320753901 457791936555755 1435982429023612572 n MCMS

Потребен е поголем притисок врз локалната власт за исполнување на предизборните ветувања

ОдМЦМС

Граѓаните на општина Прилеп се подготвени со активно политичко граѓанско учество да ја потсетат локалната власт за исполнување на ветените програми и проекти од предизборната кампања. 

320753901_457791936555755_1435982429023612572_n-MCMS

Здружението за правна едукација и транспарентност Станица П.Е.Т., на 20.12.2022 година (вторник) во хотел Кристал Палас во Прилеп, го организираше Вториот форум во заедницата, на кој учествуваа 25 граѓани. Настанот беше наменет за сите граѓани кои ги засега проблемот со недостигот на капацитети за згрижување на деца во предучилишна возраст. За време на форумот се дискутираа предизвиците со кои се соочуваат родителите поради недостигот на детски градинки во општината, ветените активности од страна на актуелната локална власт за решавање на овој проблем, како и потребата од зголемен граѓански ангажман и учество на засегнатите граѓани во поттикнувањето на локалната власт за исполнување на ветеното. 

Координаторот на проектот, Маја Петанческа, ја презентираше моменталната состојба во општината, при што сподели дека доизградбата на градинката во населба Точила беше предвидена со Буџетот на ЕЛС Прилеп за 2022 година со вкупно 44.497.000,00 денари. Отворањето на градинката беше планирано за септември 2022, додека изградбата на нова градинка во населба Кузман 2 како и пренамената на дел од просториите на основното училиште „Кочо Рацин“ не беа опфатени со буџетот за 2022 година, што значи на нив ќе се чека уште долго време. 

„Недостатокот на капацитети во детските градинки влијае и на вработливоста на граѓаните, кои поради тоа што децата се дома не можат да бараат работа, а тоа значи дека се намалува нивната финансиска моќ“, рече Јетон Ибески, учесник на форумот. „Недостатокот на капацитети предизвикува и пренатрупување во градинките, при што се губи квалитетот на услугите, а сето тоа влијае на развојот на децата. Се надевавме на тоа што е ветено од локалната самоуправа во предизборната кампања за пуштање во употреба на нови капацитети за решавање на овој проблем, но за жал се уште нема решение“, истакна Марија Тошева, учесник на форумот.

Здружението Станица П.Е.Т. ги сумираше дискусиите на учесниците и подготви заклучоци и препораки кои во вид на петиција ќе бидат доставени до Градоначалникот и Советот на Општина Прилеп, а истата ќе биде потпишана од сите учесници на форумите и други засегнати граѓани. Сите се согласни дека треба да биде направен поголем притисок врз локалната власт за исполнување на предизборните ветувања. 

Спроведувањето на овој форум е овозможено со проектот: Поддршка на изборните реформи во Северна Македонија“ на Владата на Швајцарија кој го спроведува Меѓународната фондација за изборни системи (ИФЕС), а грантовите ги администрира Македонскиот центар за меѓународна соработка (МЦМС).

Продолжи со читање

  • Елаборат за четириесетите – XL Средби на извидници Велес 2026

    Почитувани извидници, извидничкиот одред “Димитар Влахов” од Велес одбележувајќи ја седмата деценија на постоење на извидништвото во Велес и Денот на Државноста на Македонија, Ве поканува на традиционалните XL Средби на извидници 2026. Во периодот од 1975 до 2026 година, успевaме да организираме четириесет Средби на извидници од кои последните…

  • Ново регионално партнерство: Здружението започнува проект поддржан од Western Balkans Fund и Европската Унија

     Со голема чест и задоволство споделуваме дека Здружение на лица со церебрална парализа и други попречености е добитник на грант од Фондот за Западен Балкан (Western Balkans Fund), кофинансиран од Европската Унија! На 24 и 25 јуни 2026 година во Тирана, Албанија, присуствувавме на дводневната партнерска работилница и свечената церемонија…

  • Успешно реализирана XXVI Вардарска регата “Гемиџии 2026“

    Иако регатата се одвива по 26-ти пат, ова е трета година во која пловидбата заврши во Солун, идентично како онаа на велешките трговци во минатото. Чамците растоварени, пловењето успешно завршено, се сумираат впечатоците од Вардарска регата „Гемиџии“ која по 26-ти пат ја оживеа традицијата и патшествието на велешките трговци во…

  • Од отпад до производ: Како био-отпадот станува дел од нашето секојдневие

    Био-отпадот претставува органски отпад кој потекнува од домаќинствата, пазарите, градините и прехранбената индустрија. Во оваа категорија спаѓаат остатоци од овошје и зеленчук, талог од кафе, лушпи од јајца, лисја и трева.
    Иако најчесто се третира како отпад, био-отпадот претставува вреден ресурс. Во контекст на циркуларната економија, тој се користи како суровина за создавање нови материјали, енергија и производи што повторно се враќаат во економскиот циклус.

    https://unsplash.com/photos/person-holding-eco-not-ego-signage-_kB9NKpErH4
    Во традиционалниот модел, био-отпадот најчесто завршува на депонии, каде што при разградување без кислород се создава метан – силен стакленички гас кој придонесува за климатските промени. Во циркуларниот пристап, истиот отпад се третира како ресурс и се трансформира во компост, биоматеријали, природни ѓубрива и иновативни производи. На овој начин се намалува количината на отпад, се намалуваат емисиите и се поттикнува развој на зелени технологии и локални бизниси.
    Овој пристап е тесно поврзан со пораката „Eco, not ego“, која потсетува дека одржливите избори ја ставаат еколошката одговорност пред краткорочната индивидуална удобност. Со тоа, био-отпадот се гледа не како проблем, туку како почеток на нов циклус на вредност, обновување и одржлив развој.

    Примери на продукти изработени од био-отпад

    Биопластика и дизајн-предмети од талог од кафе – Coffeefrom (Италија): Италијанскиот стартап Coffeefrom го претвора искористениот талог од кафе во биопластика и композитни материјали кои се користат за дизајнерски производи, пакување и индустриска примена, покажувајќи дека дури и секојдневниот отпад може да добие нова вредност.

    (Извор: EU-Startups, август 2025 – eu-startups.com | Renewable Matter – renewablematter.eu)

    Биоразградливо пакување од мицелиум и земјоделски отпад – Grown.bio (Холандија): Компанијата Grown.bio користи мицелиум и земјоделски отпад за производство на целосно биоразградливи пакувања и изолациски материјали кои нудат одржлива алтернатива на пластиката и стиропорот.

    (Извор: European Circular Economy Stakeholder Platform – circulareconomy.europa.eu | Saladplate, октомври 2025 – saladplate.com)

    Еко-кожа од манго отпад – Fruitleather Rotterdam (Холандија): Fruitleather Rotterdam го рециклира отпадот од манго што не ги исполнува пазарните стандарди и го претвора во издржлив вегански материјал кој се користи за изработка на чанти, паричници и други модни производи.

    (Извор: Plant Based News, мај 2025 – plantbasednews.org | Nature Biotechnology, 2025 – nature.com)

    Фото:https://unsplash.com/photos/a-pile-of-garbage-sitting-on-top-of-a-grass-covered-field-pprCuLQopHw
    Овие примери покажуваат дека отпадот не мора да биде проблем кој треба да се отстрани. Со соодветна креативност, технологија и визија, тој може да стане вреден ресурс кој создава нови производи, нови работни места и помало влијание врз природата.
    Циркуларната економија нè учи дека секој материјал има потенцијал за нов живот. Наместо да гледаме на био-отпадот како нешто без вредност, можеме да го препознаеме како можност за иновации и одржлив развој. Токму во оваа промена на перспективата лежи клучот кон поодржлива иднина.
     
    Оваа статија е подготвена во рамките на проектот „Граѓански активизам за остварување на циркуларна економија во управувањето со органски отпад“, спроведуван од Центарот за ресурси во животна средина (РЕЦ) – Северна Македонија, Еко Логик и Флорозон – Центар за еколошка демократија, со поддршка од Владата на Швајцарија преку Цивика мобилитас.
    Содржината на оваа статија е единствена одговорност на Центар за ресурси во животна средина (РЕЦ) – Северна Македонија, Еко Логик и Флорозон – Центар за еколошка демократија и на ниту еден начин не може да се смета дека ги одразува гледиштата на Владата на Швајцарија, Цивика мобилитас или организациите што ја спроведуваат.
    Автори: Јасмина Петровска, Еко Логик и Ана Серафимова, Еко Логик

Адресар на граѓански организации

Ресурси од граѓански организации

Магазин „Граѓаните за промена“

Вести од граѓански организации

Граѓански стории

Граѓански импулс

Civica Mobilitas Community

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор