[Aggregator] Downloaded image for imported item #47137

Во спомен на Данило Митов (1960 – 2026)

ОдМакедонски центар за меѓународна соработка

Со длабока тага се простуваме од нашиот драг колега, Данило Митов (Дачо), кој долги години беше значаен дел од нашата организација и остави силен белег со својата работа и личност.

Дачо му се придружи на Македонскиот центар за меѓународна соработка (МЦМС) во турбулентната 1999 година како дел од тимот за „Итни операции“. Заедно со колегите, работеа на справување со последиците од косовската бегалската криза. Неговата прва задача беа пакетите со хуманитарна помош за бегалците. Иако низ извештаите ќе ги сретнеме како број на пакети и тони храна и хигиенски производи, тој најчесто ги презентираше во километри – „поделивме 270 км пакети“, велеше, „или од тука (Скопје) до Солун“. Потоа продолжи да работи и на активностите поврзани со конфликтот во Македонија, на поддршка на раселените лица.

Колегите кои подоцна му се придружија на МЦМС го запознаа Дачо како домаќин на организацијата, како поддршка во секоја програма и на секој од проектните соработници. Беше секогаш подготвен да помогне, да сподели искуство, да даде совет. Без него не почнуваа подготовките за ниту еден настан. Мораше се да биде добро испланирано, да бидат обезбедени сите неопходни работи однапред и да се почне не навреме, туку предвреме. Ќе го памтиме како строг, но правичен колега. Кога ќе се подналутеше знаеше да каже „еден стап некастрен да имам“, а кога ќе не потскараше обично завршуваше со „не биди шупелка“!

Ќе го памтиме и неизмерно ќе ни недостасува неговиот ведар дух и позитивна енергија што ја носеше со себе. За време на нашите спонтани дружби знаеше да рече „ете тоа му треба на човек, да се собереме, да се насмееме и да се развеселиме. Има ли поубаво?“

Не, нема поубаво.

Ние од неговото „второ семејство“, како што не нарекуваше сите кои некогаш сме биле дел од МЦМС, длабоко го чувствуваме неговото отсуство. Нашата утеха се спомените за него кои ќе останат трајно со нас.

Почивај во мир мил наш Дачо.

Тимот на МЦМС

Оваа вест изворно е објавена на веб-страната на Македонски центар за меѓународна соработка

Продолжи со читање

  • Советот за соработка меѓу Владата и граѓанското општество на средба со организациите во Куманово

    На 1 октомври 2026 година претставници на Советот за соработка меѓу Владата и граѓанското општество се сретнаа со граѓанските организации и активистите од Североисточниот регион. Средбата беше посветена на улогата, работата и соработката со Советот за соработка меѓу Владата и граѓанското општество, како значаен механизам за унапредување на дијалогот меѓу институциите и граѓанските организации.

  • OТВОРЕНО ПИСМО | Дали претседателката Сиљановска-Давкова легитимира организации поврзани со движења против правото на абортус?

    Мрежа за заштита од дискриминација испраќа отворено писмо до претседателката Гордана Сиљановска-Давкова, по повод нејзината неодамнешна средба со претставнички на здружението „Јас сум жена“. Со […]

  • Finance Think на Форумот за граѓански организации и тинк-тенкови 2026 во Приштина

    Од 5 до 7 октомври, во Приштина се одржа Civil Society & Think Tank Forum 2026, официјалната платформа на граѓанското општество во рамки на Берлинскиот процес, на кој учествуваше и Finance Think. Во текот на трите дена, низ повеќе тематски дискусии, претставниците на граѓанските организации и тинк-тенковите од Западен Балкан имаа можност да дадат свои […]
    The post Finance Think на Форумот за граѓански организации и тинк-тенкови 2026 во Приштина first appeared on Finance Think.
    The post Finance Think на Форумот за граѓански организации и тинк-тенкови 2026 во Приштина appeared first on Finance Think.

  • Граѓанското општество од Западен Балкан го даде својот придонес во пресрет на Самитот на Берлинскиот процес

    Овогодишниот Форум на граѓанското општество и тинк-тенк организации (CSF 2026) се одржа во Приштина од 5 до 7 октомври. Форумот, како официјална платформа на граѓанскиот сектор во рамките на Берлинскиот процес, уште еднаш ја потврди незаменливата улога на граѓанскиот сектор како мост меѓу граѓаните, експертската заедница и донесувачите на одлуки.

  • Одржана базична обука за прва помош во Свети Николе

    Одржана базична обука за прва помош во Свети Николе На 4 и 5 октомври 2026 година, во просториите на ООУ „Гоце Делчев“ во Свети Николе, се одржа базична обука за прва помош, организирана со поддршка на Operation Florian од Велика Британија. На обуката учество земаа членови од три доброволни противпожарни друштва: ДПД Свети Николе, ДПД…

  • ЗАКОНИТЕ МОРА ДА ГИ РЕШАВААТ ПРОБЛЕМИТЕ ЗА ЗАШТИТАТА НА ЖИВОТНАТА СРЕДИНА, А НЕ ДА ГИ КРЕИРААТ

    Вчера (7.10.2026 година) на Пленарна седница на Собранието на Република Северна Македонија, на прво читање беа разгледани предлог измени и дополнувања на Законот за животната средина. Веќе за 13.10.2026 година е закажана седница на Комисијата за транспорт, дигитална трансформација, животна средина и просторно планирање на […]
    The post ЗАКОНИТЕ МОРА ДА ГИ РЕШАВААТ ПРОБЛЕМИТЕ ЗА ЗАШТИТАТА НА ЖИВОТНАТА СРЕДИНА, А НЕ ДА ГИ КРЕИРААТ appeared first on Myla.

Адресар на граѓански организации

Ресурси од граѓански организации

Магазин „Граѓаните за промена“

Вести од граѓански организации

Граѓански стории

Граѓански импулс

Civica Mobilitas Community

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор