![[Aggregator] Downloaded image for imported item #51792](https://civicamobilitas.mk/wp-content/uploads/2026/10/WhatsApp-Image-2026-10-09-at-23.51.48-2-1.jpg)
„Натура“ и „Гоу Грин“ потпишаа Меморандум за соработка за заштита на животната средина и младински активизам
Здружението на еколозите „Натура“ – Струга и организацијата „Гоу Грин“ – Скопје потпишаа Меморандум за соработка со цел зајакнување на соработката во областа на заштитата на животната средина, младинскиот активизам и промовирањето на одржливиот развој.
Со овој меморандум, двете организации ја потврдуваат својата подготвеност за заедничко планирање и реализација на активности кои ќе придонесат за заштита на животната средина, ќе го поттикнат учеството на младите во еколошки и развојни иницијативи и ќе промовираат отворена и транспарентна комуникација со заедницата.
Важен дел од соработката ќе биде и поддршката на зелените политики и развојот на иновативни решенија на локално ниво, со цел да се придонесе кон создавање почиста животна средина и поодржлива иднина.
Соработката меѓу „Натура“ и „Гоу Грин“ ќе се темели на заемна почит, координација и заедничка визија за подобрување на квалитетот на животната средина и зголемување на граѓанскиот ангажман.
Двете организации веруваат дека соработката и активното вклучување на младите и граѓаните се од суштинско значење за унапредување на еколошките иницијативи и градење поодговорно општество кон животната средина.
Заедничка соработка за почиста животна средина и позелена иднина!
Оваа вест изворно е објавена на веб-страната на Здружение на еколози „Натура“
![[Aggregator] Downloaded image for imported item #51802](https://civicamobilitas.mk/wp-content/uploads/2026/10/833391982_1549313630568327_4883324506807248100_n-768x1024.jpg)
![[Aggregator] Downloaded image for imported item #51798](https://civicamobilitas.mk/wp-content/uploads/2026/10/11oktomvri_bubeidrugi-1024x461-1-768x346.jpg)
