Превенција што дава резултати: објавени националните стандарди за превенција од употреба на дроги
ХОПС – Опции за здрав живот Скопје го објави документот „Национални стандарди за превенција од употреба на дроги“, развиен во рамките на проектот за воспоставување национален систем за превенција во средните училишта, со поддршка од Европската Унија.
Овие стандарди претставуваат сеопфатна рамка за планирање, спроведување, следење и проценка на превентивните активности на национално и локално ниво. Тие се базираат на научни докази и меѓународни насоки, со цел да се обезбеди ефикасен, етички и координиран пристап во превенцијата од употреба на психоактивни супстанции.
Документот ги дефинира клучните принципи за квалитетна превенција, вклучувајќи мултисекторска соработка, инклузивност, одржливост и почитување на човековите права. Воедно, нуди насоки за развој на програми базирани на докази, како и механизми за нивно следење и проценка, со цел да се постигнат мерливи и долгорочни резултати.
Стандардите се наменети за сите релевантни актери – институции, училишта, здравствени и социјални служби, граѓански организации и донатори – кои работат на унапредување на превенцијата и јавното здравје.
Проектот „Воспоставување на национален систем за превенција на употреба на дрога во средните училишта“ е ко-финансиран од Европската Унија преку Европскиот инструмент за демократија и човекови права (ЕИДХР).
Содржината на оваа објава е единствена одговорност на ХОПС – Опции за здрав живот и не ја одразува нужно гледната точка на Европската Унија.
The post Превенција што дава резултати: објавени националните стандарди за превенција од употреба на дроги appeared first on ХОПС.
Оваа вест изворно е објавена на веб-страната на Здружение ХОПС – Опции за здрав живот Скопје
![[Aggregator] Downloaded image for imported item #52397](https://civicamobilitas.mk/wp-content/uploads/2026/10/reg5-1024x576-1-768x432.jpg)
