[Aggregator] Downloaded image for imported item #46377

Нова категорија за прв пат: Награда за родово одговорни семејни политики

ОдЗдружение Конект Скопје

Клубот на одговорни бизниси на Конект, во партнерство со Министерството за економија и труд, го проширува повикот „Предводници на одржливиот развој“ со нова категорија што се воведува за прв пат: Награда за родово одговорни семејни политики. Категоријата се воведува со поддршка на програмата „Проширување на изборот“, што ја спроведуваат Конект и Фондот за население на ОН (УНФПА), а е финансиски поддржана од Австриската агенција за развој (АДА).

Компаниите и поединците во нив се двигатели на одржливиот развој. Ги бараме најдобрите практики на компаниите во Северна Македонија за да ги одликуваме приодите коишто прават значајни чекори кон одржлив развој создавајќи подобро општество. Придружете ни се во прославата на најдобрите практики и иновации што трансформираат и градат подобра иднина на нашата држава.

Оваа награда е за компании коишто покажуваат лидерство и системски пристап во воведување родово одговорни семејни политики  и мерки за баланс помеѓу приватниот живот и работата, со мерливи придобивки за вработените и бизнисот. Бараме практики што ги надминуваат законските обврски, се вградени во HR/ESG практиките во компанијата и носат правичен пристап за различни групи вработени (родители, татковци, самохрани родители, згрижувачи, лица со попреченост, сменски работници и др.) во Република Северна Македонија.

Критериуми: импакт, инклузивност, одржливост и иновација (со чувствителност на големината и секторот на компанијата).

Кој може да аплицира: сите компании од сите сектори и големини кои се усогласени со трудовото/антидискриминациско законодавство и имаат дополнителни активни родово одговорни семејни иницијативи најмалку 12 месеци. Се предвидува доделување на 2 награди, за микро/мали компании и за средни/големи компании

Иницијативите може да вклучуваат (илустративно):

  • Родителски/негувателски отсуства над законсите обврски, финансиски топ‑ап или други олеснувања при критични животни настани.
  • Флексибилни работни ангажмани (flextime, хибрид/дистанца, скратено, job‑sharing), предвидливи смени и распоред на состаноци во „core hours“.
  • Поддршка за грижа: субвенции/ваучери за грижа за деца, грижа за возрасни или грижа за лица со попреченост; партнерства со даватели на услуги, flying nannies и сл.
  • Инфраструктура: простории за доење, „kids corner“ (каде е применливо), прилагодени простории за родители/негуватели.
  • Програми за адаптација по поролдилно/родителско/негувателско отсуство (период на воведување/адаптација, менторство и сл.).
  • Ментално здравје и/или програма за поддршка на вработени (EAP – Employee Assistance Program): доверливо советување, 24/7 линија, вебинари/ресурси и слично.
  • Правична плата и напредување: механизми за еднаква плата и напредок во карирерата, обуки за менаџери, ревизија на процеси и сл.
  • Мерење и транспарентност: редовни KPI/анкети за искуство/употреба на мерките/иницијативите, одлуки засновани на податоци, споделување на добри практики.

Потребни информации за аплицирање: Опис на иницијативата (до 1.500 зборови) вклучува:

  • Лидерство: Како лидерството е вклучено (одговорности, спонзорство, KPI, буџет)?
  • Стратегија: Како иницијативата е поврзана со HR/ESG стратегијата за делување и деловни цели и/или со други политики во компанијата?
  • Активности и процеси: Детали за мерките/иницијативите, ресурсите (луѓе/буџет/инфраструктура) и временската рамка.
  • Вклученост на засегнати страни: Кои чинители се вклучени (вработени, синдикат/совет, раководители, надворешни партнери, семејството на вработените и сл.) и на кој начин?
  • Влијание (до 750 зборови): Како иницијативата придонела за одржлива промена? Наведете квантитативни и квалитативни податоци на пример:
    • задржување на кадар по породилно/родителско (жени/мажи) отсуство vs. базна година;
    • искористеност на мерки по пол/локација;
    • намалување на отсуства;
    • зголемување на продуктивноста;
    • индекс на благосостојба/задоволство;
    • застапеност на жени во раководство;
    • индикатори за еднаква плата (доколку е применливо);
    • спроведување анализи за мерење на ефектите и носење одлуки/политики засновани на податоци.

Процес на аплицирање

  • Се аплицира со проект/иницијатива на пополнет формулар за соодветната категорија: онлајн или со испраќање на „Word“ формулар на konekt@konekt.org.mk најдоцна до 15 април 2026 година. <<линк до формулар за аплицирање>> или преземете ја word верзија од формуларот за аплицирање <<овде >>.
  • Учеството е бесплатно, а компаниите можат да поднесат повеќе пријави во различни категории.
  • Иницијативата со која аплицирате може да е нова или да се спроведува веќе неколку години. Но, за да биде подобна за овие награди неопходно е дел од иницијативата да се спроведувала во 2024 и/или 2025 година.
  • Поднесените пријави не треба да дадат општ осврт на стратегијата за одржливост или ESG на компанијата туку треба да покажат како вашата компанија вложила посебни, конкретни напори во унапредување на одржливиот развој во дадената категорија.

Евалуација и селекција на финалисти

  • Пријавите прво поминуваат евалуација на апликацијата, при што може да се освојат до 50 бодови.
  • Финалистите се избираат и продолжуваат на интервју со жири-комисија во Клубот на одговорни бизниси во Конект, Скопје. Жири-комисијата е составена од HR/DEI експерти, претставник од ресорно министерство, претставник од УНФПА, бизнис/секторски претставник, граѓански сектор/академија.
  • На интервјуто апликантите имаат 5 минути за претставување на нивниот проект, по што следи сесија за прашања од комисијата и одговори.
  • Во процесот за потреби на верификација можно е да биде побарана документација на увид или комуникација со претставници на засегнати страни.

Оценување и објавување резултати

  • Евалуацијата на апликацијата носи до 50 бодови.
  • По интервјуто комисијата доделува дополнително до 50 бодови, за максимум вкупно 100.
  • Евалуацијата ја спроведува комисија вклучувајќи експерти и/или практичари од областа.
  • При квалитативната евалуација освен специфичните критериуми појаснети во секоја категорија комисијата ќе го цени лидерството, идентификуваните потреби, конкретни постигнувања и промени како и иницијативи кои се спроведуваат посветено и долгорочно. Нема да се земат предвид кампањи и ад хок активности.
  • Комисијата ќе води грижа за големината на компаниите при доделувањето на наградите со можна категоризација на големината.
  • Врз основа на квалитетот на апликациите комисијата го задржува правото и да не додели награда.
  • Победниците ќе бидат објавени на јавен настан во Скопје и по добивање на наградата ќе бидат соодветно промовирани на разни видови медиуми.

Контакт за повеќе информации

  • Контактирајте со Клубот на одговорни бизниси на Конект на konekt@konekt.org.mk и 02 3224 198. Рок за прашања е 9 април 2026 по што ќе следи објава на одговорите.
Оваа вест изворно е објавена на веб-страната на КОНЕКТ

Продолжи со читање

  • Учество на осмата меѓународна регата Сава Наутик во Брчко – БиХ

    Претставникот на извидничкиот одред “Димитар Влахов“ од Велес, Владимир Ивановски Вуцо и од Вардарска регата “Гемиџии“ Владимир Стојанов и Томе Шескокалов во периодот од 28-30.8.2026 год. на покана на здружението ИКС центар (X centar) од Брчко Дистрихт – БиХ земаа учество на осмата меѓународна туристичка рега “Сава наутик“. На оваа…

  • Погледнете го нашето ново промотивно видео и откријте како органскиот отпад може да стане вредна суровина!

    Преку силен фокус на циркуларната економија и еколошката едукација, сакаме да ги поттикнеме граѓаните на итна акција за правилно сортирање на отпадот — клуч чекор кон здрава животна средина и ублажување на климатските промени. Главни ѕвезди во видеото се наставниците и учениците од основните училишта каде што ги одржавме нашите едукативни работилници. Тие јасно порачуваат: со менување на секојдневните навики и активен граѓански ангажман, секој од нас има моќ да донесе позитивни промени во општеството!
    Ова видео е дел од промотивнтаа дигитална кампања со едукативно-информативни содржини за придобивките и начините за искористувањето на потенцијалот на органскиот отпад.
    Оваа видео е подготвено во рамките на проектот „Граѓански активизам за остварување на циркуларна економија во управувањето со органски отпад“, спроведуван од Resource Environmental Center – REC North Macedonia Центарот за ресурси во животна средина (РЕЦ) – Северна Македонија, Eco – Logic и Center for Environmental Democracy – Florozon Флорозон – Центар за еколошка демократија, со поддршка од Владата на Швајцарија и Embassy of Switzerland in North Macedonia преку програмата Цивика мобилитас #CivicaMobilitas.
     
    Содржината на оваа видео е единствена одговорност на партнерите во проектот и на ниту еден начин не може да се смета дека ги одразува гледиштата на Владата на Швајцарија #CHinMK, Цивика мобилитас #CivicaMobilitas, или организациите што ја спроведуваат.

  • Европски младински камп во Михелштат: Заедно растеме и создаваме лидери

    Програми Европски младински камп во Михелштат: Заедно растеме и создаваме лидери Кампот Михелштат во Германија беше домаќин на Европскиот младински камп, кој собра 135 учесници од 15 земји. По долго патување, а за некои и пристигнување во Михелштат низ серија на предизвикувачки услови, младите и нивните лидери се обединија околу заедничката тема: “Growing together – rooted in values – rising as leaders“, односно „Растеме заедно – вкоренети во вредностите – се издигнуваме како лидери“. Кампот понуди динамична програма исполнета со различни курсеви, интерактивни работилници и можности за размена на знаења и искуства. Курсевите беа задолжителниот дел и опфаќаа повеќе теми поврзани со менталното здравје, лидерството, активности на отворено поврзани со изградба на куќарки на дрва, обработка на темата “Do no harm” како методологија против било каков вид на насилство, односи со јавност, техники за раскажување приказни, театарски пристап во работата со млади и дигитално образование. Младите учесници и младинските работници активно придонесуваа со сопствените идеи, практики и перспективи, создавајќи простор во кој сите можеа да учат едни од други. Во фокусот беше заедничкото учење за иднината на младинската работа, како и развивањето лидерски способности засновани на вредности, соработка и меѓународно разбирање. Покрај едукативниот дел, програмата беше збогатена со многу креативни и забавни активности. Учесниците имаа можност да бидат дел од интернационален музички бенд, да создаваат уметност низ различни работилници за рачни изработки, цртање и сликање, работилници за дизајнирање восочни свеќи како и склопување и дизајнирање на куќарки за мали птици, да учествуваат во работилници за пеење (ten sing), да посетуваат сесии за релаксација и да учествуваат во спортски активности на терените на кампот во Михелштат. Дури и високите температури не ги спречија учесниците да учествуваат на сите овие настани, но и да уживаат во посетата на локалниот базен. За учесниците, покрај овие обврски, вклучена беше и прошетка до адреналински парк и возење на мал, планински ролеркостер, како и патување со брод по реката Мајна до блискиот град Милтенберг. Од Македонија имаше вкупно 7 претставници. Во изминатите четири години, овој камп прерасна во важно место за средба на европското ИМКА движење. Тој не претставува само меѓународен собир, туку простор каде што младите градат пријателства, споделуваат искуства и се инспирираат стекнатото знаење да го пренесат во своите земји и локални организации. Овој камп служи за сплотување на младинските работници низ камповите во Европа и е особено значаен за нашата земја од аспект на тоа што нуди споделување на искуства поврзани со камп културата која што ИМКА во Битола и во Македонија неуморно се труди да ја издигне на едно повисоко и препознатливо ниво за сите наши локални учесници, волонтери и поширока публика. * Пред да дојдам на кампот во Михелштат немав некои преголеми очекувања. Се надевав дека ќе запознаам нови луѓе, ќе стекнам пријатели и ќе разменам мислења со млади од различни земји. На крајот, сето тоа се исполни, па дури и ги надмина моите очекувања. Најинтересен и највпечатлив дел за мене беше курсот за лидерски вештини. Таму научив многу корисни работи за комуникацијата, тимската работа и начинот на кој еден лидер може позитивно да влијае на другите. Сигурно ќе ги применам овие знаења и во мојата заедница. За време на кампот стекнав поголема самодоверба во споделувањето на моите мислења и научив како подобро да ги разбирам и почитувам луѓето околу мене. Ова искуство ми помогна да пораснам како личност и да станам поотворен кон нови идеи и перспективи. Дефинитивно би го препорачал Михелштат кампот на секој млад човек кој сака да стекне нови искуства, да создаде меѓународни пријателства и да научи нешто корисно и вредно за својата иднина. Никола Гелов Кога првпат слушнав за кампот во Михелштат, сè ми дојде многу неочекувано. Бев пресреќна кога дознав дека и моите другарки добија можност да учествуваат, бидејќи знаев дека заедно ќе доживееме едно незаборавно искуство. Секој ден на кампот ми беше интересен на свој начин. Имав можност да научам многу нови работи и да запознаам луѓе од различни средини. Особено ми се допадна курсот по пеење. Таму научив дека не треба да се плашиме да пробаме нешто ново. Ако никогаш не се обидеме, нема да знаеме што можеме да постигнеме. Секој човек има свој талент и свој начин на изразување, а токму тоа нè прави посебни. Едно од највозбудливите искуства за мене беше активноста во Tree House. Искрено, пред да дојдам на кампот мислев дека тоа не е нешто што би го направила во мојот град. Но, овде решив да излезам од мојата зона на удобност и да пробам нешто ново. На крајот, многу се забавував и бев горда на себе што се осмелив да учествувам. Од курсот по пеење научив и една важна животна лекција: дека не треба да ги осудуваме другите. Секој може да направи нешто на свој начин и тоа не го прави помалку вреден. Наместо да критикуваме, треба да ги прифатиме и почитуваме разликите меѓу луѓето. Кампот ме научи да се дружам со сите, да бидам поотворена и да не донесувам брзи заклучоци за другите. Сфатив дека секој човек има своја приказна и дека сите заслужуваат почит, разбирање и поддршка. Најважната порака што ќе ја понесам со себе е дека треба да бидеме храбри и да не се плашиме од нови предизвици. Нема глупави прашања и нема неуспеси кога учиме нешто ново. Секое искуство е можност да пораснеме и да станеме подобра верзија од себе. Дефинитивно би им го препорачала Михелштат кампот на сите млади кои имаат можност да учествуваат. Пријателствата, чувството дека сте дел од едно големо семејство, новите искуства и сè што се учи таму се нешта што тешко можат да се доживеат на друго место. Тоа е искуство кое засекогаш останува во сеќавање. Јована Кирјаковска   Бидејќи и претходно имав учествувано на два меѓународни кампа надвор од Македонија, дојдов во Михелштат со високи очекувања и чувство на возбуда. Од моите претходни искуства знаев дека ме очекува нешто посебно, а кампот ги надмина сите мои очекувања. Она што најмногу ми се допадна беше разновидноста на курсевите и работилниците. Тие создадоа можност сите учесници да се запознаат подобро, да се дружат и да учат едни од други.

  • ENSURE истакнат како значајна иницијатива за идната подготвеност на првите одговорни служби

    ENSURE истакнат како значајна иницијатива за идната подготвеност на првите одговорни служби На 27 јуни 2026 година, Кирил Михајлов, командир на Доброволното противпожарно друштво Свети Николе, учествуваше на панел-дискусија во Скопје посветена на противпожарната заштита и подготвеноста за вонредни состојби. Во рамки на дискусијата беа разгледани дел од клучните предизвици со кои се соочуваат противпожарните…

  • Реални искуства од шумските пожари во функција на подобра подготвеност преку ENSURE

    Реални искуства од шумските пожари во функција на подобра подготвеност преку ENSURE Доброволното противпожарно друштво Свети Николе продолжува да придонесува кон целите на проектот ENSURE преку своето директно учество во сложени интервенции на шумски пожари во Северна Македонија. За време на големиот пожар во Општина Македонски Брод, тимот на ДПД Свети Николе беше ангажиран како…

Адресар на граѓански организации

Ресурси од граѓански организации

Магазин „Граѓаните за промена“

Вести од граѓански организации

Граѓански стории

Граѓански импулс

Civica Mobilitas Community

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор