цивил

Изборен рапорт (3): Борба на живот и смрт, лаги и навреди кон граѓанските организации, рокот за аплицирање во ЦИВИЛ истекува утре

ОдЗдружение на граѓани ЦИВИЛ - Центар за слобода Скопје

РОКОТ ЗА АПЛИЦИРАЊЕ ЗА КРАТКОРОЧНИ НАБЉУДУВАЧИ ИСТЕКУВА УТРЕ ВО 17 ЧАСОТ

Утре, на 30 септември, во 17 часот, истекува рокот за пријавување на заинтересираните да станат краткорочни изборни набљудувачи на ЦИВИЛ. Конкуренцијата е висока, апликациите се квалитетни, така што одговорните за селекција имаат навистина тешка задача да ги одберат најдобрите. Сите што аплицирале ќе добијат одговор на 3 октомври. Повеќе информации и линкови во текстуалниот дел од Изборниот рапорт што ќе биде објавен веднаш по ова видео издание.

КАМПАЊА: БОРБА НА ЖИВОТ И СМРТ

На самиот старт, може да се констатира дека изборната кампања е извонредно динамична, со жестоко темпо за сите учесници во изборната трка. Може да се констатира дека во изборната кампања се вклучени сите ресурси на политичките партии, почнувајќи од општинските партиски комитети до лидерите и високите функционери на политичките партии. Очигледно е дека локалните избори повторно добија карактер како да се води борба на живот и смрт – политичка, се разбира.

Од говорниците ширум земјата во првите два дена од кампањата се слуша остар вокабулар, но и досетки и подбив на сметка на политичките противници. Некои се духовити, некои не. Сѐ на сѐ, во првите два дена сведочиме за уште една кампања за локални избори во која доминираат политичарите и лидерите на национално ниво.

Останува препорака на ЦИВИЛ е да се намали присуството на високи владини функционери, раководителите на државните институции, партиските лидери кои не се во изборната трка за локална власт, затоа што, едноставно, се работи за локални избори.

ЈАЗИЧНА ГРЕШКА

Потсмев и критика, но и говор на омраза се бележи на социјалните мрежи и во дел од медиумите, поради јазичната грешка на главниот слоган на кампањата на ВМРО-ДПМНЕ, „Создади нова иднина“. Според лингвистите, се работи за грешка. Заповеден начин од глаголот создаде е создај/создајте. Критиката е добредојдена за сите теми, но ЦИВИЛ повикува на воздржување од говор на омраза на социјалните мрежи.

НАВРЕДИ, КЛЕВЕТИ И ГОВОР НА ОМРАЗА ВО МЕДИУМИТЕ

Наспроти сите професионални стандарди и етиката, дел од медиумите кои се познати како ноторни креатори и дистрибутери на дезинформации и говор на омраза, продолжуваат со црна кампања од која не изостануваат ниту напади и дикредитација на сметка на граѓанските организации и професионалните медиуми.

Таков е случајот со емисијата „Што не е јасно?“ на Алфа ТВ на 27 септември, каде што гостуваше Драган Павловиќ – Латас кој изнесе ноторни невистини и груби навреди на сметка на граѓанските организации и медиумите.

ЦИВИЛ ги повикува релевантните институции и саморегулаторните тела да преземат соодветни чекори за заштита на човековите права и на достоинството на луѓето кои работат во организациите на граѓанското општество.

Ова не е единствен случај во кој се бележи систематско и оркестрирано водење црна кампања против граѓанското општество, а која добива на интензитет токму во периоди кога се одвиваат важни процеси и настани во земјата.

ЗЛОУПОТРЕБА НА ДЕЦА

Во првите два дена се бележат неколку случаи на политичка злоупотреба на деца, во онлајн кампањите со фотографии и видео содржини во продукција на партиите Демократска унија за интеграција и Алијансата за Албанците.

Спотот на лидерот на ДУИ каде што тој му се обраќа на дете, како и спонзорираната содржина на Фејсбук од кандидатот за градоначалник на Гостива, Невзат Бејта, претставуваат политичка злоупотреба на децата.

Силна препорака на ЦИВИЛ е политичките партии, нивните членови и поддржувачи, да не ги инволвираат децата во политичката кампања. Да потсетиме на Законот за заштита на децата, Член 12 став 4 од Законот за заштита на децата во кој се вели: „Се забранува злоупотреба на децата поради политичко и верско организирање и дејствување“.

Ова, според нашите правни експерти, подразбира општа забрана за употреба на децата во било каква форма на политичко дејствување, вклучувајќи и политичка изборна кампања.

ПРАВНИТЕ ЕКСПЕРТИ НА ЦИВИЛ СЕ НА РАСПОЛАГАЊЕ ЗА ОДГОВОРИ НА СИТЕ ПРАШАЊА

Правните експерти во состав на Мониторинг тимот на ЦИВИЛ се на располагање да дадат одговори на прашањата, пред сѐ, од граѓанките и граѓаните, како и од други засегнати страни, како што се граѓански организации, независни кандидати, институции и политички партии.

Од прашањата кои пристигнаа на адреса на организацијата, го издвојуваме прашањето на една граѓанка која ни пишува:

Независна советничка листа сака да номинира лице за набљудувач, кое е веќе избрано во избирачки одбор. Дали ако биде пријавено како набљудувач, ќе му престане функцијата на член во избирачкиот одбор или тоа не е можно?

Нашиот правен тим излезе со одговор:

„Изборот и составот на Избирачките одбори се регулира во член 38 од Изборниот законик. Според нашето мислење, едно исто лице не може да биде и набљудувач и член на избирачки одбор во исто време. Ако е веќе член на избирачки одбор, Државната изборна комисија не треба да му издаде овластување за набљудувач на тоа лице.“

На прашањето, врз која основа се избираат членови во избирачките одбори, одговорот повторно е во истиот член 38 од Изборниот законик, односно дека тој се формира така што тројца членови се избираат по случаен избор од редовите на администрацијата, а двајца се по предлог од политичките партии кои освоиле најмногу гласови на претходните избори.

Продолжи со читање

  • Учество на осмата меѓународна регата Сава Наутик во Брчко – БиХ

    Претставникот на извидничкиот одред “Димитар Влахов“ од Велес, Владимир Ивановски Вуцо и од Вардарска регата “Гемиџии“ Владимир Стојанов и Томе Шескокалов во периодот од 28-30.8.2026 год. на покана на здружението ИКС центар (X centar) од Брчко Дистрихт – БиХ земаа учество на осмата меѓународна туристичка рега “Сава наутик“. На оваа…

  • Погледнете го нашето ново промотивно видео и откријте како органскиот отпад може да стане вредна суровина!

    Преку силен фокус на циркуларната економија и еколошката едукација, сакаме да ги поттикнеме граѓаните на итна акција за правилно сортирање на отпадот — клуч чекор кон здрава животна средина и ублажување на климатските промени. Главни ѕвезди во видеото се наставниците и учениците од основните училишта каде што ги одржавме нашите едукативни работилници. Тие јасно порачуваат: со менување на секојдневните навики и активен граѓански ангажман, секој од нас има моќ да донесе позитивни промени во општеството!
    Ова видео е дел од промотивнтаа дигитална кампања со едукативно-информативни содржини за придобивките и начините за искористувањето на потенцијалот на органскиот отпад.
    Оваа видео е подготвено во рамките на проектот „Граѓански активизам за остварување на циркуларна економија во управувањето со органски отпад“, спроведуван од Resource Environmental Center – REC North Macedonia Центарот за ресурси во животна средина (РЕЦ) – Северна Македонија, Eco – Logic и Center for Environmental Democracy – Florozon Флорозон – Центар за еколошка демократија, со поддршка од Владата на Швајцарија и Embassy of Switzerland in North Macedonia преку програмата Цивика мобилитас #CivicaMobilitas.
     
