Проект инициран од страна на Здружението на граѓани Праведни и Професионалн забележан од Владата

Проект инициран од страна на Здружението на граѓани – Праведни и Професионални забележан од Владата на РСМ

Одtinka.kiteska

Во програмата за работа на Владата на РС Македонија со работен наслов Акција 21- Европски стандарди дома, влегува и воведувањето на единствен регистар на недвижности кои се во државна сопственост, проект инициран од страна на Здружението на граѓани за заштита на државниот имот ПРАВЕДНИ И ПРОФЕСИОНАЛНИ од Скопје – грантист на програмата Цивика Мобилитас.

Иако законската обврска да се води уредна и комплетна евиденција на државните објекти постои повеќе години, мал број државни органи може да се пофалат дека ја исполниле во целост својата обврска. Нашето здружение јавно проговори за овој децениски проблем, осмисли и успешно реализира проект за Јакнење на капацитетите за добро евидентирање и управување со државниот недвижен имот и упати конкретен предлог кој со својот квалитет и целисходност успеа да влезе во Владината програма за работа за 2021 година. Владата усвои заклучок со кој се задолжува Агенцијата за катастар на недвижности со водевување на единствени идентификациони броеви за секоја државна институција, да ги постави темелите на еден модерен и унифициран национален регистар во кој ќе бидат опфатени сите државни објекти, запишани со сите катастарски индикации.

Базата на податоци треба да ја стави на располагање Министерството за информатичко општество и администрација и по примерот на  Централниот регистар на РС Македонија до јуни 2021 година треба да ги видиме првите плодови од оваа системска активност во која ќе бидат опфатени дел по дел сите државни органи, почнувајќи од министерствата и органите во нивни состав, преку агенциите, дирекции, бироа, комисии, државни инспекторати, акционерски друштва во сопственост на државата и јавни претпријатија основани од Владата или од локалните самоуправи. Акцискиот план што му е поставен на катастарот, динамиката и чекорите на воведување на регистарот ќе бидат контролирани директно од Владата со што ќе се  придонесе за домаќинско управување и постапување со државниот имот и воедно ќе се зголеми нивото на одговорност на носителите на  јавни функции преку почитување на начелата на отчетност и транспарентност.

Оваа значајна информација за напредокот на регистарот Владата јавно ја објави на 11 јануари 2021 година, а Здружението ПРАВЕДНИ И ПРОФЕСИОНАЛНИ ќе ги направи достапни сите собрани информации за недвижниот имот на околу педесетина државни институции до кои дојде во изминатите 6 месеци колку што траеше проектот финансиран од Македонскиот центар за меѓународна соработка и програмата Цивика мобилитас.

Повеќегодишниот труд на група ентузијасти административни службеници од различни државни институции конечно вроди со плод. На идните генерации ќе им оставиме средена и функционална евиденција од која бенефит ќе има целата заедница.

Продолжи со читање

  • Елаборат за четириесетите – XL Средби на извидници Велес 2026

    Почитувани извидници, извидничкиот одред “Димитар Влахов” од Велес одбележувајќи ја седмата деценија на постоење на извидништвото во Велес и Денот на Државноста на Македонија, Ве поканува на традиционалните XL Средби на извидници 2026. Во периодот од 1975 до 2026 година, успевaме да организираме четириесет Средби на извидници од кои последните…

  • Ново регионално партнерство: Здружението започнува проект поддржан од Western Balkans Fund и Европската Унија

     Со голема чест и задоволство споделуваме дека Здружение на лица со церебрална парализа и други попречености е добитник на грант од Фондот за Западен Балкан (Western Balkans Fund), кофинансиран од Европската Унија! На 24 и 25 јуни 2026 година во Тирана, Албанија, присуствувавме на дводневната партнерска работилница и свечената церемонија…

  • Успешно реализирана XXVI Вардарска регата “Гемиџии 2026“

    Иако регатата се одвива по 26-ти пат, ова е трета година во која пловидбата заврши во Солун, идентично како онаа на велешките трговци во минатото. Чамците растоварени, пловењето успешно завршено, се сумираат впечатоците од Вардарска регата „Гемиџии“ која по 26-ти пат ја оживеа традицијата и патшествието на велешките трговци во…

  • Од отпад до производ: Како био-отпадот станува дел од нашето секојдневие

    Био-отпадот претставува органски отпад кој потекнува од домаќинствата, пазарите, градините и прехранбената индустрија. Во оваа категорија спаѓаат остатоци од овошје и зеленчук, талог од кафе, лушпи од јајца, лисја и трева.
    Иако најчесто се третира како отпад, био-отпадот претставува вреден ресурс. Во контекст на циркуларната економија, тој се користи како суровина за создавање нови материјали, енергија и производи што повторно се враќаат во економскиот циклус.

    https://unsplash.com/photos/person-holding-eco-not-ego-signage-_kB9NKpErH4
    Во традиционалниот модел, био-отпадот најчесто завршува на депонии, каде што при разградување без кислород се создава метан – силен стакленички гас кој придонесува за климатските промени. Во циркуларниот пристап, истиот отпад се третира како ресурс и се трансформира во компост, биоматеријали, природни ѓубрива и иновативни производи. На овој начин се намалува количината на отпад, се намалуваат емисиите и се поттикнува развој на зелени технологии и локални бизниси.
    Овој пристап е тесно поврзан со пораката „Eco, not ego“, која потсетува дека одржливите избори ја ставаат еколошката одговорност пред краткорочната индивидуална удобност. Со тоа, био-отпадот се гледа не како проблем, туку како почеток на нов циклус на вредност, обновување и одржлив развој.

    Примери на продукти изработени од био-отпад

    Биопластика и дизајн-предмети од талог од кафе – Coffeefrom (Италија): Италијанскиот стартап Coffeefrom го претвора искористениот талог од кафе во биопластика и композитни материјали кои се користат за дизајнерски производи, пакување и индустриска примена, покажувајќи дека дури и секојдневниот отпад може да добие нова вредност.

    (Извор: EU-Startups, август 2025 – eu-startups.com | Renewable Matter – renewablematter.eu)

    Биоразградливо пакување од мицелиум и земјоделски отпад – Grown.bio (Холандија): Компанијата Grown.bio користи мицелиум и земјоделски отпад за производство на целосно биоразградливи пакувања и изолациски материјали кои нудат одржлива алтернатива на пластиката и стиропорот.

    (Извор: European Circular Economy Stakeholder Platform – circulareconomy.europa.eu | Saladplate, октомври 2025 – saladplate.com)

    Еко-кожа од манго отпад – Fruitleather Rotterdam (Холандија): Fruitleather Rotterdam го рециклира отпадот од манго што не ги исполнува пазарните стандарди и го претвора во издржлив вегански материјал кој се користи за изработка на чанти, паричници и други модни производи.

    (Извор: Plant Based News, мај 2025 – plantbasednews.org | Nature Biotechnology, 2025 – nature.com)

    Фото:https://unsplash.com/photos/a-pile-of-garbage-sitting-on-top-of-a-grass-covered-field-pprCuLQopHw
    Овие примери покажуваат дека отпадот не мора да биде проблем кој треба да се отстрани. Со соодветна креативност, технологија и визија, тој може да стане вреден ресурс кој создава нови производи, нови работни места и помало влијание врз природата.
    Циркуларната економија нè учи дека секој материјал има потенцијал за нов живот. Наместо да гледаме на био-отпадот како нешто без вредност, можеме да го препознаеме како можност за иновации и одржлив развој. Токму во оваа промена на перспективата лежи клучот кон поодржлива иднина.
     
    Оваа статија е подготвена во рамките на проектот „Граѓански активизам за остварување на циркуларна економија во управувањето со органски отпад“, спроведуван од Центарот за ресурси во животна средина (РЕЦ) – Северна Македонија, Еко Логик и Флорозон – Центар за еколошка демократија, со поддршка од Владата на Швајцарија преку Цивика мобилитас.
    Содржината на оваа статија е единствена одговорност на Центар за ресурси во животна средина (РЕЦ) – Северна Македонија, Еко Логик и Флорозон – Центар за еколошка демократија и на ниту еден начин не може да се смета дека ги одразува гледиштата на Владата на Швајцарија, Цивика мобилитас или организациите што ја спроведуваат.
    Автори: Јасмина Петровска, Еко Логик и Ана Серафимова, Еко Логик

Адресар на граѓански организации

Ресурси од граѓански организации

Магазин „Граѓаните за промена“

Вести од граѓански организации

Граѓански стории

Граѓански импулс

Civica Mobilitas Community

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор