Трета трибина на „Нов контакт – Македонија“
Објавено: 27/06/2016
Здружението „Нов контакт – Македонија“ на 22 јуни 2016 година, на Скопскиот саем ја одржа третата по ред трибина што е дел од проектот „Развој преку комуникација“, посветен на македонската дијаспора. На трибината се разговараше за организациската форма на дијаспората – државата; за влијанието на дијаспората на развојот на туризмот и другите стопански дејности и за медиумите и нивната улога во зајакнувањето на врската со дијаспората.
Проектот има за цел да ја зајакне врската со македонската дијаспора и да развие проекти за поддршка на културните, традиционалните и историските вредности, да ја зајакне комуникацијата и развојот на демократските опшествени вредности.
Проектот е поддржан од Цивика мобилитас.