    Содржината на оваа видео е единствена одговорност на партнерите во проектот и на ниту еден начин не може да се смета дека ги одразува гледиштата на Владата на Швајцарија #CHinMK, Цивика мобилитас #CivicaMobilitas, или организациите што ја спроведуваат.

  • Европски младински камп во Михелштат: Заедно растеме и создаваме лидери

    Програми Европски младински камп во Михелштат: Заедно растеме и создаваме лидери Кампот Михелштат во Германија беше домаќин на Европскиот младински камп, кој собра 135 учесници од 15 земји. По долго патување, а за некои и пристигнување во Михелштат низ серија на предизвикувачки услови, младите и нивните лидери се обединија околу заедничката тема: “Growing together – rooted in values – rising as leaders“, односно „Растеме заедно – вкоренети во вредностите – се издигнуваме како лидери“. Кампот понуди динамична програма исполнета со различни курсеви, интерактивни работилници и можности за размена на знаења и искуства. Курсевите беа задолжителниот дел и опфаќаа повеќе теми поврзани со менталното здравје, лидерството, активности на отворено поврзани со изградба на куќарки на дрва, обработка на темата “Do no harm” како методологија против било каков вид на насилство, односи со јавност, техники за раскажување приказни, театарски пристап во работата со млади и дигитално образование. Младите учесници и младинските работници активно придонесуваа со сопствените идеи, практики и перспективи, создавајќи простор во кој сите можеа да учат едни од други. Во фокусот беше заедничкото учење за иднината на младинската работа, како и развивањето лидерски способности засновани на вредности, соработка и меѓународно разбирање. Покрај едукативниот дел, програмата беше збогатена со многу креативни и забавни активности. Учесниците имаа можност да бидат дел од интернационален музички бенд, да создаваат уметност низ различни работилници за рачни изработки, цртање и сликање, работилници за дизајнирање восочни свеќи како и склопување и дизајнирање на куќарки за мали птици, да учествуваат во работилници за пеење (ten sing), да посетуваат сесии за релаксација и да учествуваат во спортски активности на терените на кампот во Михелштат. Дури и високите температури не ги спречија учесниците да учествуваат на сите овие настани, но и да уживаат во посетата на локалниот базен. За учесниците, покрај овие обврски, вклучена беше и прошетка до адреналински парк и возење на мал, планински ролеркостер, како и патување со брод по реката Мајна до блискиот град Милтенберг. Од Македонија имаше вкупно 7 претставници. Во изминатите четири години, овој камп прерасна во важно место за средба на европското ИМКА движење. Тој не претставува само меѓународен собир, туку простор каде што младите градат пријателства, споделуваат искуства и се инспирираат стекнатото знаење да го пренесат во своите земји и локални организации. Овој камп служи за сплотување на младинските работници низ камповите во Европа и е особено значаен за нашата земја од аспект на тоа што нуди споделување на искуства поврзани со камп културата која што ИМКА во Битола и во Македонија неуморно се труди да ја издигне на едно повисоко и препознатливо ниво за сите наши локални учесници, волонтери и поширока публика. * Пред да дојдам на кампот во Михелштат немав некои преголеми очекувања. Се надевав дека ќе запознаам нови луѓе, ќе стекнам пријатели и ќе разменам мислења со млади од различни земји. На крајот, сето тоа се исполни, па дури и ги надмина моите очекувања. Најинтересен и највпечатлив дел за мене беше курсот за лидерски вештини. Таму научив многу корисни работи за комуникацијата, тимската работа и начинот на кој еден лидер може позитивно да влијае на другите. Сигурно ќе ги применам овие знаења и во мојата заедница. За време на кампот стекнав поголема самодоверба во споделувањето на моите мислења и научив како подобро да ги разбирам и почитувам луѓето околу мене. Ова искуство ми помогна да пораснам како личност и да станам поотворен кон нови идеи и перспективи. Дефинитивно би го препорачал Михелштат кампот на секој млад човек кој сака да стекне нови искуства, да создаде меѓународни пријателства и да научи нешто корисно и вредно за својата иднина. Никола Гелов Кога првпат слушнав за кампот во Михелштат, сè ми дојде многу неочекувано. Бев пресреќна кога дознав дека и моите другарки добија можност да учествуваат, бидејќи знаев дека заедно ќе доживееме едно незаборавно искуство. Секој ден на кампот ми беше интересен на свој начин. Имав можност да научам многу нови работи и да запознаам луѓе од различни средини. Особено ми се допадна курсот по пеење. Таму научив дека не треба да се плашиме да пробаме нешто ново. Ако никогаш не се обидеме, нема да знаеме што можеме да постигнеме. Секој човек има свој талент и свој начин на изразување, а токму тоа нè прави посебни. Едно од највозбудливите искуства за мене беше активноста во Tree House. Искрено, пред да дојдам на кампот мислев дека тоа не е нешто што би го направила во мојот град. Но, овде решив да излезам од мојата зона на удобност и да пробам нешто ново. На крајот, многу се забавував и бев горда на себе што се осмелив да учествувам. Од курсот по пеење научив и една важна животна лекција: дека не треба да ги осудуваме другите. Секој може да направи нешто на свој начин и тоа не го прави помалку вреден. Наместо да критикуваме, треба да ги прифатиме и почитуваме разликите меѓу луѓето. Кампот ме научи да се дружам со сите, да бидам поотворена и да не донесувам брзи заклучоци за другите. Сфатив дека секој човек има своја приказна и дека сите заслужуваат почит, разбирање и поддршка. Најважната порака што ќе ја понесам со себе е дека треба да бидеме храбри и да не се плашиме од нови предизвици. Нема глупави прашања и нема неуспеси кога учиме нешто ново. Секое искуство е можност да пораснеме и да станеме подобра верзија од себе. Дефинитивно би им го препорачала Михелштат кампот на сите млади кои имаат можност да учествуваат. Пријателствата, чувството дека сте дел од едно големо семејство, новите искуства и сè што се учи таму се нешта што тешко можат да се доживеат на друго место. Тоа е искуство кое засекогаш останува во сеќавање. Јована Кирјаковска   Бидејќи и претходно имав учествувано на два меѓународни кампа надвор од Македонија, дојдов во Михелштат со високи очекувања и чувство на возбуда. Од моите претходни искуства знаев дека ме очекува нешто посебно, а кампот ги надмина сите мои очекувања. Она што најмногу ми се допадна беше разновидноста на курсевите и работилниците. Тие создадоа можност сите учесници да се запознаат подобро, да се дружат и да учат едни од други.

  • ENSURE истакнат како значајна иницијатива за идната подготвеност на првите одговорни служби

    ENSURE истакнат како значајна иницијатива за идната подготвеност на првите одговорни служби На 27 јуни 2026 година, Кирил Михајлов, командир на Доброволното противпожарно друштво Свети Николе, учествуваше на панел-дискусија во Скопје посветена на противпожарната заштита и подготвеноста за вонредни состојби. Во рамки на дискусијата беа разгледани дел од клучните предизвици со кои се соочуваат противпожарните…

  • Реални искуства од шумските пожари во функција на подобра подготвеност преку ENSURE

    Реални искуства од шумските пожари во функција на подобра подготвеност преку ENSURE Доброволното противпожарно друштво Свети Николе продолжува да придонесува кон целите на проектот ENSURE преку своето директно учество во сложени интервенции на шумски пожари во Северна Македонија. За време на големиот пожар во Општина Македонски Брод, тимот на ДПД Свети Николе беше ангажиран како…

Адресар на граѓански организации

Ресурси од граѓански организации

Магазин „Граѓаните за промена“

Вести од граѓански организации

Граѓански стории

Граѓански импулс

Civica Mobilitas Community

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор