0 02 05 47c376f783705f2cb1ae95bd0e7ace7278f517cf466cfd86a61fefa71d7ce6ef 2678896c8d5bef6f.jpg

Граѓанските организации се клучен фактор и партнери за промени во борбата против корупцијата

ОдМакедонски центар за меѓународна соработка

Тимот на програмата „Граѓаните против корупцијата“ денес официјално ги претстави новите граѓански организации од грантовата шема за Граѓанска вклученост на настанот насловен – „Партнерство за промени“.

Со вкупен фонд од околу 40 милиони денари, дванаесет грантисти ќе работат на проекти насочени кон зголемување на транспарентноста, отчетноста и културата на интегритет, со посебен фокус на вклучување на граѓаните во борбата против корупцијата.    Нивните проектни активности вклучуваат иновативни методи, акции и едукација на граѓаните за коруптивните пракси во повеќе области во општеството како: градежништво, животна средина, образование, здравство, локална самоуправа, правосудство, култура и сл.

5

На настанот се презентираа и достигнувањата на петте грантисти од Грантовите за брз одговор, кои од април оваа година имплементираа проекти за подигнување на свеста кај граѓаните за изборната корупција, младинското учество и креирање на алатки за поголема отчетност и транспарентност на институциите. Покрај презентациите за нивните постигнувања грантистите ги споделија нивните искуства од работата со граѓаните и нивните предизвици со кои се соочуваат во борбата со корупцијата.

4

За нивната посветеност и заложба за промени изрази поддршка и директорот на канцеларијата за демократија и добро владеење на УСАИД во Северна Македонија, г. Марк Елингстад, кој истакна дека корупцијата ја поткопува довербата во општеството, го стагнира растот и ја разорува демократијата. Тој додаде дека граѓаните и граѓанските организации се храбри и се гласноговорници на општествените проблеми дури и кога постојат препреки на патот.

3

„Ниту еден проект, ниту една програма не може сама да ја победи корупцијата. Но, заедно – граѓаните,институциите, граѓанските организации, медиумите, приватниот сектор и сите други чинители – можеме да создадеме средина во која нема да постои простор за коруптивно однесување“ додаде во нејзиното обраќање и координаторката на програмата Снежана Камиловска Трповска.

Настанот заврши со видео промоцијата за успешната приказна на неформалната група Борба за Влае која сведочи за пример, како здружени поединци со храбри иницијативи и упорност можат да придонесат кон позитивни промени во борбата против корупцијата.

This post was originally published on this site

Продолжи со читање

  • МЦМС ја започна новата антикорупциска програма

    Македонскиот центар за меѓународна соработка (МЦМС) го започна спроведувањето на програмата „Градење општество отпорно на корупција“, која ќе се реализира во периодот од 1 јануари 2026 до 30 јуни 2028 година со финансиска поддршка од Делегацијата на ЕУ во Северна Македонија.

  • Потврда на долгогодишното македонско-холандско пријателство

    Македонската развојна фондација за претпријатија (МРФП) и Македонскиот центар за меѓународна соработка (МЦМС) на 16 јануари 2026 година беа домаќини на Н.Е. Узлем Џанел (Özlem Canel), Амбасадорка на Кралството Холандија во Република Северна Македонија и Иван Илиев, советник за економија и трговија во Амбасадата.

    „Денес беше убава прилика за освежување на долгото пријателство меѓу МРФП и Амбасадата на Кралството Холандија“, истакна Лазар Неданоски, извршен директор на МРФП.На средбата, која помина во пријатна и отворена атмосфера, директорот на МЦМС, Александар Кржаловски, потсети на почетоците на соработката со Холандија и на клучните поединци кои придонеле за развојот на организацијата. МЦМС како организација е основана во 1993 година, како потфат на домашни иницијативи поддржани од Холандската меѓуцрковна помош (ХМП) и агенциите на Светскиот совет на црквите (ССЦ). Пет години подоцна, во 1998 година, МЦМС ја основаше Македонската развојна фондација за претпријатија (МРФП), фокусирана на развој на малите претпријатија, преку пристап до финансиски услуги и промоција на претприемништво.

    Директорот на МРФП, Неданоски, даде хронолошки приказ на развојот на Фондацијата, нагласувајќи дека поддршката од Кралството Холандија била од клучно значење во првите години од нејзиното работење. Според него, таа поддршка не била важна само од финансиски аспект, туку имала значително влијание и врз организацискиот развој на МРФП, како и врз пошироката заедница мултиплицирајќи го ефектот во развојот на институциите, организациите и нивните лидери.
    Амбасадорката Џанел изрази задоволство што поддршката од Кралството Холандија резултирала со одржливи организации кои успешно работат и го пренесуваат своето искуство на други организации и институции. На средбата беше разговарано и за можностите за идна соработка.
     

  • Презентиран Индексот на политички интегритет

    На 27 ноември 2025 година во Клубот на пратеници се одржа презентацијата на првиот Индекс за политички интегритет (ИПИ) во земјата – инструмент создаден да ја измери, поттикне и промовира културата на интегритет во политичкиот и јавниот живот. Настанот беше проследен од голем број претставници на институции, медиуми, граѓански организации. Во своето…

  • Bure-Cycle: Од отпад до иновативен велосипедски паркинг

    Во светот каде ресурсите се ограничени, а отпадот се зголемува, секоја мала идеја за реупотреба има големо значење. Еко Логик со својот проект Bure-Cycle го покажува токму тоа – како старите метални буриња можат да добијат нов живот и да станат функционални, визуелно привлечни и одржливи велосипедски паркинзи за јавни простори. Иницијативата се роди од […]

  • Младите уметници го освојуваат јавниот простор: PATS – Уметност за активизам и општествени промени

    Европскиот проект „Младите уметници го освојуваат јавниот простор – PATS“ (Performance Artists Take The Streets – PATS) официјално започнува со јасна и силна мисија: да им овозможи на младите уметници нови простори, алатки и можности за креативно изразување и општествен ангажман. Уметноста како глас на промената PATS е проект финансиран преку Erasmus+ програмата на Европската […]

  • Високите цени ја истиснаа корупцијата од првото место, но таа и понатаму е меѓу најголемите општествени предизвици

    За разлика од 2021 и 2023 година, кога корупцијата беше препознаена како најголем општествен проблем, во 2025 година граѓаните на прво место ги издвојуваат високите цени (46,6%), додека корупцијата е веднаш зад нив (40,1%). Ова укажува дека инфлацијата, растечките трошоци за живот и намалената куповна моќ ја зголемуваат економската несигурност, но и дека корупцијата останува еден од клучните општествени предизвици.

Адресар на граѓански организации

Ресурси од граѓански организации

Магазин „Граѓаните за промена“

Вести од граѓански организации

Граѓански стории

Граѓански импулс

Civica Mobilitas Community

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор