Вести од граѓанските организации

Содржината на информациите презентирани во овој дел од веб странaта се единствена одговорност на грантистите и на ниту еден начин не може да се смета дека ги одразуваат гледиштата на Цивика мобилитас, Швајцарската агенција за развој и соработка (SDC) или организациите што ја спроведуваат. Информациите се презентирани како што се пристигнати и печатните или други грешки во нив се одговорност на самите автори.

  • Повик за учество на обука за врснички едукатори/едукаторки на теми од Законот за работни односи, дискриминација и мобинг/булинг

    Здружението „Гласен Текстилец“ од Штип, објавува повик за средношколци за учество на работилница за врснички едукатори/едукаторки на тема: Едукација на

  • Повик за регионален организатор на фокус групи

    Здружението на социјални работници на Македонија – ЗСРМ, Скопје за потребите на проектот ЗЗЗ – ЗАЕДНИЧКИ ЗА ЗЕЛЕНО ЗАСТАПУВАЊЕ ЗА ЗАШТИТА НА ЖИВОТНАТА СРЕДИНА финансиран од владата на Швајцарија преку Цивика мобилитас, а кој го спроведуваат Македонскиот центар за меѓународна соработка – МЦМС, НИРАС од…

  • Заедно за поактивно граѓанско општество во Демир Капија

    На 26 август, се одржа посета на Мобилниот ресурсен центар во просториите на општина Демир Капија. На средбата локалните организации и активисти се информираа за актуелностите поврзани со развојот на граѓанското општество, можностите за финансирање и јакнење на организациите, како и за услугите што ги нуди Граѓанскиот ресурсен центар. Посетите на Мобилниот ресурсен центар имаат за цел Граѓанскиот ресурсен центар да се доближи до локалните организации во различните општини и региони и да поразговара за потребите и предизвиците со кои се соочуваат организациите во своето работење.  

  • Работна средба со извидниците од Поликастро

    На 30.8.2025 год. (сабота) во Поликастро, Република Грција се одржа работнасредба помеѓу претставниците од Првата извидничка чета на Поликастро и извидничкиот одред “Димитар Влахов“ од Велес, Република Македонија. На оваа средба се разговараше за големата поддршка која што ја дава Првата извидничка чета на Поликастро при реализацијата на Вардарската регата…

  • На ЕУ Академијата младите се стекнаа со нови знаења за улогата на Европската унија во заштитата на човековите права

    Во текот на тридневната програма, од 11 до 14 август, во Охрид младите учесници на возраст од 18 до 26 години, имаа можност да се стекнат со нови знаења и практични вештини поврзани со човековите права, евроинтегративниот процес и улогата на младите во градењето на поправедно и инклузивно општество. Академијата овозможи критичка дискусија за човековите […]
    Read More… from На ЕУ Академијата младите се стекнаа со нови знаења за улогата на Европската унија во заштитата на човековите права
    The post На ЕУ Академијата младите се стекнаа со нови знаења за улогата на Европската унија во заштитата на човековите права appeared first on Хелсиншки комитет за човекови права.

  • Млади во Западен Балкан – Повик за национална МЛАДИ награда 2025

    Младински образовен форум распишува конкурс за МЛАДИ награда во рамки на проектот „Младите во Западен Балкан – Виртуелна разгледница“. Тема на годинешниот конкурс е: „Различноста како сила: Младите и нивната […]
    The post Млади во Западен Балкан – Повик за национална МЛАДИ награда 2025 appeared first on МОФ.

  • Мислење на екологистите за предложените закони за рударство и геологија

    Почитувани,
    На 28.8.2025 до Министерството за енергетика, минерални суровини и рударство, беше испратено мислењето на 25 граѓански организации за предложените закони за рударство и геологија, кои се поставени на ЕНЕР. Законите се анализирани од аспект на заштита на животната средина, биодиверзитетот и здравјето на луѓето.
    Како сублимат на поединечните реакции на повеќе граѓански здруженија дадени се ПРЕДЛОЗИ, кои се базираат врз ЗАБЕЛЕШКИТЕ по текстот на законите, со фокус на Законот за рударство.
    „ПРЕДЛОЗИ:
    1. Предлагаме Законите да имаат јасен екологистички пристап, а  Министерството да го проектира развојот на оваа гранка УМЕРЕНО за неметалични суровини, додека за металични суровини да се стави МОРАТОРИУМ. Така, Македонија ќе биде заштитена од нови хаварии и загадувања, на кои сме сведоци, а ќе се осигура ИДНИНАТА на идните поколенија.
    2. Македонија ДА ЈА КОМПЛЕТИРА РЕГУЛАТИВАТА за заштита на животната средина во сите области, според последните највисоки стандарди на ЕУ.
    3. ДА ГИ РЕШИ ПОСТОЈНИТЕ ЕКОЛОШКИ ПРОБЛЕМИ во рударството и металургијата, но и во целокупната индустрија, преку ревизија на еколошките дозволи и концесии (со сите постојни јаловишта и хидројаловишта), во соработка со бизнис секторот, заради унапредување и екологизирање на технолошките процеси.
    4. ДА ГИ ЗАЈАКНЕ ИНСПЕКЦИИТЕ задолжени за рударството и индустријата (за технички работи, за рударство, за животна средина, за градежништво), со акцент на Државниот инспекторат за животна средина и да се воспостави независен систем за еко-мониторинг на влијанијата врз почвата, водата и воздухот, со обврска за јавно објавување на резултатите.
    5. ДА СЕ ДОНЕСЕ ПРВО СТРАТЕГИЈАТА за рударство со СЕРИОЗНИ И ТРАЈНИ КРИТЕРИУМИ за тоа каде и какви рудници би можеле, а каде и какви НЕ БИ МОЖЕЛЕ да се отворат, под никакви околности и при никаква промена на властите.
    6. Да се обезбедат правата од АРХУСКАТА КОНВЕНЦИЈА: пристап до информации за сите фази од рударските постапки, учество на јавноста во одлуките за отворање и продолжување концесии, пристап до правда за граѓаните и граѓанските организации во случаи на повреда на еколошките стандарди.
    На ваков начин, Македонија може да се развива стратешки обмислено и стабилно, со граѓани кои ќе живеат квалитетен живот во здрава животна средина, без фрустрации и стресови поради можен рудник како тешка Г1 загадувачка индустрија во нивниот двор.

  • Што претставува био-отпадот и зошто е важно да го селектираме?

    Во нашето секојдневие често не размислуваме каде завршуваат органските остатоци од храната, земјоделските производи или отпадот од градините и парковите. Но токму овој вид отпад — познат како био-отпад претставува значителен дел од вкупниот комунален отпад што се создава во домаќинствата, установите, угостителските објекти, градините и пазарите на земјоделски производи. Станува збор за органски отпад, како што се остатоци од храна, расипано овошје и зеленчук, талог од кафе, хартиени салфетки со остатоци од храна, треви, лисја, гранки и градинарски отпад кој се распаѓа по природен пат. Во Северна Македонија, био-отпадот сочинува до 40-50% од вкупниот отпад што завршува на депониите, што укажува на неговата нагласена присутност.
    За жал, овој тип отпад најчесто се третира како обичен комунален отпад, без никаква селекција, и завршува на несоодветни депонии каде што создава значителни штетни емисии и придонесува за климатските промени. Имено, неправилното складирање и третирање на био-отпадот доведува до создавање на метан –стакленички гас кој има значителен удел во глобалното затоплување. Дополнително, био-отпадот што се разградува неконтролирано на отворено емитува непријатни миризби и привлекува штетници, што претставува ризик за јавното здравје и квалитетот на животната средина. Затоа, неопходно е да се воспостават функционални системи за негово одделно собирање и селекција, почнувајќи од самите граѓани и нивните домаќинства. Одвојувањето на био-отпадот е првиот чекор кон воспоставување на циркуларна економија во која отпадот се третира како ресурс.Селектираниот био-отпад може да се искористи за производство на компост – природно органско ѓубриво со висока хранлива вредност за почвата, или пак да се пренамени во биогас кој се користи како обновлив извор на енергија. На тој начин, од материјал што инаку би завршил на депонија, се добиваат производи со висока економска и еколошка вредност. Воедно, со развивање на системи за управување со био-отпадот се отвораат можности за нови зелени работни места, особено во секторите на социјалното претприемништво, земјоделството и енергетиката.
    Клучен предуслов за успешно управување со био-отпадот е подигнувањето на јавната свест и информираноста кај граѓаните. Во таа смисла,  потребно е да се разбере дека био-отпадот не е безвреден, туку напротив – претставува важен ресурс кој ако соодветно е искористен може да ја намали потребата од хемиски ѓубрива, да ја подобри почвената структура и да го намали притисокот врз депониите. Во време кога климатските предизвици се сѐ понагласени, а урбаните средини се соочуваат со зголемен обем на отпад, управувањето со био-отпадот станува не само еколошка обврска, туку и прашање на одржлив развој и општествена одговорност. Затоа, важно е оваа тема да биде поставена високо на агендата на локалните власти, институциите и граѓанските организации, а секој граѓанин да стане активен дел од решението.
     
     
     
    Оваа статија  е подготвена во рамките на Проектот „Граѓански активизам за остварување на циркуларна економија во управувањето со органски отпад“спроведуван од Центар за ресурси во животна средина (РЕЦ) – Северна Македонија,  Еко Логик и Флорозон – Центар за еколошка демократија и е поддржано од Владата на Швајцарија преку Цивика мобилитас
    Содржината на оваа статија е единствена одговорност на Центар за ресурси во животна средина (РЕЦ) – Северна Македонија, Еко Логик и Флорозон – Центар за еколошка демократија  и на ниту еден начин не може да се смета дека ги одразува гледиштата на владата на Швајцарија, Цивика мобилитас, или организациите што ја спроведуваат.

Нема повеќе содржини

Нема повеќе содржини

Адресар на граѓански организации

Ресурси од граѓански организации

Магазин „Граѓаните за промена“

Вести од граѓански организации

Граѓански стории

Граѓански импулс

Civica Mobilitas Community

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор