Рурална Коалиција ја организираше првата презентација за нивото на на дигитална писменост на локално

Рурална Коалиција ја организираше првата презентација за нивото на дигитална писменост на локално ниво

ОдРурална коалиција

Во среда, на 17-ти март, 2021 година, Рурална Коалиција како дел од ИЦЕДА мрежата и организација која што ќе служи како локален центар за е-поддршка при користење на дигиталните услуги, ја организираше првата презентација за нивото на дигитална писменост на локално ниво во новите простории на центарот за е-поддршка во Кичево.

На презентацијата и промоцијата на работењето на центарот свое видување и ставови изнесоа и претставниците од локалната самоуправа кои што напоменаа дека треба да се вложува многу за да се достигне повисоко ниво на дигитална писменост, па и креирање на локални дигитални услуги, затоа што сеуште дури и вработените во самите општини повеќе преферираат комуникација во хартиена форма отколку електронски.

Од подрачната единица на Министерство за земјоделство, шумарство и водостопанство, како и од Агенција за поддршка на развојот во земјоделството се согласија дека ваквата поддршка на локално ниво е повеќе и од добредојдена особено во периодот на објавување на повиците за финансиска поддршка во рамките на националната програма за рурален развој или пак ИПАРД. Исто така беше напоменато дека само со директен придонес и на граѓанскиот сектор ќе може да се забрзаат процесите и да се овозможи зголемена искористеност на е-услугите.

Рурална Коалиција во рамките на проектот “Дигитализација во земјоделството – СЕГА“ во наредните 15 месеци ќе работи на подигнување на дигиталната писменост во локалната заедница, а се со цел да ја зголеми довербата на граѓаните во институциите на системот особено во делот на електронската комуникација и електронското издавање на документи.

Гужвите пред шалтерите, збунетите граѓани, одењето од институција во институција, од шалтер на шалтер, доаѓањето во град од селата само за еден документ ќе се намалат само доколку локалното население биде запознаено но и едуцирано за можностите и начините за добивање на е-услугите, а со самото тоа пак ќе се придонесе директно кон остварувањето на Дигиталната агенда на нашата држава.

 Рурална Коалиција е една од трите организации од Северна Македонија која што стана дел од мрежата за “Зголемување на граѓанското учество во Дигиталната агенда – ИЦЕДА“, а го спроведуваф фондацијата Метаморфозис (Северна Македонија), ODK – Отворени податоци Косово (Косово), Академија за е-владеење (Естонија), ЦРТА – Центар за истражување, транспарентност и отчетност (Србија), HBO 35мм (Црна Гора) и Levizja Mjaft! (Албанија).

Продолжи со читање

  • #Фискалната отчетност во фокусот на нашата сторија на Civica Mobilitas

    #Фискалната отчетност во фокусот на нашата сторија во изданијата на Civica Mobilitas и Македонски центар за меѓународна соработка – МЦМС пред крајот на 2025.
    The post #Фискалната отчетност во фокусот на нашата сторија на Civica Mobilitas first appeared on Finance Think.
    The post #Фискалната отчетност во фокусот на нашата сторија на Civica Mobilitas appeared first on Finance Think.

  • Нова Студија за политиките 57!

    Нова Студија за политиките Анализираме како јавните финансии се претвораат (или не) во подобри исходи во образованието и здравството во шест земји од Западен Балкан, користејќи панел податоци за периодот 2006–2020 и CMP методологија. Клучни наоди: • Не е доволно колку трошиме — важно е како трошиме: подоброто извршување на буџетот е клучниот канал преку […]
    The post Нова Студија за политиките 57! first appeared on Finance Think.
    The post Нова Студија за политиките 57! appeared first on Finance Think.

  • Граѓанскиот ресурсен центар во 2025

    Зад нас е година исполнета со соработка, ангажман и заедничко дејствување, во која граѓанските организации беа во фокусот на активностите на Граѓанскиот ресурсен центар, редовно споделувајќи информации, јакнејќи ги нивните капацитети и поддржувајќи процеси релевантни за развојот на граѓанското општество. Во изминатата година, Граѓанскиот ресурсен центар постигна значајни резултати преку бројни активности спроведени за и со граѓанските организации.

  • Граѓанските организации во 2025 продолжија да го менуваат општеството

    Време е за уште едно сумирање на направеното, кое веруваме ќе ни даде на сите причини зошто вреди да продолжиме уште погласно и поодлучно во новата 2026 година. Годината што ја завршуваме беше година на предизвици, но и на солидарност, поврзување и конкретни резултати. Нашата сила останува во заедништвото – кога граѓанските организации, граѓаните и институциите се отвораат за дијалог, се создава простор за промена.

  • Соработка и вклученоста носат одржливи антикорупциски резултати

    МЦМС учествуваше на Конференцијата на државите-страни на УНКАК
    Единаесеттата сесија на Конференцијата на државите-страни на УНКАК (COSP11) се одржа во Доха, Катар, во периодот од 15 до 19 декември 2025 година. Конференцијата беше организирана од државата Катар, во тесна координација со Канцеларија на Обединетите нации за дрога и криминал (UNODC). МЦМС беше дел настанот преку учеството на Александар Кржаловски и Снежана Камиловска Трповска.

  • Тркалезна маса помеѓу донесувачи на одлуки и млади на локално ниво

    Во рамки на проектот „Младите се гласот на промените во општините“, во Прилеп  се одржа Тркалезна маса помеѓу донесувачи на одлуки и млади на локално ниво на кој учество зедоа градоначалниците на Општина Прилеп и Општина Крушево, членови на советите на двете општини, претставници на локални здруженија, младински активисти и млади од Прилеп и Крушево. 

Адресар на граѓански организации

Ресурси од граѓански организации

Магазин „Граѓаните за промена“

Вести од граѓански организации

Граѓански стории

Граѓански импулс

Civica Mobilitas Community

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор