Центар за правни истражувања и анализи (ЦПИА)

Вкупен буџет: 2.999.953 денари

Период на реализација: 01.01.2026 – 31.12.2026 (12 месеци)

Специфична тема: Родова еднаквост

Партнери: Македонско здружение на млади правници (МЗМП)

Конституенти: 

Судии, јавни обвинители и правници од стручните служби; млади лица и студенти по право; млади активисти и идни правници; граѓански организации; институции од правосудниот систем; локални и национални креатори на јавни политики.

За проектот поддржан од Цивика мобилитас: Менторство во правосудството и младински ангажман за родова еднаквост

ОПИС НА АКЦИЈАТА

Системскиот проблем што го таргетира проектот е двоен и меѓусебно поврзан: (1) недоволна родова сензитивност во одлучувањето и постапувањето на правосудните институции, што резултира со нееднаков пристап до правда; и (2) ограничено и ad hoc учество на младите во процесите на креирање јавни политики, што го слабее граѓанскиот дијалог и јавниот притисок за родово еднакви реформи. Предложената интервенција воспоставува двоен пристап на промена: во правосудството, преку родово сензитивна менторска програма, и во младинската сфера, преку младинска школа, локални форуми, студентски работилници и Хаб за поддршка на иницијативи.

ЦЕЛИ И РЕЗУЛТАТИ

Општа цел: Да се поттикне системско вклучување на младите и правосудните професионалци во креирање и спроведување јавни политики засновани на родова еднаквост преку развој на капацитети, меѓусекторска соработка и менторство.

Специфична цел:

1. Воспоставување родово сензитивна менторска програма во правосудството
2. Зајакнати знаења и вклученост на млади и идни правници за застапување и учество во јавни политики за родова еднаквост.

РЕЗУЛТАТИ

• Изготвен извештај за проценка на потребите за воспоставување родово сензитивна менторска програма, базиран на најмалку 10 интервјуа и 4 фокус-групи, со мапирани теми и потенцијални ментори.
• Развиена родово сензитивна менторска програма со структуриран курикулум, тематски сесии, методолошки упатства и сценарија за симулации усогласени со CEDAW/GREVIO/ЕСПЧ стандарди.
• Спроведена менторска програма со обучени 5 ментори (3 судии/ЈО и 2 родови експерти) и изменторирани најмалку 40 правосудни професионалци преку 3–5 тематски сесии; формирана онлајн мрежа и издадени сертификати.
• Организирана младинска школа за родова еднаквост и активно граѓанство, на која 8 млади (по 1 од регион) стекнале знаења и вештини за застапување и учество во јавниот живот.
• Реализирани 16 младински форуми во сите плански региони, со најмалку 160 учесници кои дискутирале и развиле идеи за родова еднаквост и младински ангажман.
• Спроведени четири интерактивни работилници со студенти по право од државните факултети, со вкупно 60 учесници кои стекнале практични вештини за граѓански ангажман и човекови права.
• Воспоставен функционален Хаб за младински ангажман што нуди менторска и техничка поддршка; поддржани најмалку 2 иницијативи за родова еднаквост и јавни политики.

АКТИВНОСТИ

• Проценка на потребите и развој на родово сензитивна менторска програма
• Креирање на родово сензитивна менторска програма во правосудството
• Имплементација на менторска програма за судии и јавни обвинители
• Младинска школа за родова еднаквост и активно учество
• Младински форуми за родова еднаквост и активно граѓанство
• Работилници со студенти по право за граѓански ангажман
• Хаб за младински ангажман

ВЕБ СТРАНИЦА

https://cpia.mk/mk/ – Центар за правни истражувања и анализи (ЦПИА)

https://myla.org.mk – Македонско здружение на млади правници (МЗМП)