Синдикалната борба на новинарите се исплаќа

ОдСамостоен синдикат на новинари и медиумски работници ССНМ

Вкупно 22 новинари го тужеле својот медиум, бидејќи незаконски биле избркани од работа или им се должеле плати, но она што е поважно, од тие судски постапки дури 15 завршиле во полза на новинарите.

За три случаи сè уште се чека одлука, а само четири се правосилно завршени на штета на работниците, иако за три од нив, поведена е постапка за ревизија пред Врховниот суд.

Адвокатот Наталија Миленкова веќе шеста година го застапува Самостојниот синдикат на новинарите и на медиумските работници (ССНМ) при работните спорови на синдикалните членови и таа вели дека во тој период до неа се обратиле десетици новинари, од кои, 22 решиле правдата да ја бараат на суд.

По најновите случувања околу штрајкот на новинарите и затворањето на издавачката куќа „Медиа принт Македонија“ таа бројка може да достигне и повеќе од 100 предмети.

Антоновски ја доби „Сител“ телевизија

Класичен победник во еден ваков работен спор е познатиот телевизиски новинар и некогашен уредник на „Сител“ и на „А1 телевизија“, Драган Антоновски. Раководството на „Сител“ пред неколку години во 2014 го отпушти, без да го почитува законот, а како што вели тој, го избркале само зашто не прифатил да уредува вести со пропаганда и со „фејк-вести“ во одбрана на ликот и на делото на експремиерот Никола Груевски и на неговата Влада.

Дополнително, во тој период кога Антоновски беше принуден да замине од телевизија тој беше заменик претседател на ССНМ.

„Немав никакви дилеми дека ќе ги добијам на суд, според онаа старата: Пред вистината и боговите молчат. Победата над таа неправда, професионална, политичка и синдикална, беше овозможена само поради заштитата од Синдикатот. По изречената пресудата на Апелациониот суд, „Сител“ беше задолжен да ме врати на работа да ги исплатат сите судски трошоци и сите заостанати плати и придонеси за период од три години“, вели Антоновски кој веднаш откако бил исплатен и официјално си заминал од „Сител“.

Слична е приказната и на поранешниот новинар на „Вест“ Милутин Станковиќ кој во 2012 година незаконски беше избркан од медиумската куќа „Медиа принт Македонија“ меѓутоа со правната помош од ССНМ судот одлучи дека тој треба да се врати на работа и тоа на место соодветно на неговото образование и дека медиумот треба да му ги исплати платите и да му ги надомести трошоците за постапката.

Една од првите победи на ССНМ во судница е случајот со новинарите кои не беа исплатени од телевизија „Пинк 15“, која кратко работеше во првата половина од 2011 година. Седум новинари од оваа куќа го добија случајот против медиумот, кој го покрена поради неисплатени плати и придонеси.

„За нас секој предмет кој што пристигнува за работење е ист и на секој предмет му приоѓаме со иста сериозност. Точно е дека во судницата препознаваме одредени новинари, но тоа не значи дека судот покажува одредени склоности или анимозитети кон новинарите. За нас е битно да ја утврдиме евентуалната повреда согласно Законот за работни односи и да изречеме одлука“, велат од Основниот суд Скопје 2-Скопје.

Не е сѐ така розево

„Иако процентот на добиени предмети е голем и влева надеж, сепак, во пракса, станува сè потешко да се заштитат работничките права“, децидна е адвокатката на ССНМ, Миленкова.

Во овој период неколкупати беше изменет Законот за работни односи и Законот за вработување и осигурување во случај на невработеност, но и други регулативи со кои се кратеа работничките права, се зголемија судските трошоци што дополнително ги демотивира новинарите правдата да ја побараат на суд.

„Судството стануваше сè поселективно и зависно од центрите на моќ. Во ваква ситуација дел од новинарите не се осмелуваа да тужат, бидејќи знаеја оти медиумот во кој работат е поврзан со одреден центар на моќ. Таков е примерот со оние три предмети на откази во МПМ што ги изгубивме на суд. Иако Државниот трудов инспекторат нареди да се поништат одлуките за отказ како незаконити и дури парично го казни работодавецот, во судската постапка, под притисок, на медиумот беа донесени пресуди со кои беа одбиени тужбените барања“, раскажува Миленкова.

Поранешниот втор човек на ССНМ, Драган Антоновски вели дека што е суштина на синдикалната борба е дека газдите, работодавачите и власта и Синдикатот секогаш мора да се на спротивни страни.

„Единствено што може да ги спојува е масата за преговори. Само така може да се зборува за успешен синдикализам и вистинска синдикална борба. Сопствениците на име на избегнување на давачките, на загарантираните придонеси или заработеното ќе се трудат да изнајдат нешто што ќе им донесе поголем профит и секогаш нема да платат, доколку не мораат. Во македонски контекст, како надградено и проширено, секогаш ќе ја изберат власта и политичарите ако треба да бираат меѓу работникот, новинарот и политичарот“, предупредува Антоновски.

Ниту Синдикатот, ниту неговиот правен застапник, па дури и судот немаат дилеми во однос на тоа дека бројот на успешни пресуди ќе биде уште поголем, дотолку повеќе што масовното отпуштање на десетици новинари, вработени во системот „МПМ“ може да резултира со нови одлуки кои ќе бидат во полза на вработените од весниците и порталите.

Она што освен независноста и реформите на судството се појавува како приоритет е и намалувањето на судските такси кои со последните одлуки енормно се зголемени, па правдата станува привилегија само на богатите.

„Оваа анализа  е изработена со финансиска поддршка на Европската Унија. Содржината на анализа  е единствена одговорност на Самостојниот синдикат на новинари и медиумски работници  и на авторите и на никаков начин не може да се смета дека ги одразува гледиштата на Европската Унија“.

The post Синдикалната борба на новинарите се исплаќа appeared first on ССНМ.

Продолжи со читање

  • Учество на осмата меѓународна регата Сава Наутик во Брчко – БиХ

    Претставникот на извидничкиот одред “Димитар Влахов“ од Велес, Владимир Ивановски Вуцо и од Вардарска регата “Гемиџии“ Владимир Стојанов и Томе Шескокалов во периодот од 28-30.8.2026 год. на покана на здружението ИКС центар (X centar) од Брчко Дистрихт – БиХ земаа учество на осмата меѓународна туристичка рега “Сава наутик“. На оваа…

  • Погледнете го нашето ново промотивно видео и откријте како органскиот отпад може да стане вредна суровина!

    Преку силен фокус на циркуларната економија и еколошката едукација, сакаме да ги поттикнеме граѓаните на итна акција за правилно сортирање на отпадот — клуч чекор кон здрава животна средина и ублажување на климатските промени. Главни ѕвезди во видеото се наставниците и учениците од основните училишта каде што ги одржавме нашите едукативни работилници. Тие јасно порачуваат: со менување на секојдневните навики и активен граѓански ангажман, секој од нас има моќ да донесе позитивни промени во општеството!
    Ова видео е дел од промотивнтаа дигитална кампања со едукативно-информативни содржини за придобивките и начините за искористувањето на потенцијалот на органскиот отпад.
    Оваа видео е подготвено во рамките на проектот „Граѓански активизам за остварување на циркуларна економија во управувањето со органски отпад“, спроведуван од Resource Environmental Center – REC North Macedonia Центарот за ресурси во животна средина (РЕЦ) – Северна Македонија, Eco – Logic и Center for Environmental Democracy – Florozon Флорозон – Центар за еколошка демократија, со поддршка од Владата на Швајцарија и Embassy of Switzerland in North Macedonia преку програмата Цивика мобилитас #CivicaMobilitas.
     
    Содржината на оваа видео е единствена одговорност на партнерите во проектот и на ниту еден начин не може да се смета дека ги одразува гледиштата на Владата на Швајцарија #CHinMK, Цивика мобилитас #CivicaMobilitas, или организациите што ја спроведуваат.

  • Европски младински камп во Михелштат: Заедно растеме и создаваме лидери

    Програми Европски младински камп во Михелштат: Заедно растеме и создаваме лидери Кампот Михелштат во Германија беше домаќин на Европскиот младински камп, кој собра 135 учесници од 15 земји. По долго патување, а за некои и пристигнување во Михелштат низ серија на предизвикувачки услови, младите и нивните лидери се обединија околу заедничката тема: “Growing together – rooted in values – rising as leaders“, односно „Растеме заедно – вкоренети во вредностите – се издигнуваме како лидери“. Кампот понуди динамична програма исполнета со различни курсеви, интерактивни работилници и можности за размена на знаења и искуства. Курсевите беа задолжителниот дел и опфаќаа повеќе теми поврзани со менталното здравје, лидерството, активности на отворено поврзани со изградба на куќарки на дрва, обработка на темата “Do no harm” како методологија против било каков вид на насилство, односи со јавност, техники за раскажување приказни, театарски пристап во работата со млади и дигитално образование. Младите учесници и младинските работници активно придонесуваа со сопствените идеи, практики и перспективи, создавајќи простор во кој сите можеа да учат едни од други. Во фокусот беше заедничкото учење за иднината на младинската работа, како и развивањето лидерски способности засновани на вредности, соработка и меѓународно разбирање. Покрај едукативниот дел, програмата беше збогатена со многу креативни и забавни активности. Учесниците имаа можност да бидат дел од интернационален музички бенд, да создаваат уметност низ различни работилници за рачни изработки, цртање и сликање, работилници за дизајнирање восочни свеќи како и склопување и дизајнирање на куќарки за мали птици, да учествуваат во работилници за пеење (ten sing), да посетуваат сесии за релаксација и да учествуваат во спортски активности на терените на кампот во Михелштат. Дури и високите температури не ги спречија учесниците да учествуваат на сите овие настани, но и да уживаат во посетата на локалниот базен. За учесниците, покрај овие обврски, вклучена беше и прошетка до адреналински парк и возење на мал, планински ролеркостер, како и патување со брод по реката Мајна до блискиот град Милтенберг. Од Македонија имаше вкупно 7 претставници. Во изминатите четири години, овој камп прерасна во важно место за средба на европското ИМКА движење. Тој не претставува само меѓународен собир, туку простор каде што младите градат пријателства, споделуваат искуства и се инспирираат стекнатото знаење да го пренесат во своите земји и локални организации. Овој камп служи за сплотување на младинските работници низ камповите во Европа и е особено значаен за нашата земја од аспект на тоа што нуди споделување на искуства поврзани со камп културата која што ИМКА во Битола и во Македонија неуморно се труди да ја издигне на едно повисоко и препознатливо ниво за сите наши локални учесници, волонтери и поширока публика. * Пред да дојдам на кампот во Михелштат немав некои преголеми очекувања. Се надевав дека ќе запознаам нови луѓе, ќе стекнам пријатели и ќе разменам мислења со млади од различни земји. На крајот, сето тоа се исполни, па дури и ги надмина моите очекувања. Најинтересен и највпечатлив дел за мене беше курсот за лидерски вештини. Таму научив многу корисни работи за комуникацијата, тимската работа и начинот на кој еден лидер може позитивно да влијае на другите. Сигурно ќе ги применам овие знаења и во мојата заедница. За време на кампот стекнав поголема самодоверба во споделувањето на моите мислења и научив како подобро да ги разбирам и почитувам луѓето околу мене. Ова искуство ми помогна да пораснам како личност и да станам поотворен кон нови идеи и перспективи. Дефинитивно би го препорачал Михелштат кампот на секој млад човек кој сака да стекне нови искуства, да создаде меѓународни пријателства и да научи нешто корисно и вредно за својата иднина. Никола Гелов Кога првпат слушнав за кампот во Михелштат, сè ми дојде многу неочекувано. Бев пресреќна кога дознав дека и моите другарки добија можност да учествуваат, бидејќи знаев дека заедно ќе доживееме едно незаборавно искуство. Секој ден на кампот ми беше интересен на свој начин. Имав можност да научам многу нови работи и да запознаам луѓе од различни средини. Особено ми се допадна курсот по пеење. Таму научив дека не треба да се плашиме да пробаме нешто ново. Ако никогаш не се обидеме, нема да знаеме што можеме да постигнеме. Секој човек има свој талент и свој начин на изразување, а токму тоа нè прави посебни. Едно од највозбудливите искуства за мене беше активноста во Tree House. Искрено, пред да дојдам на кампот мислев дека тоа не е нешто што би го направила во мојот град. Но, овде решив да излезам од мојата зона на удобност и да пробам нешто ново. На крајот, многу се забавував и бев горда на себе што се осмелив да учествувам. Од курсот по пеење научив и една важна животна лекција: дека не треба да ги осудуваме другите. Секој може да направи нешто на свој начин и тоа не го прави помалку вреден. Наместо да критикуваме, треба да ги прифатиме и почитуваме разликите меѓу луѓето. Кампот ме научи да се дружам со сите, да бидам поотворена и да не донесувам брзи заклучоци за другите. Сфатив дека секој човек има своја приказна и дека сите заслужуваат почит, разбирање и поддршка. Најважната порака што ќе ја понесам со себе е дека треба да бидеме храбри и да не се плашиме од нови предизвици. Нема глупави прашања и нема неуспеси кога учиме нешто ново. Секое искуство е можност да пораснеме и да станеме подобра верзија од себе. Дефинитивно би им го препорачала Михелштат кампот на сите млади кои имаат можност да учествуваат. Пријателствата, чувството дека сте дел од едно големо семејство, новите искуства и сè што се учи таму се нешта што тешко можат да се доживеат на друго место. Тоа е искуство кое засекогаш останува во сеќавање. Јована Кирјаковска   Бидејќи и претходно имав учествувано на два меѓународни кампа надвор од Македонија, дојдов во Михелштат со високи очекувања и чувство на возбуда. Од моите претходни искуства знаев дека ме очекува нешто посебно, а кампот ги надмина сите мои очекувања. Она што најмногу ми се допадна беше разновидноста на курсевите и работилниците. Тие создадоа можност сите учесници да се запознаат подобро, да се дружат и да учат едни од други.

  • ENSURE истакнат како значајна иницијатива за идната подготвеност на првите одговорни служби

    ENSURE истакнат како значајна иницијатива за идната подготвеност на првите одговорни служби На 27 јуни 2026 година, Кирил Михајлов, командир на Доброволното противпожарно друштво Свети Николе, учествуваше на панел-дискусија во Скопје посветена на противпожарната заштита и подготвеноста за вонредни состојби. Во рамки на дискусијата беа разгледани дел од клучните предизвици со кои се соочуваат противпожарните…

  • Реални искуства од шумските пожари во функција на подобра подготвеност преку ENSURE

    Реални искуства од шумските пожари во функција на подобра подготвеност преку ENSURE Доброволното противпожарно друштво Свети Николе продолжува да придонесува кон целите на проектот ENSURE преку своето директно учество во сложени интервенции на шумски пожари во Северна Македонија. За време на големиот пожар во Општина Македонски Брод, тимот на ДПД Свети Николе беше ангажиран како…

Адресар на граѓански организации

Ресурси од граѓански организации

Магазин „Граѓаните за промена“

Вести од граѓански организации

Граѓански стории

Граѓански импулс

Civica Mobilitas Community

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор