IMG 20230331

Јавна дискусијана тема: „Катна гаража – нова можност за Охрид”

ОдМЦМС

Претставници на локалната самоуправа, граѓанскиот сектор, политичките партии, политичките подмладоци, експерти, архитекти и сите заинтересирани граѓани на 31 март 2023 година во салата на општина Охрид дискутираа на тема „Катна гаража – нова можност за Охрид“. Дебатата што ја организира здружението за мултикултурна интеграција „Инклузија“ ја анимираше охридската јавност за едно од најекспонираните локални прашања изминатиов период. Таа им овозможи на заинтересираните подобар увид во актуелните случувања поврзани со ова прашање. Дискусијата ги опфати и постапките за овој проект, документацијата, локацијата, исплатливоста и досегашните активности.

Вкупно 45 учесници имаа можност да ја проследат и презентацијата на урбанистичката анализа на физибилити студијата за катната гаража (SWOT анализа), да ја видат макетата на објектот подготвена од  „Колектив“ АРХИД и да слушнат за компаративната анализа која вклучува и други катни гаражи во земјава и регионот.

Според Љупчо Танески од Секторот за комунален развој на општина Охрид, изградбата на катна гаража ќе го намали притисокот врз сите видови сообраќај што е особено важно во летните месеци кога градот е полн со туристи. Во поглед на локацијата, тој смета дека е важно да се води сметка за два аспекти: пристап до поголема и попрометна сообраќајница, во случајот тоа е улицата „Туристичка“ и централно градско подрачје.

IMG_20230331_231246

За катната гаража и предизвиците за културното наследство на Охрид, зборуваше Горан Патчев, од Националната установа (НУ) Завод и музеј – Охрид. Тој истакна дека институцијата извршила стручна контрола и дала позитивно мислење за проектот. Заради изградбата на катната гаража ќе треба да се донесат и соодветни одлуки за посебен режим на сообраќајот во старото градско јадро. „Решавањето на сообраќајното прашање во старото градско јадро беше една од забелешките на УНЕСКО и ова е чекор за позитивно решавање на тој проблем. Треба да се направи баланс помеѓу развојот и заштитата. Ние како институција одиме во тој правец“, рече Патчев.

Според Никола Ѓоршоски, координатор на проектот, здружението е мост помеѓу општината и граѓанското општество. „Целта е граѓаните да добијат порелевантни и потранспарентни податоци за она што го прави локалната самоуправа со изградбата на катната гаража. Покрај тоа, тие треба да имаат точни и стручни информации од  експертите“ – вели тој.

Мобилизаторот на заедницата Елена Ристеска ја потенцираше потребата од подобро запознавање на охридската јавност со едно од најекспонираните локални прашања и ветување од предизборието. „Преку пренесувањето на најважните поенти од дебатата ќе се продлабочи и зацврсти релацијата помеѓу граѓаните и локалната самоуправа, што пак би резултирало со потранспарентна и поотчетна локална власт, како предуслов за добро владеење и демократски развој“, вели Ристеска.

Со изградбата на катна гаража во Охрид ќе се решат долгогодишните проблеми предизвикани од сообраќајниот метеж, ќе се подобри квалитетот на живот на охриѓани, а ќе се подобри и туристичката понуда.

Одржувањето на јавната дебата беше овозможено со проектот  „Поддршка на изборните реформи во Северна Македонија“ на Владата на Швајцарија кој го спроведува Меѓународната фондација за изборни системи (ИФЕС), а грантовите ги администрира Македонскиот центар за меѓународна соработка (МЦМС).

IMG_20230331_231236

Продолжи со читање

  • Елаборат за четириесетите – XL Средби на извидници Велес 2026

    Почитувани извидници, извидничкиот одред “Димитар Влахов” од Велес одбележувајќи ја седмата деценија на постоење на извидништвото во Велес и Денот на Државноста на Македонија, Ве поканува на традиционалните XL Средби на извидници 2026. Во периодот од 1975 до 2026 година, успевaме да организираме четириесет Средби на извидници од кои последните…

  • Ново регионално партнерство: Здружението започнува проект поддржан од Western Balkans Fund и Европската Унија

     Со голема чест и задоволство споделуваме дека Здружение на лица со церебрална парализа и други попречености е добитник на грант од Фондот за Западен Балкан (Western Balkans Fund), кофинансиран од Европската Унија! На 24 и 25 јуни 2026 година во Тирана, Албанија, присуствувавме на дводневната партнерска работилница и свечената церемонија…

  • Успешно реализирана XXVI Вардарска регата “Гемиџии 2026“

    Иако регатата се одвива по 26-ти пат, ова е трета година во која пловидбата заврши во Солун, идентично како онаа на велешките трговци во минатото. Чамците растоварени, пловењето успешно завршено, се сумираат впечатоците од Вардарска регата „Гемиџии“ која по 26-ти пат ја оживеа традицијата и патшествието на велешките трговци во…

  • Од отпад до производ: Како био-отпадот станува дел од нашето секојдневие

    Био-отпадот претставува органски отпад кој потекнува од домаќинствата, пазарите, градините и прехранбената индустрија. Во оваа категорија спаѓаат остатоци од овошје и зеленчук, талог од кафе, лушпи од јајца, лисја и трева.
    Иако најчесто се третира како отпад, био-отпадот претставува вреден ресурс. Во контекст на циркуларната економија, тој се користи како суровина за создавање нови материјали, енергија и производи што повторно се враќаат во економскиот циклус.

    https://unsplash.com/photos/person-holding-eco-not-ego-signage-_kB9NKpErH4
    Во традиционалниот модел, био-отпадот најчесто завршува на депонии, каде што при разградување без кислород се создава метан – силен стакленички гас кој придонесува за климатските промени. Во циркуларниот пристап, истиот отпад се третира како ресурс и се трансформира во компост, биоматеријали, природни ѓубрива и иновативни производи. На овој начин се намалува количината на отпад, се намалуваат емисиите и се поттикнува развој на зелени технологии и локални бизниси.
    Овој пристап е тесно поврзан со пораката „Eco, not ego“, која потсетува дека одржливите избори ја ставаат еколошката одговорност пред краткорочната индивидуална удобност. Со тоа, био-отпадот се гледа не како проблем, туку како почеток на нов циклус на вредност, обновување и одржлив развој.

    Примери на продукти изработени од био-отпад

    Биопластика и дизајн-предмети од талог од кафе – Coffeefrom (Италија): Италијанскиот стартап Coffeefrom го претвора искористениот талог од кафе во биопластика и композитни материјали кои се користат за дизајнерски производи, пакување и индустриска примена, покажувајќи дека дури и секојдневниот отпад може да добие нова вредност.

    (Извор: EU-Startups, август 2025 – eu-startups.com | Renewable Matter – renewablematter.eu)

    Биоразградливо пакување од мицелиум и земјоделски отпад – Grown.bio (Холандија): Компанијата Grown.bio користи мицелиум и земјоделски отпад за производство на целосно биоразградливи пакувања и изолациски материјали кои нудат одржлива алтернатива на пластиката и стиропорот.

    (Извор: European Circular Economy Stakeholder Platform – circulareconomy.europa.eu | Saladplate, октомври 2025 – saladplate.com)

    Еко-кожа од манго отпад – Fruitleather Rotterdam (Холандија): Fruitleather Rotterdam го рециклира отпадот од манго што не ги исполнува пазарните стандарди и го претвора во издржлив вегански материјал кој се користи за изработка на чанти, паричници и други модни производи.

    (Извор: Plant Based News, мај 2025 – plantbasednews.org | Nature Biotechnology, 2025 – nature.com)

    Фото:https://unsplash.com/photos/a-pile-of-garbage-sitting-on-top-of-a-grass-covered-field-pprCuLQopHw
    Овие примери покажуваат дека отпадот не мора да биде проблем кој треба да се отстрани. Со соодветна креативност, технологија и визија, тој може да стане вреден ресурс кој создава нови производи, нови работни места и помало влијание врз природата.
    Циркуларната економија нè учи дека секој материјал има потенцијал за нов живот. Наместо да гледаме на био-отпадот како нешто без вредност, можеме да го препознаеме како можност за иновации и одржлив развој. Токму во оваа промена на перспективата лежи клучот кон поодржлива иднина.
     
    Оваа статија е подготвена во рамките на проектот „Граѓански активизам за остварување на циркуларна економија во управувањето со органски отпад“, спроведуван од Центарот за ресурси во животна средина (РЕЦ) – Северна Македонија, Еко Логик и Флорозон – Центар за еколошка демократија, со поддршка од Владата на Швајцарија преку Цивика мобилитас.
    Содржината на оваа статија е единствена одговорност на Центар за ресурси во животна средина (РЕЦ) – Северна Македонија, Еко Логик и Флорозон – Центар за еколошка демократија и на ниту еден начин не може да се смета дека ги одразува гледиштата на Владата на Швајцарија, Цивика мобилитас или организациите што ја спроведуваат.
    Автори: Јасмина Петровска, Еко Логик и Ана Серафимова, Еко Логик

Адресар на граѓански организации

Ресурси од граѓански организации

Магазин „Граѓаните за промена“

Вести од граѓански организации

Граѓански стории

Граѓански импулс

Civica Mobilitas Community

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор