Во Гостивар одржан јавен настан за ко-креирање на новиот Национален акциски план за Партнерство за отворена власт 2026–2028

Денес, втор ден по ред, во Гостивар се одржа јавен настан во рамки на процесот на ко-креирање на новиот седми Национален акциски план за Партнерство за отворена власт 2026 – 2028 година. Настанот го организираше Министерството за јавна администрација во соработка со Фондација Метаморфозис и Центар за граѓански комуникации, со цел да се поттикне активно учество на засегнатите страни во дефинирањето на приоритетите на новиот акциски план. 

Настанот се одржа во Граѓанскиот ресурсен центар во Гостивар, при што учество зедоа претставници на локални граѓански организации, медиуми и други релевантни чинители. 

Учесниците беа информирани за значењето и придобивките од процесот на Партнерството за отворена власт, како и за пристапот, клучните чекори и временската рамка за подготовка на седмиот Национален акциски план. 

Во рамки на настанот беше овозможена интерактивна дискусија, при што учесниците заеднички ги утврдија приоритетите и предложија потенцијални заложби за периодот 2026 – 2028. 

Настанот претставува важен чекор кон поинклузивен и транспарентен процес на креирање јавни политики, во кој се очекува гласот на сите засегнати страни да биде земен предвид при дизајнирањето на идните реформи во рамки на Партнерството за отворена власт. 

Средбата се реализираше во рамки на проектот „Заедно за Партнерство за отворена власт: Поддршка на процесот на имплементација и дизајнирање на иднината“, финансиран од Секретаријатот за Партнерство за отворена власт. 

Оваа вест изворно е објавена на веб-страната на Метаморфозис