Трка на 3, 6 и 9 со пречки: Препораката е обезбедена, што понатаму?

ОдИнститут за демократија „Социетас цивилис“ Скопје 03/05/201803/05/2018

Институт за демократија „Социетас Цивилис“ – Скопје (ИДСЦС) во соработка со Фондацијата Конрад Аденауер го следи спроведувањето и исполнувањето на реформите од Планот 3-6-9. Врз основа на методологијата развиена од ИДСЦС се проценува реализацијата на активностите наведени во планот.

Во таа насока на 03 мај, 2018 година (четврток) со почеток од 10 часот во ЕУ Инфо Центарот во Скопје, беше одржана прес-конференција на која беа објавени наодите од третиот извештај од следењето на реализацијата на активностите од Планот 3-6-9 во последните три месеци како и на планот во целина.

Инфографик: Набљудување на спроведувањето на последните три месеци од Планот 3-6-9

Главен заклучок од овој извештај е дека главната цел на реформскиот План 3-6-9, добивање чиста препорака за отпочнување на пристапни преговори е постигната. Сепак, наодите од набљудувањето сугерираат дека, и покрај соодветната приоритизација на реформската агенда, делот 9 бележи делумно задоволителен статус на реализација.

Во однос на целокупниот план, она што може да се извлече како заклучокот од наодите е дека Планот 3-6-9 постигнува задоволителен степен на исполнетост на мерките кој изнесува 60%, додека 23% од активностите се немерливи. Планот задоволително (51%) ги адресира препораките од извештаите на Прибе и Итните реформски приоритети. За периодот што следи, од суштинска важност е изработката на нов реформски план во соработка со сите општествено-политички чинители, а земајќи ги предвид веќе преземените активности од планот 3-6-9 и забелешките од Извештајот на Европската комисија за Македонија.

На настанот со говори се обратија, Марко Трошановски, Јоханес Д. Реи, Зоран Нечев, Н.Е Бујар Османи и Н.Е Кристијан Тимоние и Лукаш Холуб , забележувајќи го следново:

Марко Трошановски, претседателот на ИДСЦС, истакна дека „потребно е континуирано да се повторуваат пораките до граѓаните во насока на нивно поголемо информирање и разбирање на процесот на пристапување кон ЕУ и влијание во нивните секојдневни животи“.

Јоханес Д. Реи, Директор на канцеларијата на фондацијата Конрад Аденауер за Македонија додаде дека „задоволителното исполнување на планот 3-6-9 не значи совршено исполнување, но можеме да заклучиме дека Владата соодветно ја завршила работата, што е за отпоздравување, но и за поттикнување да се остане на таа патека и да се засилат уште повеќе напорите, особено во соработката со опозицијата“.

Зоран Нечев, Проектен координатор и раководител на Центарот за европски интеграции при ИДСЦС елаборирајќи во детаљи за содржината на Извештајот истакна дека “Потребата од брзање во спроведувањето на реформи се намалува по добивањето на препорака и чекањето на исходот од Советот во Јуни. Ова добиено време може да се искористи во имплементација на суштински реформи за кои е потребно подолг временски период. Ова е важно поради фактот што постои потреба од подигнување на квалитетот на реформите преку продлабочена анализа и донесување на политики базирани на докази.”

За време на дискусијата на наодите од извештајот, Бујар Османи, Заменик на претседателот на Владата задолжен за европски прашања, истакна дека „Владата бележи речиси 90% исполнетост при што е земена предвид конзистентната методологија за мерење која се разликува од онаа на граѓанските организации“. Османи додаде дека „излегуваме од реформскиот процес обележан со итност и продолжуваме во стабилна трансформација на општеството“.

Амбасадорот на Франција во Македонија, Н.Е. Кристијан Тимоние се надоврза и потенцираше дека „политичкиот систем треба да се зајакне, политичката култура да се промени во насока на постигнување на компромиси и да не се замени со култура на заборав. Тука го лоциран проблемот зошто планот 3-6-9 не можеше да е комплетено успешен. Владата и опозицијата треба да се во своевиден сојуз, каде секој ја игра својата улога“ – додаде тој.

За крај, Лукаш Холуб, Раководител на одделот за политички, внатрешни и прашања од правосудството, информации и комуникации при Делегацијата на ЕУ, заклучи дека „препораката за отпочнување преговори е успешна приказна. Ова е поинаква земја од онаа во 2015. Фокусот е на промените на подобро и носењето на Европска Унија во земјата“ – истакна тој.

Покрај овој извештај, ИДСЦС во рамки на набљудувањето на спроведувањето на реформите од Планот 3-6-9 објави уште два извештаи кои се однесуваат на претходните два периоди од реформскиот процес.

Извештаите од набљудувањето на спроведувањето на реформите се дел од проектот “Perform on Reform” кој го спроведува ИДСЦС во соработка фондацијата Конрад Аденауер.

Институтот за демократија „Социетас цивилис“ Скопје е корисник на институционален грант од Цивика мобилитас.

ENSURE истакнат како значајна иницијатива за идната подготвеност на првите одговорни служби
24/08/202625/08/2026
ENSURE истакнат како значајна иницијатива за идната подготвеност на првите одговорни служби На 27 јуни 2026 година, Кирил Михајлов, командир на Доброволното противпожарно друштво Свети Николе, учествуваше на панел-дискусија во Скопје посветена на противпожарната заштита и подготвеноста за вонредни состојби. Во рамки на дискусијата беа разгледани дел од клучните предизвици со кои се соочуваат противпожарните…
Реални искуства од шумските пожари во функција на подобра подготвеност преку ENSURE
24/08/202625/08/2026
Реални искуства од шумските пожари во функција на подобра подготвеност преку ENSURE Доброволното противпожарно друштво Свети Николе продолжува да придонесува кон целите на проектот ENSURE преку своето директно учество во сложени интервенции на шумски пожари во Северна Македонија. За време на големиот пожар во Општина Македонски Брод, тимот на ДПД Свети Николе беше ангажиран како…
Заедно учиме англиски – нова активност во нашата организација
24/08/202625/08/2026
Започнуваме со изучување на англискиот јазик! Првиот час помина во пријатна атмосфера, со учење на нови зборови и изрази, разговор и многу позитивна енергија. Преку овие часови создаваме можности за учење, стекнување нови знаења и развивање нови вештини. The post Заедно учиме англиски – нова активност во нашата организација appeared…
Школа за водачи Голозинци 2026 во организација на СИМ
21/08/202624/08/2026
Во периодот од 13.08 до 19.08.2026 година, во Извидничкиот центар “Голозинци“, се одржа првиот дел од Школата за Водачи ’26. На школата учествуваа членови од повеќе извиднички одреди: ИПО “Јадран’’ , ИПО “Крсте Јон’’ , Прв Скопски Извиднички Одред, ИО ,“Гоце Делчев“ , ИО “Методиј Митевски-Брицо“ ИО “Мирко Милевски“ ,…
Менторска и коучинг поддршка за корисниците на 𝑩𝒖𝒔𝒊𝒏𝒆𝒔𝒔 𝑯𝒖𝒃
20/08/202624/08/2026
Во рамки на проектот „Заедно сме посилни 2“, кој го имплементираме со поддршка од Фондација Kvinna Till Kvinna, се реализираа активности за обезбедување менторска и коучинг поддршка за корисниците на Business Hub. Менторската и коучинг поддршка претставува индивидуализиран процес преку кој корисниците добиваат насоки, совети и практична поддршка во согласност…
YMLP 2026 – лидерство, самодоверба и незаборавни искуства
19/08/202620/08/2026
Последни новости YMLP 2026 – лидерство, самодоверба и незаборавни искуства Од 8 до 11 јули 2026 година, група средношколци од различни градови низ Македонија се собраа во Битола на кампот YMLP 2026 (Young Men’s Leadership Project) – лидерско и авантуристичко искуство организирано од ИМКА Македонија во партнерство со волонтерите на Мировниот корпус, алумни и локални волонтери. Иако со помал број учесници, YMLP Кампот овозможи секој млад човек да добие индивидуално внимание, да изгради искрени пријателства и да се предизвика себеси преку активности насочени кон развој на лидерски способности, самодоверба и личен раст. Во текот на четирите дена, учесниците работеа на теми поврзани со столбовите на ИМКА – личен развој, лидерство, заштита на животната средина, граѓанска одговорност и кариерен развој. Преку интерактивни работилници, тимски предизвици и практично учење, тие ги препознаваа своите силни страни, ги развиваа комуникациските вештини, учеа да решаваат проблеми во тим и размислуваа како можат позитивно да придонесат во своите училишта и локални заедници. Едукативниот дел беше надополнет со бројни рекреативни и активности на отворено. Учесниците уживаа во куглање, флег-фудбал, олимписки игри, водени предизвици и креативни активности кои поттикнуваа тимска работа и здрав натпреварувачки дух. Еден од најнезаборавните моменти беше кампувањето во Националниот парк Пелистер. Момчињата ноќеваа во шатори, се дружеа околу логорски оган со традиционалните s’mores, го поминаа адреналинскиот парк, пешачеа низ шумските патеки и заеднички решаваа симулација на авионска несреќа, активност која ги стави на тест нивните комуникациски вештини, лидерски способности и носење одлуки под притисок. За самите учесници, најголемата вредност на кампот беа пријателствата и чувството на заедништво. Еден учесник сподели: Спортските активности, огромната количина смеа меѓу нас и запознавањето нови луѓе. Друг учесник го сумираше своето искуство: Активностите беа одлични, луѓето, персоналот – сè беше одлично. Други како највпечатлив дел го издвоија престојот во природа: Кампувањето во шатори, s’mores и стекнувањето нови пријателства. Кампот на Пелистер. Влијанието на YMLP кампот продолжи и по враќањето дома, а родителите забележаа значајни позитивни промени кај своите синови. Еден родител сподели особено емотивно искуство: Мојот син не сака многу да зборува. Најчесто одговара само со ‘да’ или ‘не’ и ретко раскажува што му се случувало во текот на денот. Откако се врати од кампот, стана многу поотворен. Почна да зборува за своите планови, да бара совет и помош, а покажа и поголем интерес за локални прашања како загадувањето, отпадот, планинарските и велосипедските патеки. Почна да ми раскажува како му поминал денот и што правел со пријателите. За мене како родител, тоа е огромна позитивна промена. И други родители забележаа охрабрувачки промени: Подобрени комуникациски вештини. Порасположен, посамоуверен и полн со позитивни впечатоци. YMLP кампот е многу повеќе од четиридневно летно искуство – тој претставува почеток на подолг лидерски пат. Следната година, учесниците ќе имаат можност да аплицираат за програмата Counselors-in-Training (CiT). Оваа програма е дел од целогодишната Leaders-in-Training (LIT) програма на ИМКА Македонија, преку која младите стекнуваат лидерски, менторски, комуникациски и волонтерски вештини, подготвувајќи се да станат идни советници на камповите и лидери во своите заедници. Преку кампот YMLP, ИМКА Македонија продолжува да инвестира во младите, помагајќи им да изградат самодоверба, цврст карактер и практични лидерски вештини што ќе им овозможат позитивно да придонесуваат во своите семејства, училишта и локални заедници.