.
Мисија: Локомотива е граѓанска организација која создава нови можности за креирање, развој и делување на професионалците во полето на современата култура и уметност.Локомотива ова го остварува преку создавање на нови модели на соработка, истражување, застапување за креирање на развојни културни политики на локално, регионално и меѓународно ниво, како и градење на потребните капацитети во заедницата.
Конституенти: Професионални уметници, културни работници, неформални уметнички асоцијации, артивистички и активистички групи, маргинализирани и суб-културни групи кои го претставуваат независниот културен сектор; креатори на политики, носачи на одлуки на локaлно, национално и регионално ниво. Национални и локални јавни културни и образовни институции во земјата; граѓаните кои имаат желба активно да учествуваат во застапување и градење на заедницата.
Претходно искуство
- Културата во улога на територијален развој и социјална кохезија како дел од програмата за Децентрализирана соработка помеѓу регионот Долна Нормандија (Франција) и Р.Македонија
- Life Long Burning
- Локомоушн – интернационален фестивал за современ танц и перформанс
За проектот поддржан од Цивика мобилитас
КУЛТУРНИ ПРОСТОРИ ЗА АКТИВНИ ГРАЃАНИ
За што е потребна акцијата
Оваа акција произлезе од потребите и проблемите на конституентите, претставници на граѓанскиот сектор од културата и уметноста со кои се среќаваат подолго време. Многу граѓански организации кои делуваат во различни општествени сегменти се среќаваат со истите проблеми: видливост на програмите, услови за продукција како и презентација. Акцијата ќе понуди модели, методолошки пристапи во формирање на акции за застапување и раководење на простори каде ќе се активираат граѓанскиот сектор и локалната заедница.
ЦЕЛИ И РЕЗУЛТАТИ
Општа цел– Да се креираат нови модели на управување на културни простори за вклучување и интеграција на граѓанскиот сектор и жителите во локалните заедници.
Специфична цел– Да се подобрат условите за работа, соработка, (ко)управување и креирање содржини за и од граѓанскиот сектор преку културата и да се актуелизираат содржини и теми кои опфаќаат релевантни социо-политички прашања, меѓу кои и улогата и третманот на граѓанскиот сектор и потребата за вклученост во јавните политики.
Резултати
- Креирани модели и/или препораки за управување со специфични социјални и културни простори (Кино Култура, Железничка Зграда и Културно-уметничкиот центар „Текстил“).
- Развиени социо-културни содржини и алатки за застапување за одредени општествени прашања комуницирани со јавноста.
- Развиена мрежа на граѓански организации, взаемно информирани, солидарни кои се поддржуват во акциите.
Активности
- Меѓународна конференција – нови модели на институции во културата
- Публикација – презентација на моделот на Кино Култура
- Работилница за изработка на лична карта на Железничка зграда
- Изработка на план за употреба на просторот на Железничка зграда
- Работни средби за развој на модел/и или препораки за управување со КУЦ
- Кампања за зачувување на Офицерски дом во Битола
- Презентација со јавна дискусија на студија на добар случај – Мотел Трогир
- Уметничко дело посветено на содржината на Железничка зграда и изложба
- Работна група за изработка на протокол за соработка со граѓанскиот сектор на Кино Култура / Слободна Сцена
- Јавна презентација проследена со дискусија на резултатите од акцијата