[Aggregator] Downloaded image for imported item #47189

ЗЕМЈОДЕЛСТВО БЕЗБЕДНО ОД ПОЖАРИ ВО ОПШТИНА НОВАЦИ

ОдЗдружение Центар за ресурси во животната средина (РЕЦ)

На 27 март 2026 год. во рамки на проектот ,, Земјоделство безбедно од пожари во Општина Новаци” започна садењето на зелениот заштитен појас кој ќе помогне во справувањето и ограничувањето на ризиците од пожари во земјоделските предели на Општината. Во текот на оваа активност се засадија 1100 садници садници од неколку дрвенести видови, односно 700 садници јавор, 290 садници питом костен, 50 садници див костен и 60 садници евла, во атарот на село Новаци. Заедно со локалната заедница и земјоделците помагаме во спречувањето на пожарите онаму каде што се најопасни, во близина на нивните посеви и имоти. Во засадувањето беа вклучени и младите од Општината, припадници на Волонтерското противпожарно доброволно друштво во Општина Новаци станувајќи на тој начин дел од позитивните промени во општината со цел да се превенираат идните настанувања на пожари. На овој начин повтороно ги вклучивме  млади луѓе, од кои многумина доаѓаат од земјоделска средина, како идни засегнати страни. Засадувањето беше на локација покрај Спортско-рекреативна пешачка патека НОВАЦИ – Манастир на Пресвета Богородица во општина Новаци. Во оваа прилика како донација од проектот беше доделена моторна дупчалка за засадување на садници со повеќе бургии која Општината Новаци ќе можат да ја користат во некои идни акции за засадување.

Засадувањето продолжи на 28-ми март се додека не се засади и последната садница и со тоа затворивме едно важно поглавје во заштитата од пожари на отворен простор во Општина Новаци. Со засадувањето на последното планирано дрвце од зелениот појас за заштита од пожари, комплетиравме една целина која на траен и одржлив начин ќе помогне во спречувањето и ограничувањето на пожари во овој земјоделски предел. Со оваа мерка се спроведува континуирано, нискобуџетно спречување на пожари што ќе им користи на локалните заедници на долг рок, без потреба од значително надворешно финансирање.

Проектот е дел од програмата „Управување со пожари на ниво на предел во Западен Балкан“ (Landscape Fire Management in the Western Balkans (LFMWB)), што се спроведува со поддршка на Владата на Швајцарија претставувана од Швајцарското федерално министерство за надворешни работи (Swiss Federal Department of Foreign Affairs), преку  Швајцарската агенција за развој и соработка (Swiss Аgency for Development and Cooperation – SDC) и во координација со Фармахем од Скопје, како Регионална извршна агенција на програмата.

Општата цел на Програмата е да ја зголеми отпорноста на шумите и пределите од пожари во Западен Балкан, чија егзистенција и социо-економскиот развој зависат од овие предели, користејќи партиципативен пристап со вклучување на локалното население во процесите, преку промовирање на родова еднаквост и зајакнување на јавната свест за важноста на заштитата на природните ресурси.

Оваа вест изворно е објавена на веб-страната на Здружение Центар за ресурси во животната средина (РЕЦ)

Продолжи со читање

  • Елаборат за четириесетите – XL Средби на извидници Велес 2026

    Почитувани извидници, извидничкиот одред “Димитар Влахов” од Велес одбележувајќи ја седмата деценија на постоење на извидништвото во Велес и Денот на Државноста на Македонија, Ве поканува на традиционалните XL Средби на извидници 2026. Во периодот од 1975 до 2026 година, успевaме да организираме четириесет Средби на извидници од кои последните…

  • Ново регионално партнерство: Здружението започнува проект поддржан од Western Balkans Fund и Европската Унија

     Со голема чест и задоволство споделуваме дека Здружение на лица со церебрална парализа и други попречености е добитник на грант од Фондот за Западен Балкан (Western Balkans Fund), кофинансиран од Европската Унија! На 24 и 25 јуни 2026 година во Тирана, Албанија, присуствувавме на дводневната партнерска работилница и свечената церемонија…

  • Успешно реализирана XXVI Вардарска регата “Гемиџии 2026“

    Иако регатата се одвива по 26-ти пат, ова е трета година во која пловидбата заврши во Солун, идентично како онаа на велешките трговци во минатото. Чамците растоварени, пловењето успешно завршено, се сумираат впечатоците од Вардарска регата „Гемиџии“ која по 26-ти пат ја оживеа традицијата и патшествието на велешките трговци во…

  • Од отпад до производ: Како био-отпадот станува дел од нашето секојдневие

    Био-отпадот претставува органски отпад кој потекнува од домаќинствата, пазарите, градините и прехранбената индустрија. Во оваа категорија спаѓаат остатоци од овошје и зеленчук, талог од кафе, лушпи од јајца, лисја и трева.
    Иако најчесто се третира како отпад, био-отпадот претставува вреден ресурс. Во контекст на циркуларната економија, тој се користи како суровина за создавање нови материјали, енергија и производи што повторно се враќаат во економскиот циклус.

    https://unsplash.com/photos/person-holding-eco-not-ego-signage-_kB9NKpErH4
    Во традиционалниот модел, био-отпадот најчесто завршува на депонии, каде што при разградување без кислород се создава метан – силен стакленички гас кој придонесува за климатските промени. Во циркуларниот пристап, истиот отпад се третира како ресурс и се трансформира во компост, биоматеријали, природни ѓубрива и иновативни производи. На овој начин се намалува количината на отпад, се намалуваат емисиите и се поттикнува развој на зелени технологии и локални бизниси.
    Овој пристап е тесно поврзан со пораката „Eco, not ego“, која потсетува дека одржливите избори ја ставаат еколошката одговорност пред краткорочната индивидуална удобност. Со тоа, био-отпадот се гледа не како проблем, туку како почеток на нов циклус на вредност, обновување и одржлив развој.

    Примери на продукти изработени од био-отпад

    Биопластика и дизајн-предмети од талог од кафе – Coffeefrom (Италија): Италијанскиот стартап Coffeefrom го претвора искористениот талог од кафе во биопластика и композитни материјали кои се користат за дизајнерски производи, пакување и индустриска примена, покажувајќи дека дури и секојдневниот отпад може да добие нова вредност.

    (Извор: EU-Startups, август 2025 – eu-startups.com | Renewable Matter – renewablematter.eu)

    Биоразградливо пакување од мицелиум и земјоделски отпад – Grown.bio (Холандија): Компанијата Grown.bio користи мицелиум и земјоделски отпад за производство на целосно биоразградливи пакувања и изолациски материјали кои нудат одржлива алтернатива на пластиката и стиропорот.

    (Извор: European Circular Economy Stakeholder Platform – circulareconomy.europa.eu | Saladplate, октомври 2025 – saladplate.com)

    Еко-кожа од манго отпад – Fruitleather Rotterdam (Холандија): Fruitleather Rotterdam го рециклира отпадот од манго што не ги исполнува пазарните стандарди и го претвора во издржлив вегански материјал кој се користи за изработка на чанти, паричници и други модни производи.

    (Извор: Plant Based News, мај 2025 – plantbasednews.org | Nature Biotechnology, 2025 – nature.com)

    Фото:https://unsplash.com/photos/a-pile-of-garbage-sitting-on-top-of-a-grass-covered-field-pprCuLQopHw
    Овие примери покажуваат дека отпадот не мора да биде проблем кој треба да се отстрани. Со соодветна креативност, технологија и визија, тој може да стане вреден ресурс кој создава нови производи, нови работни места и помало влијание врз природата.
    Циркуларната економија нè учи дека секој материјал има потенцијал за нов живот. Наместо да гледаме на био-отпадот како нешто без вредност, можеме да го препознаеме како можност за иновации и одржлив развој. Токму во оваа промена на перспективата лежи клучот кон поодржлива иднина.
     
    Оваа статија е подготвена во рамките на проектот „Граѓански активизам за остварување на циркуларна економија во управувањето со органски отпад“, спроведуван од Центарот за ресурси во животна средина (РЕЦ) – Северна Македонија, Еко Логик и Флорозон – Центар за еколошка демократија, со поддршка од Владата на Швајцарија преку Цивика мобилитас.
    Содржината на оваа статија е единствена одговорност на Центар за ресурси во животна средина (РЕЦ) – Северна Македонија, Еко Логик и Флорозон – Центар за еколошка демократија и на ниту еден начин не може да се смета дека ги одразува гледиштата на Владата на Швајцарија, Цивика мобилитас или организациите што ја спроведуваат.
    Автори: Јасмина Петровска, Еко Логик и Ана Серафимова, Еко Логик

  • Успешно заврши тркалезната маса за зелена транзиција и CBAM

    На тркалезната маса „Зајакнување на конкурентноста: Енергетската транзиција, CBAM и иднината на македонската индустрија“, Finance Think ја промовираше студијата „Подготвеност за CBAM и зелената индустриска транзиција во Северна Македонија“. Студијата покажува дека подготвеноста за CBAM ќе биде клучен фактор за одржување на конкурентноста на домашните производители на пазарот на Европската Унија. Во 2025 година, извозот […]
    The post Успешно заврши тркалезната маса за зелена транзиција и CBAM first appeared on Finance Think.
    The post Успешно заврши тркалезната маса за зелена транзиција и CBAM appeared first on Finance Think.

Адресар на граѓански организации

Ресурси од граѓански организации

Магазин „Граѓаните за промена“

Вести од граѓански организации

Граѓански стории

Граѓански импулс

Civica Mobilitas Community

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор