[Aggregator] Downloaded image for imported item #49549

Преку меѓусекторски дијалог и соработка до усогласена примена на FATF препорака 8

ОдЗдружение Конект Скопје

Ова е заклучокот од успешно реализирана обука за новата FATF Препорака 8, наменета за клучните институции и финансискиот сектор вклучени во системот за спречување перење пари и финансирање тероризам. На обуката, која се одржа на 30 јуни 2026 година во Скопје, во хибриден формат, во рамки на проектот „Промени за одржливост“, учествуваа 23 претставници од Управата за финансиско разузнавање, Народната банка, банките и други релевантни институции.

Меѓународниот експерт Бенџамин Еванс како главен обучувач ги презентираше најновите меѓународни искуства поврзани со FATF и Moneyval, измените во Препораката 8 и нивното влијание врз пристапот заснован на ризик кон непрофитните организации. Посебен акцент беше ставен на практичната примена на новите стандарди, финансиската вклученост и надминувањето на бариерите со кои се соочуваат граѓанските организации при пристапот до финансиски услуги.

Преку интерактивни дискусии и работа во групи, учесниците разменија искуства и разговараа за факторите што придонесуваат кон финансиска исклученост, можните мерки за нивно надминување и чекорите потребни за усогласување со реформите на FATF Препорака 8.

Обуката беше високо оценета од учесниците. Како особено корисни беа оценети интерактивноста, размената на искуства и експертизата на обучувачот.

„Обуката беше доста интерактивна и со многу јасна и важна порака во однос на непрофитните организации, а позитивно беше и соодветното познавање на материјата од страна на организаторот.“ – учесник на обуката

Обука за новата FATF препорака 8

Фотографија на Конект

Како резултат на обуката беа зајакнати капацитетите на институциите и банкарскиот сектор за примена на новата FATF Препорака 8, а беа подготвени и ресурсни материјали што ќе придонесат за понатамошна едукација и унапредување на практиките во оваа област.

Обуката за новата FATF препорака 8 се спроведе во рамки на проектот „Промени за одржливост“ што го спроведува здружението Конект во партнерство со Младинска асоцијација ИМКА Битола. Проектот е поддржан од Владата на Швајцарија преку Цивика мобилитас.

Оваа вест изворно е објавена на веб-страната на КОНЕКТ

Продолжи со читање

Адресар на граѓански организации

Ресурси од граѓански организации

Магазин „Граѓаните за промена“

Вести од граѓански организации

Граѓански стории

Граѓански импулс

Civica Mobilitas Community

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор