Вести од граѓанските организации

На 13 и 14 јануари беше реализирана обука за новите 45 дисеминатори во рамките на Националната програма Црвен крст во акција – Промоција на хумани вредности.

Цивил – Центар за слобода, успешно ги заврши обуките за граѓански новинари во рамки на проектот „Граѓански објектив“. Во период од два месеца се одржаа четири регионални семинари во Скопје, Битола, Струмица и Велес, каде се одржа и завршниот, петти семинар на кои учесници и учеснички беа сите заинтерсирани граѓанки и граѓани кои немале можност да учествуваат на претходните семинари.

Организација на жените на општина Свети Николе на 25 Декември 2015 година одбележува 25 години работа во женското движење за подобрување на општата состојба на граѓаните, за подобрување на условите за соодветна здравствена заштита на жените, децата и младите, активно вклучување на децата и младите во општествените текови на живеење, како и почитување и заштита на човековите права.

Претставници на Гаус Институт, МНД-Битола, граѓанските организации „Новак 2014“-Новаци и Лидер Плус -Могила, од 14 до 16 декември во Маврово, врз принципот „работа во мирни услови“ (Work in Peace), што значи не под притисок на урбаниот метеж и нон-стоп ѕвонење на мобилните телефони, одржаа „Обука за обучувачи“.

Институтот за истражување на политики и добро владеење – ИПДВ во рамки на програмата CIVICA Mobilitas, имплементирана oд Македонски центар за меѓународна соработка МЦМС , НИРАС од ДАНСКА и Шведскиот Институт за Јавна администрација ( СИПУ) финансиски поддржана од Швајцарската агенција за развој и соработка (SDC) ја реализираше првата обука во рамките на проектот “Интер-етнички дијалог и соработка помеѓу младите во Македонија”.

Недела, 15 ти ноември, хотел Континентал. Влез бесплатен.

Почитувани,
И оваа година со огромна радост го најавуваме ВЕГЕФЕСТ, фестивалот кој го организираме по четврти пат, со цел да го насочиме вниманието кон најобесправените, речиси невидливи битија на овој свет – фармските животни. Секојдневно искористувани, свирепо убивани за храна, мода и профит, лишени од слобода и од можност нормално да живеат според карактеристиките на својот вид, овие сетилни битија во модерното конзумерско општество се сведени на продукти и предмети, безгласни робови на кои им е одземено достоинството, одгледувани и размножувани во ужасни услови, деградирани до болка, со една единствена цел – свирепа непотребна експлоатација.

Македонскиот центар за европско образование (МЦЕО) во рамки на акцијата финансирана од ЦИВИКА МОБИЛИТАС: „Трансфер на знаење за политиките на ЕУ за намалување на разликите меѓу граѓанските организации од скопскиот и другите плански региони“, објавува:

ПРОДОЛЖУВАЊЕ НА ПОВИК
За аплицирање за мали локални иницијативи (до 30.800 денари) на граѓански организации за граѓанско учество со ЕУ вредности на локално ниво за регионите (1) источен и (2) полошки.

Стружани беа домаќини на првата јавна дискусија на Диверзити медиа, насловена како „Изборните системи во интерес на граѓаните или политичките партии“. Еден од учесниците во дискусијата, политикологот Башким Бакиу се заложи за системот во кој Македонија ќе биде една изборна единица, додека да се исклучи можноста да се избираат пратеници од дијаспората.