Author: Здружение за заштита и унапредување на животната средина ЕКО ЛОГИК

Date:
07/07/2025

Во време кога климатските промени и еколошката одржливост се поважни од кога било, малите и средни претпријатија (МСП) се наоѓаат на првата линија на трансформацијата. Новиот извештај „Анализа на зелената транзиција кај европските МСП“ дава сеопфатен преглед на предизвиците и можностите со кои се соочуваат бизнисите на нивниот пат кон одржливо и иновативно работење. Документот […]

Во време кога климатските промени и еколошката одржливост се поважни од кога било, малите и средни претпријатија (МСП) се наоѓаат на првата линија на трансформацијата. Новиот извештај „Анализа на зелената транзиција кај европските МСП“ дава сеопфатен преглед на предизвиците и можностите со кои се соочуваат бизнисите на нивниот пат кон одржливо и иновативно работење.
Документот е изготвен во рамки на проектот GreenLead, кој е ко-финансиран од Европската Унија преку програмата Erasmus+. Проектот се спроведува во соработка со организации од Шпанија, Словенија, Грција и Македонија, со цел да им помогне на МСП да ја забрзаат својата зелена трансформација преку едукација, истражување и развој на практични алатки.
Извештајот се фокусира на:

Тековната состојба на зелената транзиција кај МСП во Европа;
Политиките и регулативите на ЕУ, како Европскиот зелен договор и иницијативата „Fit for 55“;
Добри практики и конкретни иницијативи;
Предизвици при воведување одржливи технологии;
Улогата на иновациите, дигитализацијата и циркуларната економија;
Потребата од соработка помеѓу бизнисите, институциите и истражувачките центри.

Преку оваа анализа, GreenLead не само што нуди насоки за подобро разбирање на европските еколошки приоритети, туку и дава конкретни препораки за унапредување на конкурентноста на МСП во рамки на зелената економија.
🔗 Следете нè за повеќе информации од GreenLead и за нови ресурси што ќе им помогнат на компаниите да направат чекор напред кон одржлива иднина.

OTHER Publications for adults

Во време кога одржливоста станува клучен елемент на секоја успешна деловна стратегија, мали и средни претпријатија (МСП) низ Европа се соочуваат со потреба од нов тип на лидерство – зелено лидерство. Токму на оваа тема се фокусира документот „Профил и компетенции на зелениот лидер“, подготвен во рамки на проектот GreenLead, ко-финансиран од Европската Унија преку […]
Read more

Горди сме да го споделиме првиот билтен на проектот GreenLead, кој содржи информации за првите активности спроведени од шесте партнери од Шпанија, Словенија, Грција и Македонија. Меѓу активностите се вклучени: партнерскиот состанок во Теруел (Шпанија), спроведеното истражување и изготвениот извештај за состојбата на зелената транзиција на малите и средни претпријатија во четирите земји​. Проектот е […]
Read more

Во свет каде што одржливоста станува сè поважна, Eco Logic со гордост е дел од проектот „Тренери за одржливост“ – кофинансиран од програмата Еразмус+. Во партнерство со организации од Германија (WNB e.V.), Италија (CSCI Novara) и Кипар (Synthesis), работиме на развој на иновативни образовни материјали и алатки кои ќе ги поттикнат идните генерации да станат […]
Read more

Програмата за обука е прилагодена за општинските вработени ширум Европа. Тој е дизајниран да ги опреми поединците од различни сектори во општините со знаења и вештини потребни за ефективно да се поттикнат иницијативите за одржливост и зелена транзиција. Преку модулите, учесниците ќе ги истражуваат клучните концепти и практични стратегии за спроведување на одржливи практики во […]
Read more

The GREEEN project is more than just an initiative—it’s a movement that equips young minds with the tools to create lasting environmental change. Coordinated by Eco Logic and supported by partner organizations across Europe, this project is actively shaping the next generation of eco-entrepreneurs, educators, and sustainability advocates. Building Capacity for a Greener Future At […]
Read more

По повеќе од две години посветена соработка, проектот InterGreen успешно се завршува, оставајќи значајно влијание врз општините во шест европски земји: Франција, Италија, Португалија, Грција, Кипар и Македонија. Овој проект, ко-финансиран од Европската Унија преку програмата Еразмус+, имаше за цел да ги зајакне зелените вештини и да овозможи поодржливи локални заедници. Главни резултати: Интерактивна едукативна […]
Read more

Еко Логик, како партнер во проектот Innokids – Innovative Approaches for Development of Sustainable Communities by Kids, ја претставува новата видео библиотека – онлајн платформа со повеќе од 100 едукативни видеа наменети за наставници, родители и сите кои работат во областа на едукацијата.
Innokids е проект поддржан преку програмата Еразмус+, кој обединува организации од Словачка, Македонија, Романија, Португалија и Италија. Главната цел е да се поттикне развојот на зелени вештини, креативност, уметност и иновации во образованието, со посебен фокус на Целта за одржлив развој бр. 11: Одржливи градови и заедници.

Што содржи видео библиотеката?
Платформата нуди практични видео материјали поделени во пет тематски области:

Живеалишта и заедници
Инфраструктура и транспорт
Рекреативни и слободни површини
Природни подрачја
Мерки за ублажување и адаптација

Секој модул вклучува видеа кои ги обработуваат темите преку реални примери и активности погодни за ученици од различни возрасни групи. Овие содржини се особено корисни за наставници кои работат во областа на природни и општествени науки, уметност, јазици, математика, СТЕМ-едукација и граѓанско образование.

[embedded content]

Кој може да ја користи?
Видео библиотеката е наменета за:

Наставници во основно и средно образование
Родители кои сакаат да поттикнат одржливи навики кај своите деца
Едукатори во формално и неформално образование

Поврзаност со Целите за одржлив развој
Иако фокусот е на Цел 11 – Одржливи градови и заедници, проектот обработува и теми поврзани со:

Квалитетно образование (Цел 4)
Климатски акции (Цел 13)
Здравје и благосостојба (Цел 3)и многу други глобални цели од Агендата 2030.

Пристапете до видео библиотеката овде: Види ја платформата
Youtube

Овој проект е кофинансиран од програмата Еразмус+ на Европската Унија (Project N. KA220-SCH-2B800C18).

Луна Китановска, член на нашиот тим во Еко Логик, од 8 до 11 јули 2025 година ќе учествува на годишниот самит на Global Shapers Community – иницијатива на Светскиот економски форум, што ќе се одржи во Женева, Швајцарија.

Овој престижен настан ги обединува инспиративните млади лидери од целиот свет кои работат на создавање позитивни и одржливи промени во своите заедници. На самитот ќе присуствуваат повеќе од 500 куратори од над 500 градски хабови и 150 земји, кои ќе имаат можност да воспостават глобални врски и да разменат искуства со меѓународни лидери и експерти.

Луна како куратор ќе учествува во презентации на иновативни проекти и ќе биде дел од важни дискусии, истовремено активно вмрежувајќи се и претставувајќи ја посветеноста на Еко Логик кон одржливиот развој и климатските акции.

Global Shapers Community брои речиси 20.000 млади лидери во над 500 хабови ширум светот, кои веќе реализирале над 3.000 локални проекти, допирајќи повеќе од 2,5 милиони луѓе и инспирирајќи промени на глобално ниво.

За повеќе информации за Global Shapers Community посетете:🌐 globalshapers.orgИсто така, следете дел од сесиите онлајн тука:📺 nextgennow-2025

Со заеднички чекори кон поодржлива иднина!

Со голема гордост ја споделуваме веста дека проектот INTERGREEN официјално доби ознака за „добра пракса“ од програмата Еразмус+. Ова признание претставува силен доказ за посветеноста, соработката и влијанието кое нашиот транснационален тим го постигна во изминатите две години.
Преку INTERGREEN успеавме да вклучиме општини од Франција, Италија, Португалија, Грција, Кипар и Македонија, создавајќи простор за значајна размена на идеи, заедничка работа и развој на иновативни алатки и практики за поддршка на зелената транзиција. Проектот не само што овозможи нови партнерства и иницијативи, туку и придонесе за подигнување на свеста и капацитетите на локалните самоуправи и засегнатите страни да преземат конкретни чекори кон одржлив развој.
Оваа ознака не е само признание – туку и мотивација за понатамошна работа. Се надеваме дека ова е само почеток на една поширока приказна со нови, уште поамбициозни и влијателни активности.
Голема благодарност до целиот INTERGREEN тим и до сите кои вложија време, знаење и енергија за да го направиме овој успех возможен. Вашиот придонес е од непроценлива важност, и ова признание е резултат на заеднички труд.
Продолжуваме понатаму – нови активности и предизвици се пред нас.

На почетокот на јуни, заедно со Општина Кочани, организиравме уште една едукативна и инспиративна работилница посветена на темата одржлив туризам. Настанот се одржа во Кочани и беше наменет за средношколци и наставници од локалните училишта.За време на работилницата ја претставивме програмата за е-учење за одржлив туризам, развиена во рамки на PRepare проектот. Преку интерактивна презентација и дискусија, учесниците добија можност да научат повеќе за туристичкиот сектор, потенцијалот за вработување и можностите за развој на локални иницијативи поврзани со одржливи практики.Работевме и на развивање на креативни идеи за зелен туризам, со фокус на промоција на природните, културните и гастрономските потенцијали на Кочани. Во мали групи, младите предложија конкретни активности и пристапи за привлекување туристи, со акцент на заштита на животната средина и локалниот идентитет.Особена благодарност упатуваме до учениците и професорите од СОУ “Љупчо Сантов“ – Кочани и СОУ „Гошо Викентиев“ – Кочани за нивниот ентузијазам, идеи и ангажман. Исто така, благодарност и до Општина Кочани и хотел СитиИн за поддршката и за споделувањето на искуства и добри практики преку нивните презентации.PRepare проектот е ко-финансиран од Европската Унија преку Еразмус+ програмата. Проектот се реализира во соработка со партнери од Турција, Италија, Грција и Македонија и има за цел да ги поддржи младите и локалните заедници во развојот на капацитети за одржлив туризам.

Во потрага по нови предизвици и искуство, Давиде реши да ги помине следните шест месеци со нас, придонесувајќи кон еколошки промени и учејќи повеќе за одржливост, мобилност и локални иницијативи.Веќе е целосно вклучен во нашите проекти, полн со идеи, енергија и желба да направи разлика – а ние сме среќни што сме дел од неговата приказна. Добредојде, Давиде – ти посакуваме незаборавно и инспиративно волонтерско патување низ Македонија! First impressions from SkopjeMonday, June 9th, 2025Three weeks ago, almost at midnight, I landed in Skopje. It was a last-minute departure that I’m stillprocessing, but already grateful for. Coming here wasn’t an easy decision, but it felt like the right time: Ihad six months between two jobs and wanted to spend them somewhere new, doing somethingmeaningful.I came to contribute to the work of EcoLogic, a local environmental NGO, and to learn as much as I couldabout their mission and the environmental challenges they address. And I’m already doing just that –getting involved in ongoing projects, helping organize events, and learning more every day aboutsustainability, mobility, and grassroots initiatives.I’ve known about Macedonia for a while, but only through the words of a friend from school who’s fromhere, and I’d always wanted to visit. When this opportunity came up, I couldn’t turn it down. I’m alreadyenjoying Skopje, and beyond work, I’m looking forward to exploring the rest of the country – its cities,mountains, lakes, and national parks. I can’t wait for long hikes and weekend trips.This is my first time taking part in an ESC project, and I’m also the first volunteer hosted by EcoLogic. I’lldo my best to make it easier for others to follow and to help more young people discover this valuable andinspiring reality!Davide

Во свет во кој младите се бомбардирани со информации и дигитален шум, ние во Еко Логик одлучивме да направиме нешто поинакво – нешто што ќе ги привлече, едуцира и инспирира. Резултатот? 📖 Едукативна стрип-серија што ги буди младите херои во секој ученик!Во рамки на GREEEN – Games, Resources, Environment, Entrepreneurship and Education, заедно со партнери од Романија , Италија , Кипар и СОУ „Димитрија Чуповски“ – Велес , го создадовме “The Green Superhero”, стрип кој ги носи читателите на незаборавна авантура низ Европа.🦸 Метаморф: Херојот што се менува за да спаси планетатаЗапознајте го Метаморф – супер херојот кој може да се претвори во сè што е потребно за да се справи со предизвиците на животната средина. Во секоја земја низ која патува, Метаморф се соочува со различни закани: загаден воздух, пожари, вода загадена од човечки немар, и многу повеќе. Но, тој никогаш не е сам – младите зелени херои од секоја земја му помагаат со идеи, храброст и акција. 💪🌍💬 Пораката е јасна: Промената почнува од тебе!Овој стрип не е само за читање – тој е повик на акција.🔊 “Можеш и ти да бидеш зелен херој!” – е мотото што се провлекува низ секоја страница. Децата учат дека:🌬 Воздухот ќе биде почист ако се користи велосипед или јавен превоз🔥 Пожарите не се случуваат сами – тие најчесто почнуваат поради наша немарност🌊 Загадувањето на водата има последици – но може да се спречи со правилно однесување🌳 Секој засаден дрвце значи чекор поблиску до поздрав светСоздаден со млади – за младиПосебна благодарност до учениците кои помогнаа во развојот на стрипот, заедно со нивните наставници. Токму нивната енергија и креативност направија овој стрип да биде жив, инспиративен и полн со надеж.📢 Од училница до улица: Ајде да бидеме дел од решението!Преку овој стрип, GREEEN проектот го спојува образованието со креативноста и ги охрабрува младите не само да учат за животната средина – туку да ја заштитуваат.Ако си родител, наставник, млад човек или едноставно љубопитен читател – преземи го стрипот, сподели го со пријателите, и запомни:И ти можеш да бидеш Метаморф.

Во насока на зајакнување на нашите активности во областа на образованието на возрасните, со особено внимание кон одржливиот развој и еколошката писменост, на 30.05.2025 година потпишавме Меморандум за соработка со Јавната установа Центар за образование на возрасните – Скопје.Овој чекор претставува важен момент за Еко Логик, бидејќи преку стратешко партнерство со релевантна институција, отвораме нови можности за заеднички активности, развој и имплементација на локални и европски проекти, како и спроведување на политики во дејностите образование и наука.Потпишувањето го формализираа:Никола Нешкоски, директор на Здружението за заштита и унапредување на животната средина Еко Логик – Скопје

Садудин Садики, директор на ЈУ Центар за образование на возрасните – СкопјеСо Меморандумот, страните се обврзуваат на соработка врз основа на взаемна доверба, разбирање и заедничка визија, и ќе работат заедно во рамките на утврдени начела и постапки, со фокус на градење поодржлива, еколошки свесна и образована заедница.Преку ова партнерство, ќе развиваме нови едукативни програми, активности и ресурси што ќе ги доближат темите за екологија, циркуларна економија и климатски промени до пошироката јавност – особено до возрасната популација.Благодарни сме за довербата и со нетрпение очекуваме да ги споделиме резултатите од оваа соработка!

Со огромна чест и инспирација ја затворивме интернационалната завршна конференција на проектот Good Governance and Sustainability in Sport Practice, организирана од Еко-Логик во соработка со партнери од Италија, Шпанија, Србија, Унгарија и Германија .Оваа конференција обедини повеќе од 70 учесници – спортисти, спортски менаџери, тренери, волонтери, претставници на клубови, локални спортски здруженија, федерации, како и претставници од Македонскиот олимписки комитет. Заедно, ја споделивме нашата заедничка посветеност кон одржлив развој во спортот и унапредување на доброто управување.Темите што ги дискутиравме беа клучни и актуелни – транспарентност, инклузивност, и долгорочна одржливост во спортските практики. Преку инспиративни презентации од партнерите на проектот, динамични дискусии со говорници од различни спортски профили и интерактивни работилници, се развија идеи за нови иницијативи и проекти кои ќе продолжат да го градат патот кон еден поодржлив спортски систем.Голема благодарност до сите учесници, говорници и соработници кои дадоа свој придонес во оваа успешна приказна. Вашата енергија, знаење и ентузијазам се основата врз која ќе продолжиме да градиме одржливи спортски заедници.Особена благодарност упатуваме до Факултетот за физичко образование, спорт и здравје при УКИМ, кој беше домаќин на конференцијата. Со голема почит му се заблагодаруваме на проф. д-р Влатко Неделковски, декан на факултетот, за неговата отвореност, поддршка и топло гостопримство.Овој настан уште еднаш покажа дека академската заедница има важна улога во унапредување на принципите на добро управување и одржливост во спортот. Заедно, преку меѓусекторска и меѓународна соработка, можеме да создадеме подобра иднина за спортот – иднина каде што вредностите, одговорноста и одржливоста се во срцето на секое спортско делување.