[Aggregator] Downloaded image for imported item #42943

Работилница во ВПД Тетово: Поддршка на ресоцијализацијата на децата преку едукација, музика и грижа

ОдЗдружение ХЕЛСИНШКИ КОМИТЕТ ЗА ЧОВЕКОВИ ПРАВА НА РЕПУБЛИКА МАКЕДОНИЈА Скопје

Хелсиншкиот комитет за човекови права одржа работилница со децата во Воспитно–поправниот дом Тетово, во рамки на проектот „Зајакнување на човековите права и услуги за децата и ранливите лица во ризик во затворени институции“, финансиран од Европската Унија.

Работилницата беше конципирана во два дела, со цел да се создаде безбедна и поддржувачка средина што придонесува кон ресоцијализација, рехабилитација и емоционална благосостојба на децата.

Во првиот дел, децата учествуваа во интерактивна сесија со едукатор и аниматор со животни Војо Иванов кој одржа кратко, но инспиративно предавање за одговорниот однос кон животните, нивните потреби и значењето на грижата и емпатијата. Преку директен контакт и практични примери, децата имаа можност да развијат чувство на одговорност, почит и поврзаност – вредности кои се клучни во процесот на личен развој и ресоцијализација.

Вториот дел беше посветен на музичка работилница со Лука Ѓориевски, каде децата активно учествуваа преку свирење и пеење. Музиката беше алатка за изразување, зајакнување на самодовербата и градење на заедништво, овозможувајќи им на децата да се почувствуваат видени, слушнати и прифатени.

Како симбол на поддршка, на крајот од работилницата на децата им беа доделени новогодишни пакетчиња, со порака дека нивната иднина не е однапред одредена и дека секое дете заслужува шанса, грижа и поддршка.

Со вакви активности, Хелсиншкиот комитет продолжува да се залага за пристап заснован на човекови права, кој ги става децата во фокусот и ја препознава потребата од достоинствени, хумани и поддржувачки програми во затворените институции.

 

The post Работилница во ВПД Тетово: Поддршка на ресоцијализацијата на децата преку едукација, музика и грижа appeared first on Хелсиншки комитет за човекови права.

Оваа вест изворно е објавена на веб-страната на Хелсиншки комитет за човекови права

Продолжи со читање

Адресар на граѓански организации

Ресурси од граѓански организации

Магазин „Граѓаните за промена“

Вести од граѓански организации

Граѓански стории

Граѓански импулс

Civica Mobilitas Community

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор