ПОВИК за доделување мали грантови на граѓански организации „Човековите права во практиката“
Институтот за европска политика (ЕПИ) – Скопје распишува повик за доделување на мали грантови на граѓански организации во рамките на проектот „Заедничка акција за човекови права“, финансиран од Европската Унија. Тематски, повикот за мали грантови се однесува на конкретни приоритетни области од последниот Универзален периодичен преглед (УПП) за Република Северна Македонија.
Шемата за мали грантови „Човековите права во практиката“ има предвидено вкупен износ од 59.500 евра, со цел да поддржи 6 до 8 грантови, во вредност од 6.000 до 10.000 евра. Времетраењето на доделените грантови треба да биде помеѓу 6 и 12 месеци имплементирани во текот на вториот и третиот проектен семестар.
Повикот за мали грантови е отворен до 31 мај 2023 година.
Институтот за европска политика ќе организира информативна сесија за заинтересираните кандидати за овој повик. Сесијата ќе се одржи онлајн, на 08.05.2023 година, со почеток во 10 часот. Ве молиме, вашето учество задолжително да го најавите на: eidhr.grants@epi.org.mk, најдоцна до 5 мај 2023 година, со наслов на е-пораката: „Човековите права во практиката_Инфо-сесија“. По одржувањето на сесијата, ќе бидат објавени „Прашања и одговори“ на интернет-страницата на ЕПИ.
Повикот и целокупната документација се достапни за преземање:
![[Aggregator] Downloaded image for imported item #52397](https://civicamobilitas.mk/wp-content/uploads/2026/10/reg5-1024x576-1-768x432.jpg)
