Презентација на истражувачки проекти на тема "Корона вирусот тест за дигиталното општество"

Презентација на истражувачки проекти на тема „Корона вирусот – тест за дигиталното општество“

ОдInos

Центарот за иновации и развој Инос Прилеп на 20 декември 2021 година организираше online настан за Презентација на студентските истражувачки проекти изработени во рамките на наградниот повик на тема: “Корона вирусот – тест за дигиталното општетсво”.  Овој настан беше и завршен настан во рамките на проектот “Истражувај на тема: Корона вирусот – тест за дигиталното општество” финансиски поддржан преку грант од програмата на Цивика мобилитас. Настанот го отвори и водеше проектниот раководител д-р Марија Мидовска Петкоска  која ја истакна потребата од вклучувањето на младите (студентите) во научно-истражувачката работа како основа за креирање на политики, базирани на факти, знаење и анализи.

На повикот со свои сопствени истражувачки проекти се приклучија студенти од 4 универзитети / 7 факултети од Република Северна Македонија. Беа добиени 19 истражувачки проекти од кои 13 добија позитивна оценка од страна на рецензентите за објавување во Зборникот.  Сите добиени истражувачки проекти подлежеа на blind review од двајца рецензенти експерти во соодтвената област. Во своите истражувачки проекти студентите истражија различни проблематки кои се однесуваат на пандемијата предизвикана од Ковид 19 и нејзиното влијание врз процестите на дигитализација во Северна Македонија.

На настанот студентите ги презентираа резултатите и наодите добиени од нивните истражувања. Целта на проектот беше подигнување на нивото за истражувачки активности кај младите (студентите) и нивно вклучување во истражувачката работа. Студентите преку овие истражувачки проекти покажаа подготвеност да се вклучат во истражувачката работа покажувајќи свеснот за значењето на истражувачките активности во решавањето на проблеми во динамичкото окружување.

Дополнително на настанот свое обраќање имаа и проф. д-р Наташа Трајкова Најдовска од Универзитет “св. Климент Охридски” Битола како претставник од академската заедница која ги истакна предизвиците со кои се соочи општеството за време на пандемијата предизвикана од вирусот Ковид 19 и можностите за истражување. Учество во настанот зедоа и двајца претставници од бизнис секторот, м-р Јасна Стоимировска Величков од Арел Неуромаркетинг од Кочани и м-р Елена Петкоска од Шама Шпед Прилеп кои ги презентираа проблемите со кои се соочиле за време на пандемијата предизвикана од вирусот Ковид 19 како и дигиталните алатки кои ги имплементирале во своето работење во насока на надминување на овие проблеми. Соработката помеѓу академската заедница и бизнис секторот е неминовна во научно-истражувачката работа.

Истражувачките проекти кои добија позитивна оценка од рецензентите ќе бидат објавени во Зборник на студентски истражувачки проекти во електронска и печатена верзија.

Во продлжение е листата на истражувачките проекти кои беа презентирани:

  1. Фатон Мурсели – Новите медиуми во пандемиско време
  2. Никола Николовски – Влијанието на пандемијата врз економијата и дигитализацијата
  3. Божанка Ристова – Примена на маркетинг активности во услови на Ковид пандемија
  4. Моника Арсова – Дигитален маркетинг- главна алка во градењето “пост-ковид” дигитално општетсво
  5. Климентина Соколоска – Влијанието на дигиталиацијата врз ликовното образование во период на пандемија
  6. Мими Гаврилоска – Животот на младите интелектуалци во пандемијата со коронавирусот – студија на случај: Western Balkans Alumni Association (WBAA)
  7. Ристе Костовски – Корона кризата и дигитализацијата во стопанството на Република Северна Македонија
  8. Емилија Велкакова – Онлајн наставата и Ковид пандемијата – проблеми, предизвици и можности за студентите
  9. Сибела Мамудоска – Дигитална писменост на Ромите во РСМ во време на пандемија
  10. Теодора Димеска – Задоволство на граѓаните од дигитализацијата во државната администрација во време на Ковид 19
  11. Елена Колтоска – Корона кризата и влијанието врз работењето на малите бизниси
  12. Џан Јусуфоски – Дигиталната трансформација на компаниите во ковид кризата
  13. Теодора Христовска – Корона кризата, сиромаштијата и дигитализацијата како можно решение
  14. Марија Михајловска – Младите и дигиталзиацијата за време на Ковид 19

На младите студенти истражувачи им честитаме за изработените истражувачки проекти.

Продолжи со читање

  • Учество на осмата меѓународна регата Сава Наутик во Брчко – БиХ

    Претставникот на извидничкиот одред “Димитар Влахов“ од Велес, Владимир Ивановски Вуцо и од Вардарска регата “Гемиџии“ Владимир Стојанов и Томе Шескокалов во периодот од 28-30.8.2026 год. на покана на здружението ИКС центар (X centar) од Брчко Дистрихт – БиХ земаа учество на осмата меѓународна туристичка рега “Сава наутик“. На оваа…

  • Погледнете го нашето ново промотивно видео и откријте како органскиот отпад може да стане вредна суровина!

    Преку силен фокус на циркуларната економија и еколошката едукација, сакаме да ги поттикнеме граѓаните на итна акција за правилно сортирање на отпадот — клуч чекор кон здрава животна средина и ублажување на климатските промени. Главни ѕвезди во видеото се наставниците и учениците од основните училишта каде што ги одржавме нашите едукативни работилници. Тие јасно порачуваат: со менување на секојдневните навики и активен граѓански ангажман, секој од нас има моќ да донесе позитивни промени во општеството!
    Ова видео е дел од промотивнтаа дигитална кампања со едукативно-информативни содржини за придобивките и начините за искористувањето на потенцијалот на органскиот отпад.
    Оваа видео е подготвено во рамките на проектот „Граѓански активизам за остварување на циркуларна економија во управувањето со органски отпад“, спроведуван од Resource Environmental Center – REC North Macedonia Центарот за ресурси во животна средина (РЕЦ) – Северна Македонија, Eco – Logic и Center for Environmental Democracy – Florozon Флорозон – Центар за еколошка демократија, со поддршка од Владата на Швајцарија и Embassy of Switzerland in North Macedonia преку програмата Цивика мобилитас #CivicaMobilitas.
     
    Содржината на оваа видео е единствена одговорност на партнерите во проектот и на ниту еден начин не може да се смета дека ги одразува гледиштата на Владата на Швајцарија #CHinMK, Цивика мобилитас #CivicaMobilitas, или организациите што ја спроведуваат.

  • Европски младински камп во Михелштат: Заедно растеме и создаваме лидери

    Програми Европски младински камп во Михелштат: Заедно растеме и создаваме лидери Кампот Михелштат во Германија беше домаќин на Европскиот младински камп, кој собра 135 учесници од 15 земји. По долго патување, а за некои и пристигнување во Михелштат низ серија на предизвикувачки услови, младите и нивните лидери се обединија околу заедничката тема: “Growing together – rooted in values – rising as leaders“, односно „Растеме заедно – вкоренети во вредностите – се издигнуваме како лидери“. Кампот понуди динамична програма исполнета со различни курсеви, интерактивни работилници и можности за размена на знаења и искуства. Курсевите беа задолжителниот дел и опфаќаа повеќе теми поврзани со менталното здравје, лидерството, активности на отворено поврзани со изградба на куќарки на дрва, обработка на темата “Do no harm” како методологија против било каков вид на насилство, односи со јавност, техники за раскажување приказни, театарски пристап во работата со млади и дигитално образование. Младите учесници и младинските работници активно придонесуваа со сопствените идеи, практики и перспективи, создавајќи простор во кој сите можеа да учат едни од други. Во фокусот беше заедничкото учење за иднината на младинската работа, како и развивањето лидерски способности засновани на вредности, соработка и меѓународно разбирање. Покрај едукативниот дел, програмата беше збогатена со многу креативни и забавни активности. Учесниците имаа можност да бидат дел од интернационален музички бенд, да создаваат уметност низ различни работилници за рачни изработки, цртање и сликање, работилници за дизајнирање восочни свеќи како и склопување и дизајнирање на куќарки за мали птици, да учествуваат во работилници за пеење (ten sing), да посетуваат сесии за релаксација и да учествуваат во спортски активности на терените на кампот во Михелштат. Дури и високите температури не ги спречија учесниците да учествуваат на сите овие настани, но и да уживаат во посетата на локалниот базен. За учесниците, покрај овие обврски, вклучена беше и прошетка до адреналински парк и возење на мал, планински ролеркостер, како и патување со брод по реката Мајна до блискиот град Милтенберг. Од Македонија имаше вкупно 7 претставници. Во изминатите четири години, овој камп прерасна во важно место за средба на европското ИМКА движење. Тој не претставува само меѓународен собир, туку простор каде што младите градат пријателства, споделуваат искуства и се инспирираат стекнатото знаење да го пренесат во своите земји и локални организации. Овој камп служи за сплотување на младинските работници низ камповите во Европа и е особено значаен за нашата земја од аспект на тоа што нуди споделување на искуства поврзани со камп културата која што ИМКА во Битола и во Македонија неуморно се труди да ја издигне на едно повисоко и препознатливо ниво за сите наши локални учесници, волонтери и поширока публика. * Пред да дојдам на кампот во Михелштат немав некои преголеми очекувања. Се надевав дека ќе запознаам нови луѓе, ќе стекнам пријатели и ќе разменам мислења со млади од различни земји. На крајот, сето тоа се исполни, па дури и ги надмина моите очекувања. Најинтересен и највпечатлив дел за мене беше курсот за лидерски вештини. Таму научив многу корисни работи за комуникацијата, тимската работа и начинот на кој еден лидер може позитивно да влијае на другите. Сигурно ќе ги применам овие знаења и во мојата заедница. За време на кампот стекнав поголема самодоверба во споделувањето на моите мислења и научив како подобро да ги разбирам и почитувам луѓето околу мене. Ова искуство ми помогна да пораснам како личност и да станам поотворен кон нови идеи и перспективи. Дефинитивно би го препорачал Михелштат кампот на секој млад човек кој сака да стекне нови искуства, да создаде меѓународни пријателства и да научи нешто корисно и вредно за својата иднина. Никола Гелов Кога првпат слушнав за кампот во Михелштат, сè ми дојде многу неочекувано. Бев пресреќна кога дознав дека и моите другарки добија можност да учествуваат, бидејќи знаев дека заедно ќе доживееме едно незаборавно искуство. Секој ден на кампот ми беше интересен на свој начин. Имав можност да научам многу нови работи и да запознаам луѓе од различни средини. Особено ми се допадна курсот по пеење. Таму научив дека не треба да се плашиме да пробаме нешто ново. Ако никогаш не се обидеме, нема да знаеме што можеме да постигнеме. Секој човек има свој талент и свој начин на изразување, а токму тоа нè прави посебни. Едно од највозбудливите искуства за мене беше активноста во Tree House. Искрено, пред да дојдам на кампот мислев дека тоа не е нешто што би го направила во мојот град. Но, овде решив да излезам од мојата зона на удобност и да пробам нешто ново. На крајот, многу се забавував и бев горда на себе што се осмелив да учествувам. Од курсот по пеење научив и една важна животна лекција: дека не треба да ги осудуваме другите. Секој може да направи нешто на свој начин и тоа не го прави помалку вреден. Наместо да критикуваме, треба да ги прифатиме и почитуваме разликите меѓу луѓето. Кампот ме научи да се дружам со сите, да бидам поотворена и да не донесувам брзи заклучоци за другите. Сфатив дека секој човек има своја приказна и дека сите заслужуваат почит, разбирање и поддршка. Најважната порака што ќе ја понесам со себе е дека треба да бидеме храбри и да не се плашиме од нови предизвици. Нема глупави прашања и нема неуспеси кога учиме нешто ново. Секое искуство е можност да пораснеме и да станеме подобра верзија од себе. Дефинитивно би им го препорачала Михелштат кампот на сите млади кои имаат можност да учествуваат. Пријателствата, чувството дека сте дел од едно големо семејство, новите искуства и сè што се учи таму се нешта што тешко можат да се доживеат на друго место. Тоа е искуство кое засекогаш останува во сеќавање. Јована Кирјаковска   Бидејќи и претходно имав учествувано на два меѓународни кампа надвор од Македонија, дојдов во Михелштат со високи очекувања и чувство на возбуда. Од моите претходни искуства знаев дека ме очекува нешто посебно, а кампот ги надмина сите мои очекувања. Она што најмногу ми се допадна беше разновидноста на курсевите и работилниците. Тие создадоа можност сите учесници да се запознаат подобро, да се дружат и да учат едни од други.

  • ENSURE истакнат како значајна иницијатива за идната подготвеност на првите одговорни служби

    ENSURE истакнат како значајна иницијатива за идната подготвеност на првите одговорни служби На 27 јуни 2026 година, Кирил Михајлов, командир на Доброволното противпожарно друштво Свети Николе, учествуваше на панел-дискусија во Скопје посветена на противпожарната заштита и подготвеноста за вонредни состојби. Во рамки на дискусијата беа разгледани дел од клучните предизвици со кои се соочуваат противпожарните…

  • Реални искуства од шумските пожари во функција на подобра подготвеност преку ENSURE

    Реални искуства од шумските пожари во функција на подобра подготвеност преку ENSURE Доброволното противпожарно друштво Свети Николе продолжува да придонесува кон целите на проектот ENSURE преку своето директно учество во сложени интервенции на шумски пожари во Северна Македонија. За време на големиот пожар во Општина Македонски Брод, тимот на ДПД Свети Николе беше ангажиран како…

Адресар на граѓански организации

Ресурси од граѓански организации

Магазин „Граѓаните за промена“

Вести од граѓански организации

Граѓански стории

Граѓански импулс

Civica Mobilitas Community

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор