РЕАКЦИЈА

Движењето Eco Guerilla го смета за крајно несериозен и вознемирувачки, ставот на Министерот за животна средина и просторно планирање г-дин Башким Амети кои за досегашниот неуспех на за спроведување на оперативниот план за поставување филтри во Југохром, за медиумите изјави дека тој “не е адвокат на Југохром”.

Ние децидно бараме од министерот да ги исполни своите обврски за заштита на животната средина што произлегуваат од Уставот, законите и меѓународните конвенции. Од досегашното искуство, токму оваа влада беше најголем адвокат на токсичниот Југохром, кој толерирајќи се да работи без филтри, на граѓаните на Тетово им “подарува” секој ден по 30 тони прашина.

Преку оваа реакција, ние сакаме да го потсетиме г. Башким Амети, министерот за животна средина, за да не ја намалува неговата одговорност и улога (како претставник на народот и Владата) каде треба да биде адвокат на граѓаните и ОБВИНИТЕЛ кој ќе го казни Југохром и другите загадувачите за повреда и непочитување на Уставот, предизвикувајќи долгорочни оштетувања на здравјето на тетовчаните .

Секоја тенденција за прекршување на условите икупување на време од страна на Владата во корист на Југохром треба да се смета како сериозна провокација и преминување на црвена линија за граѓаните на Тетово. Порано или подоцна сите оние кои не го спречуваат овој криминал ќе се соочат со правдата. Нулта толеранција!

Со почит,
Eco Guerilla