Конференција „Унапредување на заштитата од дискриминација“
ХЕРА заедно со Коалицијата Сексуални и здравствени права на маргинализираните заедници, ги поканува сите заинтересирани на конференцијата: „Унапредување на заштита од дискриминација, со фокус на сексуална ориентација и родов идентитет“, која ќе се одржи на 22 март (среда), во хотелот Холидеј ин, со почеток во 10 часот.
На конференцијата ќе се одвива панел дискусија на две теми. Првата се однесува на можностите за унапредување на механизмите за спречување и заштита од дискриминација на локално и национално ниво. Во втората, пак, ќе се дискутира за искуства на локално ниво: унапредување на заштитата од дискриминација преку зајакнување на механизмите за еднакви можности и спречување на дискриминација по основа на сексуална ориентација и родов идентитет.
Конференцијата е завршен настан од проектот што го спроведоа двете организации во текот на минатата година, а го поддржа Амбасадата на Кралството Холандија.
Во текот на проектот се спроведе истражување за потребите на локалните механизми за заштита од дискриминација, по што следеа обуки и прилагодување на позитивните пракси од Холандија. Од овој процес произлезе идејата за кампања во која главен акцент е ставен на дискриминацијата и вознемирувањето од омраза засновани на род, социјален статус, како и сексуална ориентација и родов идентитет.
За повеќе детали за говорниците и темите, можете да го погледнете следниот линк.
![[Aggregator] Downloaded image for imported item #52397](https://civicamobilitas.mk/wp-content/uploads/2026/10/reg5-1024x576-1-768x432.jpg)
